Valsblaðið - 01.05.2010, Page 84

Ungir Vaisarar
Það hefur mikla
þýðingu fyrir mig að
fá Friðriksbikarinn
og eykur
sjálfstraustið
flugpún Arna Jnnsdúttir er 16 ára og leikur fútholta
með 2. flokki og er handhafi Friðriksbikarsins
Hugrún Arna hefur æft fótbolta með Val
frá því hún var 7 ára. Hún byrjaði í Val
vegna þess að bróðir pabba hennar er
ntikill Valsari og hún fór ásamt systur
sinni, Helgu Birnu í Sumarbúðir í borg
hjá Val þegar þær voru yngri og fengu þá
báðar áhuga á fótbolta.
Hvaða þýðingu hefur það fyrir þig að
hafa fengið Friðriksbikarinn í haust?
„Það hefur mikla þýðingu fyrir mig þar
sem þetta eykur sjálfstraustið og gerir
mann enn ákveðnari í að komast sem
lengst.Tilfinningin var mjög góð“.
Stuðningur foreldra? „Þegar ég var
yngri keyrðu foreldrar mínir okkur syst-
urnar og sóttu á allar æfingar þar sem við
búum í Grafarvoginum og þau reyna að
mæta á alla leiki sem ég spila og systur
mínar eru líka duglegar að mæta. Stuðn-
ingur frá fjölskyldu skiptir öllu máli þar
sem það er gott að vita að þau styðja við
bakið á manni sama hvernig gengur og
hvetja mann til dáða.“
Hvernig gekk ykkur í sumar? „Okkur
gekk ótrúlega vel í sumar en það hefði
mátt enda betur.Við unnum 7 mót af 8,
unnum þar á meðal Dana Cup og bikar-
inn. Við urðum ekki Islandsmeistarar en
lentum þar í 2. sæti. Hópurinn núna í 2.
flokki er mjög sterkur og það verður
mikil samkeppni sem er bara gaman. Ég
hef alltaf verið mjög ánægð með þá þjálf-
ara sem ég hef haft og ég held að það sé
ekki að fara að breytast svo lengi sem ég
verð í Val.“
Skemmtileg atvik? „Miðnæturmótið á
Siglufirði sem við fórum á þegar ég var á
yngra ári í 3. flokki var öðruvísi reynsla
en við vorum vanar þar sem við spiluðum
á nóttunni og sváfum fram eftir deginum.
Ekki skemmdi það fyrir að við unnum
mótið. Það skemmtilegasta held ég samt
að sé 1. sætið á Dana Cup í sumar.“
Fyrirmyndir í boltanum? „Ég ákvað
þegar ég var lítil að Dóra Stefáns. yrði
mín fyrirmynd og svo er það líka Katrín
Jónsdóttir, Ryan Giggs og fleiri
Hvað þarf til að ná langt í fótbolta eða
íþróttum almennt? „Það þarf mikinn
metnað, æfingu, sjálfstraust og ákveðni í
að ná langt og auðvitað gott mataræði og
svefn. Maður getur alltaf bætt sig eitthvað
í öllu og það er margt sem ég þarf að bæta
mig í, ég þarf t.d. að styrkja mig.“
Hvers vegna fótbolti? „Ég veit eigin-
lega ekki hvers vegna ég hafði áhuga á
að byrja í fótbolta. Ég hef ekki æft aðrar
íþróttagreinar sérstaklega. Prófaði samt
auðvitað margt, var reyndar í Tae Kwon
Do þegar ég var lítil þar til ég valdi fót-
boltann fram yfir, fór líka á eina hand-
boltaæfingu og eina körfuboltaæfingu hjá
Fjölni."
Hverjir eru þínir framtíðardraumar?
„Ég stefni auðvitað á að komast sem
lengst, meistaraflokk Vals til að byrja
með og svo væri líka gaman að fara eitt-
hvert út í nám og spila fótbolta."
Hver stofnaði Val og hvenær? „Séra
Friðrik Friðriksson 11. maí 1911“
Hvað finnst þér að Valur eigi að gera
til að fagna 100 ára afmælinu? „Hmm,
til dæmis halda gleðidag fyrir krakkana,
afmælistónleika og eitthvað meira snið-
ugt.“
Ualsblaðið 1967
100 DRENGIR Á ÆFINGD
Úr viðtali við Lárus Loftsson þjálfara 5.flokks
Já, í sumar hef ég verið aðeins einn með flokkinn, og það er of lítið, því þegar
flestir koma á æfingarnar eru þeir um og yfir 100, sem svo fækkar þegar drengirnir
fara í sveit og sumarfrí. Að mínu viti þyrftu að vera þrír menn, sem önnuðust 5.
flokk, ef um einhverja verulega kennslu og tilsögn ætti að vera.
Það ætti að vera allt að því þegnskylda innan Vals, að þeir sem komast í kapplið í
öðrum og fyrsta aldursflokki, verði að koma og sinna æfingum hjá yngri flokkun-
um, einn til tvo mánuði á sumri hverju. Það þyrfti ekki að vera lengri tími, en það
gæti haft gífurlega þýðingu fyrir drengina, sem komnir eru í Val til þess að fá til-
sögn í leiknum og kennslu.
84
Valsblaðið 2010