Valsblaðið - 01.05.2010, Blaðsíða 62

Viðurkenningar
Valur fyrir-
myndarfélag
ÍSI í öllum
deildum

FYRIRMYNDARFÉLAG ISI
VIÐURKENNING
Knattspyrnuféiagið Va/ur
hefur hlotid gítrdavidurkenningu
íþrótta- og Ólympíusambands ísiands
fynr barna- og unglingastarf og rétt til aó kalla
sig Fynrmyndarfélaci ISÍ til rvcstu fiogurra ára
Reykjavik, 11. mai 2010
Sgriðu Ainvdatlu

O Afi/it-
-• • *-•
Rtt HaMórsdM

Knattspyrnufélagið Valur fékk afhenta
viðurkenninguna „Fyrirmyndarfélag ÍSÍ“
þann 11. maí 2010 á 99 ára afmælisdegi
félagsins. Þetta er nokkurs konar gæða-
viðurkenning á starfsemi félagsins í
nokkrum málaflokkum eins og barna- og
unglingastarfi, menntun þjálfara og for-
varnarstarfi. Hugsunin á bak við gæða-
vottunina er að íþróttahreyfingin sýni í
verki að hún geri raunhæfar kröfur til
sjálfrar sín hvað varðar gæði og innihald
starfsins en fái í staðinn stuðning frá hinu
opinbera. Valur gerði úttekt á starfsemi
sinni til að uppfylla skilyrðin fyrir vott-
uninni sem íþróttasamband fslands setti.
Allar deildir Vals og þá félagið í heild
stóðust þessar kröfur.
Eitt af skilyrðum fyrir viðurkenning-
unni og sá hluti sem var hvað tímafrekast-
ur var að útbúa eða endumýja kennslu-
skrár í greinunum þremur fótbolta, hand-
bolta og körfubolta. í kennsluskránni
kemur fram hvað íþróttafólkið á að hafa
tileinkað sér í hverjum flokki og ætti þjálf-
unin með þessu að verða enn markvissari.
Yfirþjálfarar deildanna árið 2008-2009
áttu veg og vanda að kennsluskránni, hver
í sinni grein, þeir Lýður Vignisson í körfu-
bolta, Óskar Bjarni Óskarsson í handbolta
og Þór Hinriksson í fótbolta.
Valur getur kallað sig fyrirmyndarfélag
ÍSÍ til fjögurra ára en þarf þá að leggja
fram gögn til að fá vottunina endurnýj-
aða. Knattspyrnufélagið Valur flaggar
stolt gula fyrirmyndarfélagsfánanum við
Vodafonevöllinn til marks um þennan
áfanga í starfsemi félagsins.
Nánari upplýsingar um þessa' viður-
kenningu og ýmis gögn sem tengjast Fyr-
irmyndarfélagi ÍSÍ eru aðgengileg á
heimasíðu félagsins, valur.is
Ragnhildur Skúladóttir yfirmaður
barna- og unglingasviðs
Valsblaðlð 19B1
50 ÁRA AFMÆLISHÚF VALS
Brot lír hátíðarrœðu Sveins Zoega formanns Vals
Þessum frumherjum Vals hefur vissulega orðið að ósk sinni,
því á liðnum 50 árum hefur Valur víða farið og unnið glæsta
sigra bæði íþróttalega og félagslega. Ennþá flýgur Valurinn
þöndum vængjum, styrkum, breiðum og lyftir Grettistökum á
sviði íþrótta- og félagsmála, á vettvangi æskufólks okkarkæra
lands.
Við Valsmenn getum því í dag horft djarft fram á við, um
leið og við í stolti lítum yfir farinn veg og svörum spurning-
unni: Hvað hefur orðið okkar starf á liðnum 50 árum? Höfum
við gengið til góðs götuna fram eftir vegi? Við Valsmenn get-
um í dag sagt í hjartans einlægni, en um leið með þakklátum
huga; Við höfum gengið til góðs, veg íþróttanna, veg dreng-
skapar og manndóms. Valur hefur borið gæfu til að beina leið-
um sívaxandi hóps æskumanna og æskukvenna inn á hollar
brautir íþróttanna og lagt drjúgan skerf að andlegri og líkam-
legri uppbyggingu, dýrmætustu eign okkar fámennu þjóðar,
æskunni, æskunni sem á að erfa og byggja okkar kæra land.
Heilbrigð æska, hraust og djörf, er markmið og tilgangur félags
okkar, af því megum við og skulum aldrei missa sjónir.
Valurinn hefur sig nú aftur til flugs, til næsta áfanga, seinni
hluta aldarinnar, á sínum sterku þróttmiklu vængjum, ramm-
efldum af starfi og átökum liðinna ára og sækir hærra og hærra,
lengra og lengra, til dáða og sigra fyrir sig og afkvæmi sfn, en
um leið fyrst og fremst fyrir land sitt og þjóð.
Sveinn Zoega
62
Valsblaðið 2010