Fréttablaðið - 30.01.2010, Page 49

LAUGARDAGUR 30. janúar 2010 5
Ferðaáætlun FÍ 2010
er komin út!
www.fi.is Ferðafélag Íslands SKRÁÐU ÞIG INN – DRÍFÐU ÞIG ÚT!
„Þetta snýst um að reyna á þolrif-
in í áhorfendum og okkur sjálf-
um. Við syngjum aldrei neitt
venjulegt, reynum alltaf að taka
annan vinkil á hlutina. Við höfum
í raun aldrei gengið lengra en nú,
og eflaust munum við stuða ein-
hvern,“ segir Eyþór Ingi Jónsson,
organisti í Akureyrarkirkju og
kórstjóri Hymnodiu sem heldur
tónleika í smurstöðinni Kvikkfix
á morgun.
Tónleikastaðurinn er óneitan-
lega óvenjulegur. Kvikkfix er til
húsa í Vesturvör 30c í Kópavogi
og hefur haft það að markmiði að
sameina hversdagsleika og list
með því að hýsa þar gallerí sem er
nýtt til myndlistarsýninga, gjörn-
inga og tónleika af ýmsum toga.
Verða tónleik-
arnir á morgun
í takt við þenn-
an óvenjulega
blæ sem ríkir
yfir staðnum.
„Við verðum
kannski eins
og geimverur
þarna á kafla,
þar sem partur
af tónleikunum verður algjörlega
frjáls hljóðfæra- og söng spuni.
En þó svo við munum gefa okkur
sköpunarkraftinum á vald, verða
tónlistarverkin ávallt í fyrirrúmi,“
útskýrir Eyþór Ingi.
Hymnodia hefur unnið mikið
með spuna í gegnum tíðina og
er það eitt af einkennum kamm-
erkórsins. „Þetta verða gríðar-
lega öfgafullir kórtónleikar og í
raun erum við að gera allt annað
en að koma fram á hefðbundinn
hátt,“ segir hann. Þó munu mörg
íslensk tónskáld fá verk sín frum-
flutt á tónleikunum í Kvikkfix og
er Gísli Jóhann Grétarsson eitt
þeirra. „Það er náttúrulega mjög
gaman að fá frumflutt verk eftir
sig og ég er þess fullviss að Hym-
nodia eigi eftir að skila því af sér
á sinn frábæra hátt. Þau gera það
alltaf,“ segir Gísli, sem er búsett-
ur í Svíþjóð um þessar mundir
þar sem hann leggur stund á nám
í tónsmíðum.
Tónleikarnir hefjast kl. 14.00 á
morgun og er aðgangseyrir 1.500
krónur. - sv
Söngspuni í smurstöð
Kammerkórinn Hymnodia heldur á morgun tónleika á vægast sagt óvenjulegum stað. Kórinn mun þenja
raddböndin í smurstöðinni Kvikkfix í Kópavogi en tónleikarnir eru hluti af Myrkum músíkdögum.
Eyþór Ingi Jónsson
Íslenskir fjallaleiðsögumenn
bjóða upp á ferðir á Sólheima-
jökul um helgina.
Íslenskir fjallaleiðsögumenn
standa fyrir göngu á Sólheimajök-
ul, einn skriðjökul Mýrdalsjökuls,
í dag og á morgun klukkan 12. Fá
þátttakendur tækifæri til að skoða
svelgi, jökuldrýli, djúpar jökul-
sprungur og útföll Jökulsárinnar.
Umhverfi jökulsins þykir hrika-
legt og sýnir vel landmótunar áhrif
kröftugra jökla.
Reyndur leiðsögumaður kenn-
ir þátttakendum undirstöðuatrið-
in í broddagöngu og notkun ísaxa
um leið og lagt er á jökulsporðinn.
Leiðsögnin er innifalin í þátttöku-
gjaldi ásamt mannbroddum, ísöx-
um og öryggisfatnaði. Þátttakend-
ur eru beðnir að mæta með hlý föt,
regnföt, gönguskó og nesti.
Um tvær klukkustundir tekur að
keyra frá Reykjavík til Sólheima-
jökuls, þar sem gangan hefst við
bílastæðið klukkan 12. Gangan
tekur á bilinu þrjá til fjóra tíma
og er aðeins ætluð þátttakendum
tíu ára og eldri. Þátttökugjald er
9.500 krónur fyrir fullorðna og
5.900 krónur fyrir börn. Sjá www.
fjallaleidsogumenn.is. - rve
Gengið í góðu veðri
Íslenskir fjallaleiðsögumenn standa fyrir ferðum alla daga vikunnar. FRÉTTABLAÐIÐ/VILHELM
Áður en lagt er í hann út á land er gott að afla sér
upplýsinga um færð og veður. Slíkar upplýs-
ingar er hægt að fá í símsvara í síma
1779. Upplýsingaþjónusta
Vegagerðarinnar er hins
vegar í síma 1777.
www.vegagerdin.is
Lára Sóley Jóhannsdóttir
fiðluleikari mun spila með
Hymnodiu á morgun og
ákvað að prófa hljóm-
gæðin í sal Kvikkfix.
FR
ÉTTA
B
LA
Ð
IÐ
/VA
LLI