Búnaðarrit - 01.01.1988, Blaðsíða 95
verk. Þessi könnun sýndi, að fjárhagsstaða refabænda er í mörgum
tilfellum mjög slæm. Lausafjárstaða var oft mjög erfið og slök eiginfjár-
staða. Á fundi Stofnlánadeildar í júli var ákveðið að veita þeim er þess
óskuðu frestun á greiðslum árgjalda með því að færa afborganir aftur fyrir
og skuldbreyta gjaldföllnum vöxtum. Tillögur nefndarinnar voru að upp-
hæð 12 milljónir. Ekki reyndust allir geta notið þessarar fyrirgreiðslu
vegna veðleysis eða veðleyfa. Þegar þetta er ritað er ekki ljóst hvern endi
þetta fær. Stjórn Framleiðnisjóðs ákvað að veita 7,5 milljónum króna í
þetta verkefni á árinu 1987 og sömu upphæð á árinu 1988.
Fundir og ferðalög
Á fundi formanna búnaðarsambandanna 22. febrúar flutti ég erindi um
búvörulögin og framkvæmd þeirra. Á Búnaðarþingi flutti ég svipað erindi,
en meira var fjallað um viðbrögð bænda við búvörulögunum. Á fundi í
Valhöll var fjallað um lykil að lausn á vanda landbúnaðarins og á fundi að
Hellu á Rangárvöllum fjallaði framsöguerindi mitt um straumhvörf í
íslenskum landbúnaði. Á bændafundi að Búðardal 4. apríl flutti ég
framsöguerindi ásamt Jóhannesi Kristjánssyni, formanni Landssamtaka
sauðfjárbænda. Viðtöl við bændur voru 2. og 3. apríl á skrifstofu Búnaðar-
sambands Dalamanna. Friðrik Jónsson, ráðunautur, skipulagði þessa
vinnu og vann auk þess með mér að áætlunum fyrir þá sem báðu um viðtöl,
en þeir voru samtals 11. Fundaröð var farin 6. til 11. apríl 1 í A,-
Skaftafellssýslu og auk þess var auglýstur viðtalstími á skrifstofu Búnaðar-
sambandsins. Bjarni Hákonarson, ráðunautur, annaðist undirbúning og
skipulag. Fundir voru sæmilega sóttir af bændum og viðtalstími var full-
bókaður. Fundir voru í Öræfum, Suðursveit og í Nesjum. Á skrifstofu
Búnaðarsambands Suðurlands hafði ég viðtalstíma einn dag í apríl og
annan 12.júni. í þessi viðtöl komu 12 bændur.
Refabændur í Rangárvallasýslu voru heimsóttir 19. og 20. júní í þeim
tilgangi að kanna fjárhagsstöðu þeirra, en refabændur í Árnessýslu komu á
skrifstofu Búnaðarsambandsins 12. júni. 1 september var farin tíu daga
ferð um Norður- og Austurland og var megin tilgangur fararinnar að
heimsækja refabændur, sem byrjuðu refabúskap 1984 eða fyrr. Héraðs-
ráðunautar á viðkomandi stað fóru með auk Ævarrs Hjartarsonar, sem
var með mér í Eyjafirði og Þingeyjarsýslum. Benedikt Björgvinsson, ráðu-
nautur í N-Þing., vann með okkur í þrjá daga og Jón Atli var með mér
allan tímann á Austurlandi. Nokkrar styttri ferðir voru farnar.
Landbúnaðarsýningin BÚ’87
Ein af sýningardeildum bændasamtakanna var hagdeild og féll það í minn
hlut að vera þar í forsvari auk Gunnlaugs A. Júlíussonar frá Stéttarsam-
bandi bænda og Jóhanns Guðmundssonar frá landbúnaðarráðuneytinu.
93