Búnaðarrit - 01.01.1988, Blaðsíða 46

Búnaðarþing. Eins og áður var ég skrifstofustjóri Búnaðarþings, sem stóð
frá 23. febr. til 6. marz. Vikan fyrir þingið fer að mestu leyti í undirbúning
þess, og næstu dagar eftir þing í að ganga frá málum í hendur félagsstjórn-
ar. Eg bjó Búnaðarþingstíðindi undir prentun í samráði við búnaðarmála-
stjóra. Eg var einnig skrifstofustjóri Auka-Búnaðarþings (hátíðarfundar),
sem haldið var 15. ágúst.
Bændahöllin. Eg hef átt sæti í stjórn Bændahallarinnar frá árinu 1964, er
hún var fyrst kjörin. Á árinu var mikið unnið við kostnaðarsamar inn-
réttingar í viðbyggingu og breytingar í kjallara og á 1. og 3. hæð eldri
byggingar. Mun vera greint frá því helzta í skýrslu búnaðarmálastjóra auk
þess sem Konráð Guðmundsson, framkvæmda- og hótelstjóri, mun
væntanlega skýra Búnaðarþingi frá gangi mála og reikningum Bændahall-
arinnar. Byggingarnefnd kom saman á öndverðu árinu, en störf hennar
eru orðin lítil, þar sem flestir verkþættir á núverandi áætlun eru komnir á
framkvæmdastig.
Rannsóknarstofa mjólkuriðnaðarins. í starfsskýrslu minni á undanförn-
um árum hef ég getið rannsóknarstofunnar, þar sem ég var stjórnarfor-
maður frá stofnun á öndverðu árinu 1982. 1 síðustu skýrslu greindi ég frá
því, að samdar hefðu verið nýjar samþykktir fyrir stofuna, er ætlað væri að
taka gildi snemma árs 1987. Ársfundur stofunnar var haldinn að Hótel
Sögu 19. marz, og var tillaga stjórnar að nýjum samþykktum samþykkt og
tók gildi þá þegar. Var þá nýr fundur settur, fyrsti aðalfundur Rannsókn-
arstofu mjólkuriðnaðarins. Hafði ég tilkynnt, að ég óskaði eftir að vera
ekki lengur í stjórn. Var Þórarinn E. Sveinsson, mjólkurbússtjóri á Akur-
eyri, kjörinn formaður. Ég tel, að erfiðustu ár stofunnar séu nú að baki,
þótt starf hennar sé engan veginn fullmótað. Ég þakka meðstjórnendum
og starfsfólki stofunnar ágætt samstarf, en sérstaklega forstöðumanni
hennar, Ólafi Oddgeirssyni, ötulan framgang í öllum málum. Óska ég
þessari stofnun mjólkursamlaganna velfarnaðar á ókomnum árum.
Annað. Ég hef um alllangt skeið átt sæti í Rannsóknarráði ríkisins,
tilnefndur af stjórn Búnaðarfélags íslands. Ný lög um rannsóknir í þágu
atvinnuveganna og stofnun Vísindaráðs ríkisins tóku gildi á árinu og eldra
rannsóknarráð lagt niður frá miðju ári. Hélt það síðasta fund sinn 29. júní.
Ég sat ráðunautafund, sem haldinn var 10.—13. febr., og var í nefndinni,
sem undirbjó hann. Lítið var um ferðalög á árinu. Er þar helzt að nefna
nokkrar ferðir í júlímánuði upp í Borgarfjörð til að velja holdablendinga á
landbúnaðarsýninguna og einnig austur í Flóa í svipuðum erindagjörðum.
Breyting á herbergjaskipan ráðunauta félagsins á 3. hæð Bændahallar
varð til þess, að ærlega var tekið til í skrifstofu nautgriparæktarráðu-
44