Búnaðarrit - 01.01.1988, Blaðsíða 81
Fiskeldisráðunauturinn
Ég hóf störf hjá Búnaðarfélagi íslands í
síðari hluta marsmánaðar. Stór hluti ársins
fór því til uppbyggingar á fyrirhugaðri starf-
semi félagsins á sviði þessarar búgreinar.
Fyrsti tíminn var notaður til þess að kynna
sér ástand og möguleika í fiskeldi á fslandi. í
þeim tilgangi var farið og rætt við helstu
aðila sem tengjast fiskeldi á einn eða annan
hátt og jafnframt falast eftir samstarfi. Ég
kynnti mér síðan öll lög og reglugerðir, er
snertu þennan málaflokk. Gerðar voru áætl-
anir um starfsemina og hvernig Búnaðarfé-
lagið gæti best þjónað búgreininni.
Haft var samband við flest fyrirtæki, sem versla með fiskeldisvörur, og
komið á fót „upplýsingabanka", þar sem bændur og aðrir geta fengið
upplýsingar um allan búnað til fiskeldis.
Undirbúin var gerð líffræði- og hagfræðilíkana fyrir ýmsar gerðir fisk-
eldisstöðva.
Á árinu var að mínu frumkvæði myndaður fiskeldishópur Búnaðarfélags
íslands,en í honum eru auk mín Haraldur Árnason, Ketill A. Hannesson
og Magnús Sigsteinsson. Er ætlunin með þessum hóp að veita bændum al-
hliða þjónustu í fiskeldismálum. Hópurinn hefur þegar tekið til starfa,
nokkrar fiskeldisstöðvar skoðaðar og önnur vinna hafin. Þó vildi ég
gjarnan fá meiri afnot af mínum samstarfsmönnum, sem eru þegar undir
miklu vinnuálagi.
Mikið var um fyrirspurnir varðandi fiskeldi, bæði um almennar leið-
beiningar, sem svarað var bréflega eða gegnum síma, sem og beiönir um
að koma og gera vettvangsrannsóknir víða um land. Svo margar beiðnir
bárust að ekki reyndist unnt að sinna þeim öllum á árinu, en þær verða
látnar hafa forgang á nýja árinu. Þegar hafa borist margar beiðnir um
vettvangsathuganir fyrir árið 1988.
Fljótlega var falast eftir samstarfi viö Markaðsnefnd landbúnaðarins um
athuganir á sölumöguleikum á tegundum, sem aö mínu áliti eru vænlegar í
matfiskeldi fyrir bændur. Þessar upplýsingar eru ekki til, en eru nauðsyn-
leg forsenda allra ráðlegginga um matfiskeldi. Var Auðunn B. Ólafsson
hjá Markaðsnefndinni beðinn um að gera nokkrar athuganir varðandi
þessi mál.
Óskar tsfeld Sigurdsson
79