Samtíðin - 01.10.1943, Blaðsíða 10

Samtíðin - 01.10.1943, Blaðsíða 10
6 SAMTlÐIN gæta að nafni hins eignalausa félags í útsvarsskránni! Hér er dæmi annars eðlis: Eigna- laus stúlka, sem var atvinnulaus meiri hluta árs, vann sér þó inn um 2000 krónur, sem húsbóndi hennar skýrði skattstofunni frá. Stúlkan hélt í fáfræði sinni, að framtal hús- bóndans væri nægilegt og taldi því sjálf ekki fram, eins og henni þó bar. Skattstofan áætlaði stúlkunni 8000kr. tekjur, og samkvæmt þeirri áætlun voru allir skattar hennar reiknaðir út. Skattarnir urðu svo háir, að stúlk- an fór að grennslast eftir, hverju slíkt sætti. En hefði skattstofan áætl- að tekjur stúlkunnar t. d. 4000 kr., hefði hún sennilega greitt skattana möglunarlaust, óvitandi þess, að hér var hún að greiða skatta af helmingi hærri tekjum en hún raunverulega hafði aflað. — Fæslir skattgreiðend- ur hafa tækifæri til að fylgjast með útreikningi Skattstofunnar með sköttum þeirra. Um það geta væntanlega allir ver- ið sammála, að gagngerðar breyting- ar á núverandi skattalöggjöf eru nauðsynlegar. Ritstjórar blaða og tímarita eiga ásamt öðrum leiðtog- um þjóðarinnar að hvetja menn til sparnaðar og fjársöfnunar. Löggjaf- arvaldið á að sjá til þess, að-þvi fé sé jafnan vel varið, sem tekið er af skattþegnunum. Framkvæmdamað- urinn verður að ganga úr skugga um, að fé það, sem tekið er úr rekstri hans og þar af leiðandi dregur úr framkvæmdum, sé notað skynsam- lega. Þá á binn sparsami daglauna- maður og heimtingu á því, að farið sé vel með það fé, sem hann greiðir til opinberra þarfa, en hann hefði ella notað sér til öryggis i ellinni. Bókmenntagetraun Samtíðarinnar Hvaða skáld hafa ort eftirfarandi Ijóðlínur, og úr bvaða kvæðum þeirra eru þær? Svörin eru á bls. 29. 1. Fátæktin var mín fylgjukona frá því eg kom i þennan beim. 2. Góðmennskan gildir ekki gefðu duglega á kjaft. 3. Konungs hafði hann hjarta með kotungs efnum. 4. Þú bróðir kær, þó báran skaki þinn bátinn hart, ei kvíðirin sért. 5. Ei mun guð sitt aðalverk aftur niður rífa. Fyrirspurn Ejnn af áskrifendum Samtíðar- innar spyr: „Eru íslenzkir læknar ekki farnir að hafa dýrmæta vökv- ann horménið lil að gefa mönnum nýtt líf, þegar menn fara að slitna?" Samtíðin bað Jónas lækni Sveins- son að svara þessari fyrirspurn. Kvað hann hormón nú þegar notað mikið af íslenzkum læknum, en vís- aði um þetta efni til lækningabókar þeirrar, er brátt væri væntanleg und- ir ritstjórn próf. Níelsar Dungals. Suðutækin gera gagn, gull í búið draga, þegar rakið rafurmagn rennur alla daga.

x

Samtíðin

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Samtíðin
https://timarit.is/publication/647

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.