Búnaðarrit - 01.01.1988, Blaðsíða 175
Mál nr. 29
Skipan leiðbeiningaþjónustu. — Áfangaskýrsla (hluti afgreiddur með máli
nr. 6).
Málið afgreitt að hluta með eftirfarandi ályktun, sem samþykkt var með
20 samhljóða atkvæðum:
Búnaðarþing hefur haft til skoðunar áfangaskýrslu stjórnskipaðrar
nefndar, er fjallar um skipan leiðbeiningaþjónustu.
Þingið tekur undir þau sjónarmið, er fram koma í skýrslunni um, að
nauðsyn beri til, að öll félagsskipan bændastéttarinnar verði felld í fastara
form og að tryggja þurfi markvissa stjórn á störfum leiðbeiningaþjónust-
unnar, m.a. með því, að samtök hinna einstöku búgreina hafi þar beinni
áhrif á gang mála en nú.
Því felur þingið stjórn Búnaðarfélags íslands að koma á fót fagráðum í
samræmi við hugmyndir þær, sem fram koma í 9. kafla framangreindrar
skýrslu eftir því, sem áhugi er fyrir hjá einstökum búgreinasamtökum.
Mál nr. 30
Erindi stjórnar Búnaðarfélags íslands um skipun fiskeldis í stjórnkerfi
landsins.
Málið afgreitt með eftirfarandi ályktun, sem samþykkt var með 19
samhljóða atkvæðum:
Búnaðarþing mótmælir harðlega framkomnum hugmyndum um, að
fiskeldismál lúti yfirstjórn sjávarútvegsráðuneytis. Þingið leggur ríka
áherzlu á, að fiskrækt og fiskeldi heyri undir landbúnaðarráðuneytið svo
sem verið hefur og felur stjórn Búnaðarfélags Islands að standa vel á verði
um þá skipan mála. Ennfremur felur þingið stjórninni að vinna ötullega að
því við stjórnvöld, að þessum búgreinum verði jafnan séð fyrir nægjanlegu
fjármagni til framkvæmda í formi lána og styrkja eftir því, sem lög mæla
fyrir um.
Greinargerð:
Fiskeldi og fiskrækt eru þegar orðnar umtalsverður þáttur í atvinnuupp-
byggingu hér á landi og fer vaxandi. Bændur eru virkir þátttakendur í
þessari grein, ýmist í félagi með öðrum eða einir sér. Þessar búgreinar eru
því og munu verða umtalsverður þáttur í þeim búháttabreytingum, sem nú
fara fram í landbúnaði hérlendis, og hamla þannig gegn búseturöskun.
Uppbygging fiskeldisstöðva er fjárfrek, og stofnkostnaður er verulegur,
en hins vegar á þessi atvinnugrein að skila fljótt arði, ef vel er á haldið. Því
verður að gera þá kröfu til ríkisvaldsins, að þessi uppbygging lendi ekki í
173