Búnaðarrit - 01.01.1988, Blaðsíða 61
funda, einkum í tengslum við landnýtingu og umhverfismál. Þá sat ég
Ráðunautafund Búnaðarfélags íslands og Rannsóknastofnunar landbún-
aðarins og flutti þar erindi og fylgdist með umræðum á Búnaðarþingi eftir
föngum. Snemma árs flutti ég erindi og tók þátt í umræðum um ýmsa þætti
afréttar- og beitarmála, að Varmalandi hjá Upprekstrarfélagi Þverárréttar
og í Aratungu hjá Búnaðarfélagi Biskupstungna. Þá var ég meðal fram-
sögumanna á ráðstefnu um gróðurvernd, sem samtökin „Líf og land“
héldu í Háskóla íslands (sjá Frey, 21. tbl. 1987, bls. 860 og 883), mætti á
fundi hjá Umhverfismálanefnd Mosfellsbæjar um hrossabeit, hjá Sýslu-
nefnd Kjósarsýslu vegna endurskoðunar á fjallskilareglugerð, sat Náttúru-
verndarþing, hátíð vegna 40 ára afmælis Búsvísindadeildar á Hvanneyri,
ráðstefnu í tilefni 50 ára afmælis rannsókna í þágu atvinnuveganna, fræða-
fund til minningar um dr. Halldór Pálsson, þar sem ég flutti erindi (sjá
Frey, 20. tbl. 1987, bls. 822), og tvisvar sat ég fundi um svínakynbætur,
sem Búnaðarsamband Suðurlands átti frumkvæði að.
150 ára afmœlið og BÚ ’87. Svo sem áður var vikið að tók ég þátt í ýmsu
varðandi undirbúning hátíðarhalda vegna 150 ára afmælis búnaðarsam-
taka á íslandi. Mér var falin formennska í afmælisdagskrárnefnd, sem
vann að kynningarmálum og undirbúningi hátíðarfundarins 15. ágúst.
Drjúgum tíma var varið til heimildakönnunar og ritstarfa vegna væntan-
legs afmælisrits. Ég var skipaður deildarstjóri búfjárdeildar landbúnaðar-
sýningarinnar BÚ ’87, sem fól í sér mikla undirbúningsvinnu, aðallega
vegna útvegunar og flutnings búfjár, samantekt búfjárskrár, fyrirkomulag
og merkingu í gripahúsum og umsjón með fóðrun og hirðingu. Lögð var
áhersla á fjölbreytni og ýmis sérkenni búfjár, en ekki var aðstaða til
kynbótasýninga nema fyrir hross og nautgripi. Flest búféð var hýst í
hesthúsum nema minkar og refir, sem voru í sérstöku loðdýrahúsi, og
mjólkurkýr og ungkálfar í skýli á milli húsa, en sauðfé, geitur, nokkur
hross, landnámshænsni og hrafnar voru vistuð utan dyra. Einnig voru
sýndir fjárhundar að störfum. Veður var þurrt og gott nær allan sýningar-
tímann 14.—23. ágúst. Vel tókst til um hirðingu gripanna og reyndist
búfjárdeildin veigamikill þáttur í sýningunni í heild. Þar lögðu margir hönd
á plóginn og þakka ég þeim öllum ágæta samvinnu svo og hinum fjöl-
mörgu búfjáreigendum, sem lánuðu eða sýndu gripi.
Alþjóðlegur fræðafundur til minningar um dr. Halldór Pálsson, búnað-
armálastjóra, dagana 18.—19. ágúst, var liður í hátíðardagskrá Búnaðarfé-
lags íslands. Fundurinn, sem fram fór á ensku, var haldinn í einum af
hinum nýju ráðstefnusölum Hótel Sögu og lauk honum með ferð í Borgar-
fjörð. Fjallað var um ýmis veigamikil svið sauðfjárræktar. I samsæti að
kvöldi 18. ágúst var stofnaður sjóður til minningar um Halldór (sjá Frey,
20. tbl. 1987, bls. 822). Það var afar ánægjulegt að taka þátt í undirbúningi
fræðafundarins, sem tókst með ágætum, og stofnun minningarsjóðsins,
59