Samtíðin - 01.05.1948, Blaðsíða 8

4
SAMTÍÐIN
grannir. Fitan gerir hjartanu allt of örð-
ugt fyrir og eykur starf þess að miklum
mun. Það verður því óeðlilega þreytt, en
slíkt hefur það í för með sér, að læknar
hika einatt við að skera feitt fólk upp,
enda þótt þörf krefji.
Þeir, sem safnað hafa spiki, eiga oft
býsna örðugt með að losna við það aftur.
Ekki vantar, að þeir kannist við óþægind-
in af völdum þess: mæði, hjartslátt, flat-
ar iljar, æðahnúta o. s. frv. En takist lækn-
inum ekki að ráða bót á þessu í skjó.tri
svipan, gerast þeir óþolinmóðir og gefast
of.t og einatt upp við að megra sig. Þeir
treysta því þá, að hægt sé að megra sig
með því að éta pillur. En hér þarf meira
við: algera breyting á mataræði og aukna
hreyfingu. Nægur viljastyrkur fleytir
mönnum yfir byrjunarerfiðleikana. Og
þegar mánuður er liðinn, frá því er menn
hófu lífsvenjubreytinguna, eru þeir orðnir
„nýir og betri menn“. Þeim þykir „nýja“
fæðan orðið ljúffengari en sú, sem þeir
neyttu áður, og eru orðnir afvanir því að
éta yfir sig. Þeir þola líkamsæfingarnar
prýðilega, og ekkert ber á taugaveiklun,
sem þeir héldu, að mundi verða afleiðing
þeirra.
Langflesta þá menn, er þurfa að megra
sig, skortir viljafestu til þess að leggja á
sig þá lífsvenjubreyting, er megrunin hef-
ur í för með sér. Og svo finnst sumum
fallegt að vera feitur. Margir eiginmenn
banna konum sínum að megra sig. Þeir
kunna bezt við þær „í makt og miklu
veldi“ fitunnar. Mörgum eiginkonum fell-
ur það einnig miður, ef þær verða að hætta
að kræsa matinn ofan i menn sína. Þær
hafa notið þess að sjá afleiðingar matgerð-
arlistar sinnar í auknum holdum á líkama
manna sinna. En sannleikurinn er sá, að
hjá mörgu fólki stafar fita af því, að fólki
leiðist. Menn éta þá máltíð sér til afþrey-
ingar. Vafalaust mundi það draga úr of-
fitu fólks, ef sá siður legðist niður að
skemmta sér yfir sameiginlegu borðhaldi.
Eitthvað á þessa leið var inntakið úr
ræðu hins danska yfirlæknis. Það mætti
vafalaust verða oss íslendingum um-
hugsunarefni, enda þótt offita sé hér ekki
annað eins þjóðarböl og í Danmörku. En
í fyrrnefndri blaðagrein er fullyrt, að
Danir eigi heimsmetið í þeim efnum.
Vitið þér þetta?
Svöiin finnið þér á bls. 29.
1. Hvar í líkama mannsins eru:
Miltið, gollurshúsið, geislungarn-
ir, hásinin og valan?
2. Hvað ér kaldavermsl?
3. Hvaða spendýr getur ekki gefið
Jieitt hljóð frá sér?
4. Á Winston Churchill fyrrum for-
sætisráðherra Breta npkkurn
l'rægan alnafna?
5. Hvaða ár náði tala bifreiða í
Bandaríkjunum einni milljón?
CJKURÐLÆKNIR á sjúkrahúsi var
** staddur í miðjum uppskurði á
kvenmanni, þegar eldur hrauzt út í
stórhv'si andspænis spítalanum. Hús-
ið varð brátt alelda, og logarnir lýstu
upp allt umhverfið. Læknirinn lauk
við uppskurðinn, eins og ekkert hefði
í skorizt, en að þýí búnu snéri hann
sér að hjúkrunarkonunni og sagði:
„Viljið þér ekki draga vandlega
fyrir gluggana, svo að sjúklingurinn
haldi nú ekki, að hann sá dauðui',
þegar liann vaknar“.
Sigurgeir
Sigurjónsson
hæstaréttarmálaflutningsmaður.
Aðalstræti 8. - Sími 1043.
Skrifstofutími 10—12 og 1—6.