Búnaðarrit - 01.01.1988, Blaðsíða 168
Málin afgreidd með eftirfarandi ályktun, sem samþykkt var með 22
samhljóða atkvæðum:
Búnaðarþing telur nauðsynlegt, að nú þegar verði félagskerfi landbún-
aðarins og uppbygging bændasamtakanna tekin til endurskoðunar. I
framhaldi af því verði lög og samþykktir bændasamtakanna endurskoðuð í
heild.
Búnaðarþing ítrekar ályktun Búnaðarþings 1986 um nefndarálit milli-
þinganefndar Búnaðarþings 1985 varðandi félagskerfi landbúnaðarins og
telur miður, að nefndin hafi ekki starfað áfram og skilað áliti til Búnaðar-
þings, eins og henni var ætlað.
Búnaðarþing leggur því til, að Búnaðarfélag íslands, Stéttarsamband
bænda og búnaðarsamböndin í landinu tilnefni hvert um sig einn fulltrúa í
þriggja manna nefnd, er geri tillögur um framtíðarskipan félagskerfis
Iandbúnaðarins.
Nefndin ljúki störfum fyrir 1. febrúar 1989 og leggi tillögur sínar fyrir
hlutaðeigandi aðila.
Greinargerð:
Nú þegar hefur verið unnin mikilvæg undirbúningsvinna að endur-
skoðun félagskerfis landbúnaðarins af milliþinganefnd Búnaðarþings, er
skipuð var 1985 og skilaði áliti til Búnaðarþings 1986, og einnig með
áfangaskýrslu, er fjallar um skipan leiðbeiningaþjónustu, er landbúnaðar-
ráðherra hefur látið vinna og liggur nú fyrir Búnaðarþingi.
Búnaðarþing telur mjög brýnt, að þessari forvinnu verði fylgt eftir með
því að gera tillögur um framtíðarskipan þessara mála.
Mál nr. 17
Erindi formannafundar búnaðarsambanda um lífeyrismál starfsmanna
búnaðarsambanda og Búnaðarfélags íslands.
Málið afgreitt með eftirfarandi ályktun, sem samþykkt var með 22
samhljóða atkvæðum:
Búnaðarþing felur stjórn Búnaðarfélags íslands að leita lögfræðilegs
álits á greiðsluskyldu búnaðarsambanda á kröfum Lífeyrissjóðs starfs-
manna ríkisins á verðtryggðum lífeyrisgreiðslum:
a) þeim launahluta, sem ríkissjóður greiðir af launum héraðsráðu-
nauta (65%).
b) þeim hluta launa, sem búnaðarsamböndin hafa greitt (35%).
Einnig beinir þingið því til stjórnar Búnaðarfélags íslands að afla
formlegrar viðurkenningar á greiðsluskyldu ríkisins á verðtryggingu líf-
eyrisgreiðslna til starfsmanna Búnaðarfélags íslands.
166