Búnaðarrit - 01.01.1914, Page 85
BÚNAÐARRIT
81
Allir segja þeir haustiö bezta burðartímann og sumarið
versta. Reynsla manna heflr líka verið búin að segja
þetta áður, því eins og skýrsla þessi ber með sér hafa
langflestar kýrnar í eftirlitsfélögunum borið í september
til desember, en það er bezti burðartíminn.
Eins og gefur að skilja geta tilviljanir haft mikil
áhrif á útkomuna, þegar ekki er hægt að reikna meðal-
tal af fleirum kúm en eg gat í júní ti) september. En
þó þykist eg sjá það Ijóst, að þessu sé alveg eins varið
með íslenzkar kýr og aðrar, og er þá vel, ef menn sjá,
að nokkuð má nota erlenda reynslu, þó að það sé úti á
íslandi.
Um feitina og smjörmagnið úr íslenzku kúnum er
yflrleitt það að segja, að allar þær tölur, er um það
fjalla, eru ónákvæmar.
Orsakirnar til þessa eru aðallega tvær.
Sú er hin fyrri, að til ársins 1910 er meðalfeiti
allra kúa í nautgripafélögunum reiknuð skakt. Hún var
til þess tíma reiknuð þannig: Feitihlutföllin, er fundust
við 3 rannsóknir, voru iögð saman, og deilt i summu
þeirra með 3. En þessi aðferð er röng og segir ekki
hin sönnu feitihlutföll kýrnytjarinnar. Iiún verður að
finnast með því að margfalda saman tilsvarandi mjólk-
urmagn og feitimagn, leggja pródúktin saman og deila í
summu þeirra með kýrnytinni. Nú er þessi aðferð notuð
i félögunum, sbr. skýrsluform Ingimundar sál. Guðmunds-
sonar, 6. bls.
Hin síðari orsök þess, að enn verður ekki sagt með
vissu um meðalfeiti íslenzkrar kúamjóikur eða meðalfeiti
i töflunni hér að ofan, er sú, að ekki eru gerðar nema
þrjár feitirannsóknir í félögunum.
Feiti mjólkurinnar er undirorpin allmildum sveifl-
um, og einmitt þess vegna er nauðsynlegt að rannsaka
feitina oftar, ef niðurstaðan á að verða ábyggilega rétt.
(Um sveifluna og áhrif á feitihlutföllin sjá grein Guð-
jóns sál. Guðmundssonar, Búnaðarrit XXII.)
6