Búnaðarrit - 01.01.1988, Blaðsíða 179
Búnaðarþing vill minna landbúnaðarráðherra á ályktun, sem það gerði
1987 um riðuniðurskurð, þar sem sérstaklega er vikið að því, að ekki megi
stofna árangri þeirrar aðgerðar í hættu með ónógu eftirliti. Eftir að rétti
hvers bónda til kindakjötsframleiðslu hafa verið settar svo þröngar
skorður, sem eru í gildi fyrir næstu sláturtíð, er talið, að aftur fari í vöxt, að
fullorðið fé sé skorið heima, jafnvel grafið í heilu lagi.
Þetta þýðir, að fé á riðusvæðum eða jaðarsvæðum við þau kann að
lenda utan seilingar fyrir rannsóknarmenn. Petta býður heim þeirri hættu,
sem Búnaðarþing 1987 varaði við.
Búnaðarþing telur, að enda þótt vonandi verði fátt um tilvik af þessu
tagi, sé nauðsynlegt að bregðast við þessari hættu á einhvern hátt.
Til greina kæmi:
a) Að skylda fjáreigendur á tilteknum svæðum til þess að færa fullorðið fé
til förgunar í sláturhúsi. Yrði þá að tryggja Sauðfjárveikivörnum fé til
þess að kosta flutning að sláturhúsi og slátrun og eyðingu þess fjár, sem
ekki væri lagt inn eða tekið heim.
b) Einnig kemur til greina að skylda alla á sömu svæðum til þess að skila
til sýnatöku hausum af fullorðnu fé með þeirri meðferð, sem mælt væri
fyrir um.
Rétt væri að leggja fyrir héraðsdýralækna að sjá um slíka sýnasöfnun.
Mál nr. 34
Ályktun frá meiri hluta fjárhagsnefndar um Bjargráðasjóð.
I meðferð þingsins breyttist málið á þann veg, að fjárhagsnefnd sameinað-
ist öll um að bera fram eftirfarandi ályktunartillögu um fastan tekjustofn
Búnaðarfélags íslands og búnaðarsambanda, sem sanrþykkt var með 22
samhljóða atkvæðum:
Búnaðarþing 1988 skorar á ríkisstjórnina að taka til endurskoðunar
skiptingu á sjóðagjöldum landbúnaðarins með það að markmiði, að
Búnaðarfélagi íslands og búnaðarsamböndum verði markaður ákveðinn
tekjustofn til þess að kosta hinn félagslega þátt í starfsemi þeirra.
Jafnframt því er nauðsynlegt, að þegar verði hafin endurskoðun á öllum
rekstri og skipulagi þessara félagssamtaka, þar sem hinn faglegi og
félagslegi þáttur verði aðskildir, þannig að betur komi fram, hver sé hinn
lögbundni þáttur í starfseminni annars vegar og hver hinn félagslegi þáttur
hins vegar.
177