Samtíðin - 01.04.1946, Blaðsíða 7

SAMTiÐIN
Apríl 1946 Nr. 121 13. árg., 3. hefti
ÖTGEFANDI: SIGURÐUR SKÚLASON MAGISTER. UM ÚTGÁFUNA SJÁ BLS. 32.
FLESTA HEILBRIGÐA menn langar
vafalaust til að lifa sem lengst og þá
auðvitað við sem bezta heilsu. En heilsu-
Ieysi er eitt hið algengasta böl, sem mann-
kynið á við að stríða, og hrörnunarsjúk-
dómar herja á fólk, jafnvel á miðjum
aldri, einkum hinar svonefndu siðmenn-
ingarþjóðir, er villzt hafa frá eðlilegum
lifnaðarháttum og orðið hvers kyns bílífi
og óhollustu að bráð. Því hefur löngum
verið trúað, að ellin komi okku-r að lokum
á kné og að glíman við hana sé ein hin
mesta mannraun, sem hugsazt getur. Er
því engin furða, þótt það hafi vakið geysi-
lega athygli erlendis, að austur í Austur-
Síberíu og Mansjúríu skuli heimaalning-
arnir ( sem að ýmissa dómi munu vera
frekar frumstætt fólk), þekkja lyf, er lækn
ar ellisjúkleik og lengir við það líf manna
að miklum mun. Lyf þetta nefnist: k o m-
b u c h a, og til þess að menn haldi ekkr,
að hér sé verið að segja mönnum reyfara
um eitthvert fánýtt hómópatameðal, skal
tekin upp frásögn merks vísindamanns
dr. Siegwarts Hermanns, fyrrum prófess-
ors í bakteríufræði við háskólann í Prag,
nú forstöðumanns frægrar rannsóknar
stofnunar í New York, um þetta undralyf.
Ur. Hermann farast m. a. þannig orð:
„Mér tókst að útvega mér dálítinn skammt
af þessu lyfi hjá vísindamönnum í Sovét-
Rússlandi, sem ég heimsótti, og nú hef ég
rannsakað það til hlítar með ýmsum vís-
indalegum tilraunum. Árangurinn hefur
reynzt furðulegur. í raun réttri hafa ibú-
ar Austur-Asíu rammað hér á stórmerka
læknisfræðilega uppgötvun, er reynast
niun alveg ómetanleg. Þetta lyf nefnist
„kombucha“. Mér er ekki fylliiega kunn-
Ugt, hvernig það er búið til. Ein af goð-
sógunum um uppruna þess hermir, að það
sé búið til úr geitamjólk í launhelli. Önn-
ur sögn telur, að það sé unnið úr fituhnúð
kameldýrs. íbúar Austur-Asíu nota lyfið
gegn æðakölkun og krabbameini. Þar sem
fjest af okkar dýrmætustu lyfjum fyrr á
tímum voru alþýðulyf, fýsti mig mjög að
kynnast kombucha-lyfinu. Við rapnsókn
kom í 'ljós, að það var framleitt með gerj-
un fyrir atbeina sveppa. Er hér um nýtt
efni að ræða, sett saman úr fimm lífræn-
um efnum. Eftir að hafa reynt lyfið á
köttum og kanínum, gekk ég úr skugga um,
að það hafði í sér fólginn mjög mikils-
verðan varnar- og lækningakraft. Ein af
tilraunum mínum og samstarfsmanna
minna var í því fólgin, að við sýktum heil-
brigða ketti af æðakölkun með því að gefa
þeim stóra skammta af D-fjörefni. Eftir
vikutíma voru kettirnir orðnir mjög illa
haldnir. Allir drápust þeir innan mánaðar.
Rannsókn leiddi í ljós, að allmikil kölkun
var orðin í slagæðum þeirra og öðrum
líffærum, en slíkt er venjulegt einkenni
ellinnar. — Nú var tilraunin endurtekin
á öðrum kattahópi, en í þetta sinn var
köttunum auk D-fjörefnisskammtsins gef
ið kombucha. Þessir kettir kenndu sér
einskis meins. Þeir urðu ekki fyrir neinni
æðakölkun.Enn var tveimur köttum gefinn
mjög stór skammtur af D-fjörefni einu
saman. Síðan var þeim gefið kombucha.
Læknaðist þá fljótlega kölkun sú, er þeir
höfðu kennt.
Næst voru nokkrar kanínur sýktar af
æðakölkun með því að gefa þeim lyf, sem
nefnist „cholesterol“. Þetta beit á þær,
sem ekki fengu neitt varnarlyf. Aðrar,
sem fengu jafnframt kombucha, sýktust
ekki. Loks voru aðrar kanínur sýktar með
því að dæla inn í blóð þeirra bakteríu-
vökva. Síðan var þeim gefið kombucha,
og eftir 3 daga var sjúkdómurinn í greini-
legri rénun.