Valsblaðið - 01.05.2010, Síða 58

Starfið er margt
fáheyrt) skotum sem hann fékk á sig í
hálfleiknum. Víkingur átti líka frábæran
leik í sókn og vörn. Þá spiluðu strákarnir
allir sem einn mjög góða vörn. Frábær
hálfleikur og góður sigur 13-9 fyrir Val.
Valur - Selfoss. Þá var komið að næsta
leik sem var gegn Selfossi. Selfyssingar
eru með mjög gott starf í yngri flokkun-
um í handbolta og bæði karla- og kvenna-
lið félagsins eru í hópi betri liða í öllum
flokkum. Síðast unnum við þá 12-8 en
þurftum að hafa nokkuð fyrir því að
leggja þá að velli. I þessum leik skipti
miklu frammistaða Alexanders í vörn-
inni. Hann spilaði fyrir utan í 5-1 vörn og
var á fleygiferð og gerði vinstri skyttu
Selfyssinga sérstaklega erfitt fyrir og
hægði mjög á spili þeirra. Sókn þeirra
var því broddlaus. Valur vann sanngjarn-
an sigur 15-9 í þessum leik.
Valur - FH. Við ræddum það fyrir leik
að þeir myndu mæta okkur með flata 6-0
vörn. Skytturnar okkar kættust við til-
hugsunina, lágvaxnir gaurar að spila 6-0
vörn. Nammi, namm. En liðið sem mætti
okkur á vellinum var eitthvað allt annað
en við áttum von á. Við vorum alls ekki
tilbúnir og lentum strax 3-0 undir. Við
héldum samt í við þá og fyrri hálfleikur
var spennandi en þeir voru samt alltaf
skrefinu á undan. Vörnin þeirra var spil-
uð mjög framarlega og ég hafði það á til-
finningunni að þeir hefðu kortlagt
Jóhann, markmanninn okkar. Það var
ábyggilega engin skyndihugdetta að spila
allt öðru vísi heldur en þeir gerðu á móti
Stjörnunni. FH vann þennan leik 17-10
sem endurspeglar alls ekki getumuninn í
leiknum. En FH-liðið er mjög gott og
þeir slaka ekkert á þó svo að þeir séu
komnir með 2-3 marka forskot. En við
getum vel unnið þá og við stefnum vita-
skuld að því að leggja þá að velli. Sjálfs-
traust FH- inga er í hæstu hæðum eftir að
hafa sigrað á síðustu 6-8 mótum. Spilið
hjá okkur gekk ekki nógu vel, en Egill
sýndi það í þessum leik að hann er meist-
ari stoðsendinganna og skapar gríðarlega
með spili sínu. Þá er Róbert að vaxa sem
varnarmaður.
Valur - Stjarnan. Við þekkjum nokkuð
til leikmanna Stjörnunnar og þær kenn-
ingar eru til að tvíburarnir Dagur og
Máni hafi lært til verka hjá Val. En þeir
bræður eru áberandi bestu menn liðsins.
Stjarnan er lið sem við eigum að vinna í
hverjum meðal leik okkar stráka. En í
þessum leik var eins og menn væru sof-
andi framan af. Leiknum lauk með sigri
Stjörnunnar 15-14 eftir æsispennandi
lokamínútur. Við Valsmenn vorum ekki
ánægðir með rausnarskap dómaranna í
garð hægri skyttunnar hjá Stjörnunni en
sá piltur fékk að rölta ítrekað 4—5 skref
með boltann áður en hann reyndi skot.
Þennan leik áttum við að vinna, einfald-
lega vegna þess að við erum með betra
lið en Stjarnan. En ef við leggjum okkur
ekki fram þá vinnum við ekki og það er
ekki nóg að spila á fullum krafti síðustu
fimm mínúturnar. Arnar átti frábæran
leik í Valsliðinu bæði í sókn og vörn, þá
var Emil mjög góður. Þegar við unnum
boltann í vörninni þá var Emil alltaf
fyrstur fram, en því miður fyrir okkur þá
komum við boltanum aldrei fram á hann
og við fengum aldrei mark úr hraðaupp-
hlaupi.
Mótið í heild.
Valsstrákarnir sýndu það á þessu móti að
þeir eiga heima í hópi þeirra bestu í 1.
deild. Það sem meira er, þeir eiga að gera
þá kröfu til sín sjálfir að vera í efri hlut-
anum. Þeir geta unnið öll þessi lið sem
þeir spiluðu gegn á mótinu en til þess
þurfa allir að leggja sig fram. Við höfum
hækkað um eitt sæti í styrkleikaröðun og
verðum í 4. sæti á næsta móti, samferða-
félagar okkar í ÍBV eru hins vegar aftur
komnir niður í 2. deild.
Það er athyglisvert að ég veit ekki til
þess að við höfum fengið víti í þessu
móti. Ég minnist þess bara að við höfum
fengið 3 hraðaupphlaup (Alexander fékk
þau öll þegar hann spilaði fyrir framan í
5-1 vörn).
Leikmenn Vals
Valsstrákar áttu að mínu mati gott mót.
En verkefnið er að þyngjast. Við mætum
erfiðari andstæðingum og þeir eiga eftir
að verða enn erfiðari næst. Flest liðin
voru að spila í fyrsta skipti gegn okkur
og þeir sem töpuðu ætla sér ábyggilega
að gera betur næst. Strákarnir eru allir í
hörku framför. Jóhann Páll varði mjög
vel og átti sinn besta leik á ferlinum í
seinni hálfleik gegn ÍBV. Hann gjörsam-
lega læsti markinu og fleygði lyklinum.
Þvílík frammistaða. Róbert var sennilega
að spila sitt besta mót, fyrst og fremst
með mikilli framför í vörninni. Strákarn-
ir sögðu mér líka að hann hefði átt mjög
góðan leik gegn HK á laugardeginum.
Arnar var mjög góður í sókninni og gætti
sín á því að láta ekki senda sig út af eins
og gerðist í tvígang í sama leiknum á
fyrsta mótinu fyrir varnarbrot. Víkingur
var duglegur í vörn og er afar vaxandi
spilari í sókninni og er að þroskast
skemmtilega sem fjölbreyttur sóknar-
maður bæði með augun opin fyrir sam-
herjum á línunni, fintum og skotfærum.
Ég sá Darra í fyrsta skipti keppa á móti.
Darri skoraði glæsilegt mark af línunni
og klippti hornamenn andstæðinganna
nokkrum sinnum út þegar við vorum í
vörn en það getur verið varasamt að
stunda það. Alexander með sínar kviku
hreyfingar er flottur fyrir utan vörnina.
Hann er fiskinn í vörn og komst nokkr-
um sinnum inn í sendingar andstæðing-
anna. Þá spilaði Alexander í vinstra horn-
inu þar sem Jökull spilar yfirleitt og
leysti Alexander það verkefni með prýði.
Egill var mjög skapandi á þessu móti og
hann er með áberandi vandaðar stoðsend-
ingar, auk þess sem hann skoraði nokkur
mörk sjálfur. Emil var flottur í vörninni
og þá er hann afar fljótur fram í sókn eft-
ir að við vinnum boltann. En strákarnir
þurfa að hugsa meira um það að líta fram
eftir að við höfum unnið boltann. Ef við
vinnum betur í hraðaupphlaupunum þá
erum við að fá mörk á silfurfati, en það
gerðist ekki á þessu móti. En við fengum
slík mörk á okkur. Helgi var mikið á
bekknum eftir byltuna á sunnudags-
morgninum en spilaði til skiptist í vinstra
eða hægra horni og leysti það með sóma.
Helgi er líka klókur þegar hann leysir inn
á línu. Hann hefur gott auga fyrir því að
standa þannig að vörn andstæðinganna
fái ekki algjört ferðafrelsi, en með því
opnar hann leið 'fyrir gegnumbrot og skot
samherjana.
Hvað svo?
En fréttaritarinn vill halda því fram að
eitt af verkefnunum fram að næsta móti
sé að bæta varnarvinnu liðsins. Emil og
Víkingur eru góðir í vörn og flestir eru
að bæta sig en leikirnir vinnast á góðri
vörn. Handbolti er ekki skotkeppni þar
sem menn koma í vörnina til að hvfla sig.
Og nógu vel þekki ég Jóhann til þess að
vita að hann kemst í banastuð þegar liðið
spilar góða vörn. Síðan þurfa menn að
hugsa hvernig þeir vilja leysa það verk-
efni að spila gegn vörn sem spilar mjög
framarlega, en með alla okkar flottu fint-
ara þá á það ekki að vera vandamál.
Næsta mót verður í Kaplakrika um miðj-
an janúar. Ég hlakka til.
58
Valsblaðið 2010