Búnaðarrit - 01.01.1988, Blaðsíða 23
Samskipti við Grænland.
Undirritaður annaðist sem áður vistun grænlenskra sauðfjárræktarnema.
Haustið 1986 komu hingað þrír nýir nemar og dvöldust í Leirhöfn, Ytra-
Álandi og Sauðanesi. Tveir af þeim framlengdu dvöl sína urn eitt ár á s.l.
hausti og eru í Leirhöfn og á Stóru-Giljá. Fjórir nýir nemar komu í byrjun
nóvember. Þeir eru á Lækjamóti, Ytra-Álandi, Gunarsstöðum og í Sauða-
nesi. Lasse Bjerge, sem nú hefur umsjón með kennslunni í Grænlandi, kom
tvisvar til Iandsins á árinu.
Forfalla- og atleysingaþjónusta í sveitum.
Búnaðarfélagið hefur umsjón með forfallaþjónustunni. Gunnar Hólm-
steinsson, skrifstofustjóri, hefur með höndum umsjón með þjónustunni og
vísast til starfsskýrslu hans.
Verðlaunasjóður bændaskólanna.
Að venju voru þeim búfræðingum, sem brautskráðust frá bændaskólunum
með bestum vitnisburði, veitt bókaverðlaun. Að þessu sinni hlutu verð-
launin Sara Björg Kristjánsdóttir frá Ketilsstöðum á Tjörnesi, búfræðingur
frá Hvanneyri, og þau Sigríður Bjarnadóttir frá Eyhildarholti og Þórarinn
Leifsson frá Keldudal, búfræðingar frá Hólum.
Stóðhestastöð
Búnaðarfélag íslands sér um rekstur Stóðhestastöðvar ríkisins í Gunnars-
holti í samræmi við reglugerð eftir nánari fyrirmælum stjórnar stöðvarinnar.
Stjórnarmenn eru þeir sömu og getið er um í síðustu skýrslu. Helgi
Eggertsson lét af forstöðu stöðvarinnar á vordögum, en ráðinn var Eiríkur
Guömundsson, sem áður var tamningamaður. Þorkell Bjarnason greinir
nánar frá rekstri stöðvarinnar í skýrslu sinni.
Stofnverndarsjóður
Stofnverndarsjóður fyrir íslenska hrossastofninn er í vörslu Búnaðarfélags
Islands. Hann hefur tekjur af gjöldum, sem lögð eru á útflutt kynbóta-
hross í samræmi við ákvæði búfjárræktarlaga. Sjóðurinn veitir hrossarækt-
arsamböndum lán og styrki til að kaupa úrvals stóðhesta.
Bændahöllin/húsnæðismál B.í.
Búnaðarfélag íslands á Bændahöllina að 2/3 á móti Stéttarsambandi
bænda. Húsið er rekið sem sjálfstætt fyrirtæki og rekur það Hótel Sögu og
leigir húsnæði þeim aðilum, sem í því starfa.
Stjórn Bændahallarinnar var þannig skipuð á árinu: Ólafur E. Stefáns-