Árbók Háskóla Íslands - 01.01.1947, Page 82

80
Einars Guðmundssonar, en í hinni ljósprentuðu útgáfu skinn-
bókarinnar AM 604, 4to (í Corpus codicum Islandicorum medii
aevi, 11. bd.) ritaði hann inngang um þessa bókmenntagrein.
Þá hefur hann og mikinn áhuga á íslenzkri orðasöfnun og orða-
bókargerð, og svo mætti lengi telja. Með öllu þessu hefur hann
unnið vísindunum svo mikið gagn, að Heimspekisdeild Háskóla
Islands telur sér sæmd að því að veita honum nafnbótina
dr. philosophiae honoris causa.
IX. LÁTINN HÁSKÓLAKENNARI.
Guðmundur Hannesson.
Guðmundur Hannesson fæddist á Guðlaugsstöðum í Blöndu-
dal 9. sept. 1866. Foreldrar hans voru Hannes Guðmundsson
bóndi þar og kona hans Halldóra Pálsdóttir bónda að Hvassa-
hrauni.
Hann tók stúdentspróf 1887 með I. einkunn (89 st.) og lauk
embættisprófi í læknisfræði við Kaupmannahafnarháskóla í
janúar 1894 einnig með I. einkunn (197% st.).
Þann 30. júní 1894 var Guðmundur settur héraðslæknir í
Skagafirði, hafði áður (13. apríl) verið settur héraðslæknir í
Norður-Múlasýslu, en fór þangað aldrei. Læknir Skagfirðinga
var hann fram á árið 1895, en sigldi þá til Kaupmannahafnar
til frekara náms á spítölum þar. Þ. 6. maí 1896 er hann sett-
ur og skipaður 14. sept. s. á. héraðslæknir í Eyjafirði. Honum
er veitt Reykjavíkurhérað 19. apríl 1907 og verður þá jafn-
framt kennari við Læknaskólann og kenndi líffærafræði og
yfirsetufræði. Þ. 22. sept. 1911 er hann skipaður prófessor við
læknadeild Háskóla íslands frá 1. okt. að telja. Kennslugrein-
ar hans voru þá líffærafræði, heilbrigðisfræði og yfirsetufræði,
sem hann kenndi til ársins 1925. Lífeðlisfræði kenndi hann
1926—1937. Honum var veitt lausn frá embætti 28. sept. 1936
frá 1. okt. að telja, en hélt áfram fullri kennslu fyrra misserið