Búnaðarrit - 01.01.1988, Blaðsíða 60

Sauðfjár- og beitarráðunautur
Skrifstofu- og nefndarstörf. Þessi þáttur
starfsins hefur farið vaxandi samfara
minnkandi ferðalögum. Líkt og áður var
einkum um að ræða símtöl, bréfaskriftir og
viðtöl á skrifstofu auk setu í mörgum
nefndum. Samin voru nokkur erindi og
greinargerðir fyrir fundi og skrifaður tæpur
tugur greina til birtingar á prenti, einkum
fyrir búnaðarblaðið Frey og dagblöð. Ég
kom tvisvar fram í útvarpsviðtölum, en hafði
auk þess umsjón með búnaðarþættinum í
Ríkisútvarpinu eins og síðar verður vikið að.
Eftirfarandi voru helstu nefndir og ráð, sem
ég sat fundi í á liðnu ári: Fóðurnefnd þangað til Gunnar Guðmundsson tók
sæti mitt í henni, Kynbótanefnd sauðfjárræktar sem ritari hennar, ritnefnd
íslenskra landbúnaðarrannsókna, Markanefnd, Náttúruverndarráði og
tveim vinnuhópum á vegum þess, Rannsóknarráði ríkisins, Tilraunaráði
Rannsóknastofnunar landbúnaðarins og Vísindasjóði íslands. Auk þess
sat ég fjölda funda vegna undirbúnings 150 ára afmælis Búnaðarfélags
íslands, búfjár- og kjötdeildar landbúnaðarsýningarinnar BÚ ’87 og
minningarfundar og sjóðs dr. Flalldórs Pálssonar, búnaðarmálastjóra, sem
síðar verður vikið nánar að. Ég gegndi stöðu varaformanns í stjórn Félags
íslenskra náttúrufræðinga og lauk seinna kjörtímabili ritara í stjórn
sauðfjár- og geitadeildar Búfjárræktarsambands Evrópu. Nánar verður
greint frá öðrum skrifstofu- og nefndarstörfum í köflunum „Geitfjárrækt“
og „Önnur störf“.
Ferðalög. Á liðnu ári voru ferðalög með minnsta móti. Ég skoðaði
hrossa- og sauðfjárhaga á nokkrum stöðum, aðallega á Suðvesturlandi, fór
um Miðnesheiði vegna landmats og norður í Eyjafjörð vegna landskipta-
máls. Að tilraunastöðinni á Flesti í Borgarfirði kom ég um réttaleytið og var
dagstund við rag í afkvæmarannsóknafé og aftur kom ég þangað á
jólaföstu vegna komu dr. J.P. Hanrahan frá írlandi (sjá starfsskýrslu
Sigurgeirs Þorgeirssonar). í haust voru dilkar með vænsta móti, enda
árferði ágætt og spretta góð þrátt fyrir mikla þurrka á stórum landssvæð-
um um mitt sumar. Hausthagar munu hafa verið með besta móti og
nýttust þeir víðast hvar vel. Mikið hefur dregið úr beitarálagi síðustu árin
vegna stórfelldrar fækkunar sauðfjár.
Fundir og ráðstefnur. Að venju var töluvert um fundasetur auk
framangreindra nefndarstarfa, m.a. vegna ýmissa fræðslu- og umræðu-
Ólafur R. Dýrmundsson
58