Búnaðarrit - 01.01.1988, Blaðsíða 159
Mál nr. 4
Frumvarp til laga um fuglaveiðar og fuglafriðun.
Málið afgreitt með eftirfarandi ályktun, sem samþykkt var með 24
samhljóða atkvæðum:
1. Búnaðarþing mótmælir harðlega ákvæðum 2. málsgreinar 6. greinar í
drögum að frumvarpi til laga um fuglaveiðar og fuglafriðun, þar sem
gert er ráð fyrir að svipta eigendur afréttarlanda veiðirétti sínum.
Þingið vísar til sérálits Gauks Jörundssonar, prófessors, varðandi þessi
frumvarpsdrög, þar sem fram kemur, að þessi ákvæði séu ekki aðeins
brot á 67. grein íslenzku stjórnarskrárinnar og í þeim meginreglum, sem
virða ber í samskiptum ríkis og einstaklinga, heldur sé einnig mjög
óæskilegt, að eigendur eignarlanda, hvort heldur einstaklingar, sveitar-
félög eða aðrir aðilar, geti ekki ráðið því, hvort þar séu stundaðar
veiðar. Búnaðarþing lýsir eindregnum stuðningi við þetta álit prófess-
ors Gauks Jörundssonar.
2. Búnaðarþing leggur áherzlu á, að það hefur alla tíð verið bjargföst
skoðun þeirra, sem upprekstur eiga í þau lönd, sem ekki hafa fylgt
lögbýlum, svo að sannað verði, að veiðiréttur fylgi öðrum afnotum,
nema annað væri sérstaklega fram tekið. Því hafa menn litið á ákvæði
gildandi laga nr. 33/1966 um veiðar og fuglafriðun, um þetta efni sem
yfirgang og réttindasviptingu.
3. Búnaðarþing leggur til, að bönnuð verði meðferð skotvopna, nema til
eyðingar varga í afréttum þann tíma, sem fénaður er þar að sumrinu.
4. Búnaðarþing telur ófært að leggja umrædd frumvarpsdrög fram, eins
og þau liggja fyrir. Þingið krefst þess, að þau verði endurskoðuð og, að
við þá endurskoðun verði tekið fullt tillit til þeirra ábendinga og
athugasemda, sem fram koma:
a) í séráliti prófessors Gauks Jörundssonar og áður er vísað til, dags.
25. apríl 1987,
b) í séráliti Jónasar Jónssonar, búnaðarmálastjóra, dags. í júní 1987,
c) í athugasemdum frá Æðarræktarfélagi Islands, dags. 11. sept. 1987,
d) í athugasemdum frá veiðistjóra, dags. 10. og 13. sept. 1987, og frá
fulltrúa veiðistjóra, dags. 14. sept. 1987.
157