Búnaðarrit - 01.01.1988, Blaðsíða 100
Búreikningastofa landbúnaðarins
Starfsemi Búreikningastofunnar var með
svipuðum hætti og verið hefur. Árið 1986
fullgerðu 179 bændur búreikninga í sam-
vinnu við hana. Var þeim — ásamt nokkrum
bændum, sem hættu búskap á árinu 1986 og
luku því ekki uppgjöri — sent skattuppgjör
til notkunar við gerð landbúnaðarframtals í
byrjun apríl. Fylgdi því tölvuunnin fyrning-
arskýrsla í öllum tilfellum. Sótt hafði verið
um framtalsfrest til 15. apríl og fékkst hann
undantekningarlaust. Endanlegu uppgjöri
lauk um miðjan ágúst og var niðurstöðum
skilað til verðlagsnefndar búvara skömmu
síðar.
Fulltrúar er unnu að uppgjöri reikninga ársins 1986 voru: Jóhann
Olafsson fyrir Dalasýslu, Vestfirði og V,- Húnavatnssýslu (33 reikningar);
Pétur K. Hjálmsson fyrir Borgarfjörð, Mýrar, Snæfellsnes, A.-Húna-
vatnssýslu, Skagafjörð, Eyjafjörð og S.-Þingeyjarsýslu (63 reikningar);
Þorbjörg Á. Oddgeirsdóttir fyrir Árnes-, Rangárvalla- og Skaftafellssýslur
(56 reikningar); Sigurður Árnason, Hjarðarási, sá um reikninga í N.-
Þingeyjarsýslu (5) og ráðunautar Bsb. Austurlands um reikninga í Múla-
sýslum (22).
Starf fulltrúa er einkum fólgið í lyklun færslna á sjóð-, viðskipta- og
efnahagsreikningum ásamt afstemmingu bókhalds. Einnig fer nokkur
vinna í frágang vinnuskýrslu fyrir tölvuskráningu. Jafnframt sjá fulltrúar
um færslur og leiðbeiningar hver á sínu starfssvæði.
Ársskýrsla
Samkvæmt lögum um Búreikningastofuna ber að birta yfirlitsskýrslu um
niðurstöður búreikninga ár hvert. Ársskýrsla fyrir árið 1986 kom út í lok
nóvember, 58 blaðsíður að stærð og prentuð í 1000 eintökum.
' Fjöldskyldutekjur af landbúnaði voru að meðaltali kr. 832.296 og er það
2,2 % lækkun frá fyrra ári. Þess ber þó að gæta að allur samanburður við
árið 1985 er mjög erfiður vegna þeirra breytinga, sem þá urðu á uppgjöri
afurðaverðs. Þó er ljóst að afkoma sauðfjárbúa hefur versnað milli ára og
er töluvert lakari en kúabúa og blandaðra búa.
íVS - - W GSS®
Jóhann Ólafsson
98