Árbók Háskóla Íslands - 01.01.1949, Qupperneq 55

53
Jón skýrði síðan Sigurði frá því, hvernig hann hefði komizt að
víxlinum, og varð það að ráði hjá þeim, að Sigurður gaf víxilinn
út og framseldi eyðuframsali. Jón gerðist og ábekingur. Víxilinn
seldu þeir síðan Búnaðarbankanum, er var algerlega í góðri trú,
og þeir félagar greiddu síðan Haraldi hina áföllnu leigu. Jafnframt
varð það að samkomulagi, að Jón setti Haraldi að handveði útvarps-
„grammófón,“ er hann hafði keypt af h.f. Kóral í janúarmánuði,
fyrir kr. 1200.00, með þeim nánari skilmálum, að andvirðið greiddist
með 400 krónum við afhendingu og síðan með kr. 100.00 mánaðar-
lega. H.f. Kórall áskildi sér ennfremur eignarrétt, þar til greitt
væri að fullu, en um það var Haraldi eigi kunnugt. Þegar veðsetn-
ingin fór fram hafði Jón greitt kr. 600.00.
Leið nú fram á sumar, og greiddu þeir félagar hvorki leiguna
né heldur víxilinn, er hann féll. Þraut nú Harald þolinmæðina og
bað hann nú um uppboðssölu á grammófóninum þann 10. ágúst.
Uppboðsdaginn bað hann fastráðinn bifreiðarstjóra sinn að flytja
grammófóninn á uppboðsstað í vörubifreið verzlunar sinnar, en á
leiðinni vildi það óhapp til, að grammófónninn hraut af bifreiðinni,
er hún var á allmikilli ferð, og annað afturhjól hennar lenti í hvarfi
í veginum. Brotnaði grammófónninn í spón og gereyðilagðist.
Krafðist þá Haraldur útburðar á þeim félögum.
Þann 20. sept. höfðaði bankinn mál til innheimtu víxilsins gegn
þeim Jóni og Sigurði, en þeir báru, að þeir bæru enga ábyrgð á
víxlinum, þar sem þeir væru ekki lögráða.
Guðmundur hafði orðið gjaldþrota þ. 15. sept., og lýsti því bank-
inn kröfunni í bú hans, en það gaf ekkert í hlut almennra kröfu-
hafa.
Bæði bankinn og forstjóri verzlunarinnar X kærðu þá Jón og
Sigurð til refsingar og kröfðust jafnframt skaðabóta.
H. f. Kórall, sem enga greiðslu fékk frá Jóni umfram greindar
kr. 600.00, vildi einnig fylgja fram öllum rétti sínum.
Kveðið á um ákæru á hendur þeim Jóni og Sigurði og úrslit
refsimáls, bæði að því er snertir refsingu og skaðabætur.
Gerið ennfremur rökstudda grein fyrir því, gegn hverjum h.f.
Kóral er rétt að beina kröfum sínum, og hver verða úrslit máls
um þær, svo og útburðar- og víxilmálsins.
Skriflega prófið fór fram 7., 8., 11. og 13. jan.
Verkefni í skriflegu prófi í maí 1949 voru þessi:
I. 1 kröfu- og hlutarétti: Að hve miklu leyti er mönnum
heimilt að hagnýta sér hugverk annarra manna?