Búnaðarrit - 01.01.1988, Blaðsíða 54
nautgriparæktarsamband Árnessýslu fyrir hliðstæðum fundi á Flúðum í
Hrunamannahreppi. Fyrr þann sama dag var aðalfundur nautgriparæktar-
sambandsins. Á þessum fundum voru eigendum bestu kúnna í hverju
nautgriparæktarféiagi veitt sérstök heiðursverðlaun frá Mjólkurbúi Flóa-
manna.
Eg mætti á aðalfundi Bsb. Vestfjarða á Reykhólum og á aðalfundi
Stéttarsambands bænda. í apríl mætti ég á fundum á vegum Ræktunarfé-
lags Norðurlands í öllum sýslum á Norðurlandi ásamt Agli Bjarnasyni. Til
þessara funda voru boðaðir forsvarsmenn búnaðarfélaga og sveitarstjórna
á hverju svæði, en þar voru niðurstöður búrekstrarkönnunar Ræktunarfél-
agsins kynntar og þær ræddar.
Eg mætti með Sigurgeir Þorgeirssyni á fundi hjá Sf. Öxfirðinga í apríl,
hjá Sf. Kirkjuhvammshrepps í lok ágúst og á sameiginlegum fundi stjórna
fjárræktarfélaganna á Suðurlandi á Skógum seint í nóvembermánuði.
Eg mætti á fundi um starfsemi leiðbeiningaþjónustu í landbúnaði, sem
haldinn var að Hvanneyri 27.—28. ágúst að frumkvæði BGÍ. Þarna voru
m.a. mættir forsvarsmenn leiðbeiningaþjónustu á írlandi, sem kynntu
breytingar þar.
Þá var mætt á ótölulegum fjölda ýmiss konar nefndarfunda, sem vikið er
að hér síðar.
Ritstörf.
Fjórði árgangur Nautgriparæktarinnar kom út snemma á árinu 1987. í því
riti er að finna nákvæmar skýrslur um helstu þætti ræktunarstarfsins í
nautgriparækt, sem Búnaðarfélag íslands vinnur að. Ritið var að þessu
sinni 165 bls. Mest af efni ritsins hef ég skrifað. Þá skrifaði ég um
niðurstöður skýrsluhaldsins og kynbótaeinkunnir nauta í Frey, strax og
þær niðurstöður lágu fyrir snemma á árinu. Gildi slíkra upplýsinga felst
ekki hvað síst í að niðurstöður berist sem fyrst til bænda, þar sem þær hafa
mest gildi séu þær hagnýttar strax.
Þá skrifaði ég í Sauðfjárræktina um þær sýningar, sem ég annaðist fyrir
Búnaðarfélagið haustið 1986.
Ég annaðist frágang á hefðbundnum greinum fyrir Handbók bænda,
auk þess sem ég skrifaði þar ásamt fleirum yfirlitsgrein um skýrsluhald í
búfjárrækt.
Ég skrifaði grein fyrir Ársrit Ræktunarfélags Norðurlands um niður-
stöður Búrekstrarkönnunar félagsins á árinu 1986 og einnig var skrifað um
hliðstæða könnun á vegum Bsb. Vestfjarða.
Einnig var smávegis unnið að skrifum fyrir afmælisrit Búnaðarfélagsins.
Ásamt Stefáni Aðalsteinssyni tók ég saman erindi, sem flutt var á
minningarfundi um Halldór Pálsson, sem haldinn var 18. ágúst. Þar var
fjallað um kynbætur á íslensku sauðfé og sérstaklega um mikilvirkan
52