Búnaðarrit - 01.01.1988, Blaðsíða 48
II. Nautastöð Búnaðarfélags íslands
Á árinu 1987 voru starfandi dreifingarstöðv-
ar hjá öllum búnaðarsamböndum á landinu
nema hjá Búnaðarsambandi Strandamanna,
en samið var við Búnaðarsamband Vestur-
Húnavatnssýslu um sæðingar í syðsta hluta
Strandasýslu. Sæðingarskýrslur bárust frá 71
frjótækni, af þeim voru nú 10 dýralæknar, 7
þeirra leystu af hjá Búnaðarsambandi
Suðurlands.
Sérrit Búnaðarfélags íslands, Nautgripa-
ræktin, kemur út snemma árs og verða þar
birtar framvegis allar niðurstöður um sæð-
ingarnar, tafla um útsent sæði og sagt frá
afdrifum nautanna, sem voru á Nautastöðinni á árinu.
I ársbyrjun voru 27 naut á fóðrum og urðu þau aldrei fleiri á árinu, fæst
voru þau 14, en 15 um s.l. áramót.
Á árinu voru fryst 151.978 strá. Um 3,2% stráanna reyndust ekki not-
hæf vegna þess, að þau stóðust ekki kröfur um gæði við smásjárrannsóknir
eftir frystingu. Til geymslu og dreifingar voru tekin 141.639 strá úr 34
nautum. í 7 geymslutönkum Nautastöðvarinnar eru nú geymd um 594.000
strá með sæði úr 119 nautum auk um 20.000 stráa úr holdanautum frá
\
Diðrik Jóhannsson
Hrísey.
Á skrifstofunni voru reikningshald og viðskiptaerindi aðalverkefnin.
Innheimt voru gjöld af 33.045 kúm til að ná 85% þátttöku búnaðarsam-
bandanna. Nautastöðin keypti 4924 skammta úr holdanautum á Sóttvarn-
arstöð ríkisins í Hrísey og endurseldi búnaðarsamböndunum.
Á árinu sat ég alla fundi kynbótanefndar og aðalfund Frjótæknafélags
íslands. Starfsmaður við nautastöðina auk mín er Ingimar Einarsson og
þakka ég honum vel unnin störf. Eins og undanfarin ár hirti ég nautin þá
daga, sem hann var að heiman, og sunnudaga, alls 139 daga.
Eg þakka öilum ánægjuleg samskipti á árinu.
Hvanncyri, 10. janúar 1988,
Diðrik Jóhunnsson.
46