Árbók Háskóla Íslands - 01.01.1953, Page 81

79
VIII. LÁTNIR HÁSKÓLAKENNARAR
Ágúst H. Bjarnason.
Útfararrœða.
Ágúst H. Bjarnason prófessor var fæddur á Bíldudal hinn 20.
ágúst 1875 og voru foreldrar hans Hákon kaupmaður Bjarna-
son og kona hans Jóhanna Kristín Þorleifsdóttir. Tveggja ára
gamall missti hann föður sinn, og varð það hlutskipti móður
hans að koma upp stórum barnahóp. öll börnin hlutu góða
menntun og urðu þjóðkunn af störfum sínum. Ágúst fluttist
fyrst með móður sinni og systkinum til Reykjavíkur, en síðar
til Kaupmannahafnar og tók þar stúdentspróf 1894. Lagði hann
síðan stund á heimspeki við Hafnarháskóla og lauk meistara-
prófi í þeim fræðum 1901. Var fyrsti styrkþegi Hannesar Árna-
sonarsjóðsins 1901—1904. Aukakennari við Menntaskólann 1905
—1911. Það ár varði hann doktorsritgerð við Hafnarháskóla og
varð prófessor í heimspeki við hinn nýstofnaða Háskóla Islands.
Því starfi gegndi hann óslitið til ársins 1945. Rektor háskólans
var hann tvivegis, 1917—18 og 1928—29. Hann var skólastjóri
Gagnfræðaskóla Reykvíkinga frá stofnun hans 1928 til ársins
1944. Hann var einn af stofnendum Vísindafélags Islendinga
1918 og fyrsti forseti þess. Meðlimur var hann í ýmsum erlend-
um vísindafélögum. Hann kvæntist 1906 eftirlifandi konu sinni,
Sigríði Jónsdóttur ritstjóra Ólafssonar, og áttu þau 5 börn,
sem öll eru á lífi. Ágúst var alla ævi heilsugóður, þar til fyrir
þremur árum, að hann kenndi meins þess, er dró hann til dauða.
Var gerður á honum uppskurður erlendis og komst hann til
sæmilegrar heilsu. Hálfum mánuði fyrir andlát sitt versnaði
honum skyndilega og lézt hann að Landakotsspítala hinn 22.
fyrra mánaðar, rúmlega 77 ára að aldri.
Vér erum hingað komin, vandamenn og vinir, til að kveðja
prófessor Ágúst H. Bjarnason hinztu kveðju. Með honum er
horfinn einn merkasti maður samtíðar sinnar, einn þeirra
manna, sem sett hafa svip á íslenzka menningu á þessari öld
og víkkað svið hennar.