Samtíðin - 01.11.1943, Blaðsíða 5

Samtíðin - 01.11.1943, Blaðsíða 5
SAMTíÐIN Nóvember 1943. Nr. 97 10. árg., 9. hefti ÚTGEFANDI: SIGURÐUR SKÚLASON MAGISTER. UM IJTGÁFUNA SJÁ BLS. 32. 1 YFJAFRÆÐINGUR nokkur, dr. Frank ÍJ B. Robinson, búsettur í fylkinu Ida- ho vestur í Bandaríkjunum, hefur fyrir nokkrum árum stofnað trúarflokk ein- göngu með bréfaskriftum. Hér er ekki um að ræða neinar kirkjur né guðsþjónustur í venjulegum skilningi, en samt stækkar söfnuður þessi óðfluga. Hugsjón sú, sem vakir fyrir dr. Robinson, sést bezt af eft- irfarandi orðum, sem þýdd eru úr bækl- ingi, sem hann hefur sent öllum þeim, er gerzt hafa meðlimir safnaðar hans, en þeir eru orðnir á aðra miljón: „I 40 ár hef ég ef til vill verið auðvirðilegasta mannvera, sem hugsazt getur. En svo bar það við dag nokkurn, að ég talaði við guð. Þá kom yfir mig andlegur kraftur svo mikill og máttugur, að í samanburði við hann urðu öll önnur öfl svo sem ekki neitt. Þennan kraft skal ég veita yður, ef þér viljið. Hver veit, nema hann geti orð- ið yður enn þá meira virði en mér." Fyrir um það bil fjórtán árum öðlað- ist dr. Robinson þennan kraft, sem hann fullyrðir, að geri sig færan um að hljóta alla þá hamingju, sem hann girnist og öll þau veraldleg gæði, sem honum kann að leika hugur á að eignast. AUt þetta telur hann, að sér hafi verið veitt, eftir að hann talaði við guð, og síðan hefur hann hafnað öllum öðrum skilningi á guði en þeim, sem hann hefur persónulega öðl- azt. Þó játar hann, að máttur bæna sé mikill. — Dr. Robinson kveðst geta gert aðra menn hluttakendur í hinni merkilegu lífsreynslu sinni og hamingju með því að leggja þeim bréflega lífsreglur, sem þeir eiga að fara eftir. Hann trúir því, að til sé lögmál, sem hann nefnir guðslög- m á I i ð. Þetta lögmál stýrir athöfnum manna fyrir sitt leyti eins og rafmagnið stjórnast af sérstöku lögmáli. Dr. Robin- son trúir því, að þetta guðslögmál hafi alltaf verið til, en að mannkynið hafi ekki þekkt það fremur en rafmagnið, af því að það er ósýnilegt. Hvað, sem menn kunna að segja um þetta mikla nýmæli, er eitt þó víst, að áhangendum dr. Robinsons fer dagfjölg- andi. Þegar þetta er ritað, er söfnuður hans orðinn á aðra miljón, og má hann kallast dreifður um alla jörðina. Dr. Ro- binson segir um sjálfan sig: „Ég er mað- ur rétt eins og gerist og gengur, enda þótt ég og borgin, sem ég bý í, sé nú orðin heimsfræg. (Þessi borg heitir Moskva). Ég háði jafnörðuga lífsbaráttu og hver annar, þangað til ég uppgötvaði guðslögmálið. Síðan hef ég ekki gert ann- að en reyna til að fræða aðra menn um þetta lögmál og leiða þá í allan sann- leika um tilveru þess." — Áhangendur dr. Robinsons eru, eins og vænta má, menn ai' öllum stéttum, bæði ríkir og fátækir. Allir eða allflestir hafa þeir verið óánægð- ir menn, sem að einhverju leyti voru á.ð- ur ósáttir við tilveruna. Til dr. Robin- sons streyma daglega fleiri bréf en til flestra annarra manna, og vitanlega er hann löngu hættur öllum öðrum störfum en að vinna trúarskoðun sinni áhangend- cndur. Honum hefur óhjákvæmilega græðzt stórfé, en hann kveðst verja því til styrkt- ar hinu mikilvæga málefni. Sjálfur hygg- ur hann ekki á auðsöfnun, enda mundi slíkt óþarft samkvæmt kenningum hans. Guðshugmynd sína nefnir dr. Robinson „Psychiana". Hún er í sjálfu sér ekki ný, en trúboð hans er hins vegar alger nýj- ung. Hann segir: „Ef guð getur launað mönnunum í öðru lífi, hlýtur hann einn- ig að geta gert það hér, ef við komumst í rétt samband við hann. Það hef ég gert, og markmið mitt er að stuðla að því, að sem flestir öðlist mína dásamlegu trúar- reynslu."

x

Samtíðin

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Samtíðin
https://timarit.is/publication/647

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.