Fréttablaðið - 30.01.2010, Síða 80

52 30. janúar 2010 LAUGARDAGUR
EM Í AUSTURRÍKI
EIRÍKUR STEFÁN ÁSGEIRSSON
skrifar frá Vín
eirikur@frettabladid.is
HANDBOLTI Arnór Atlason fór á
kostum gegn Noregi í fyrrakvöld
og segir að það væri ekki slæmt
ef varnarmenn Frakka myndu
sýna sér meiri athygli en aðrir
andstæðingar Íslands á mótinu
hingað til.
„Vonandi fæ ég meiri athygli.
Það þýðir að þá opnast svæði
fyrir aðra annars staðar á vell-
inum og við eigum svör við því,“
sagði Arnór. „Annars á ég von á
því að Frakkar muni spila sína
framliggjandi vörn sem er örugg-
lega besta vörn í heimi. Við telj-
um okkur þó vera með mjög gott
sóknarlið og að við eigum svör
við öllum týpum af þeim varnar-
leik sem við fáum á móti okkur.“
- esá
Arnór Atlason:
Frakkar með
bestu vörnina
ARNÓR ATLASON Var óstöðvandi gegn
Norðmönnum. MYND/DIENER
HANDBOLTI Allar líkur eru á því að
Ísland muni spila í rauðu búning-
unum sínum gegn Frökkum í dag.
Einar Þorvarðarson, fram-
kvæmdastjóri HSÍ, sagði við
Fréttablaðið í gær að það væri
ekki enn búið að taka ákvörð-
un um búningamál fyrir leikinn
gegn Frökkum í undanúrslitum
EM í handbolta í dag.
„En ef Frakkar vilja spila í
sínum bláu búningum hugsa ég að
við myndum gefa þeim það eftir,“
segir Einar.
Ísland hefur gert tvö jafntefli í
bláum búningum en unnið þrjá og
gert eitt jafntefli í þeim rauðu.
Ísland er því augljóslega betra í
rauðu búningunum rétt eins og á
Ólympíuleikunum í Peking.
Þá spilaði liðið þrisvar í bláum
búningum, vann einn leik, gerði
eitt jafntefli og tapaði einum leik.
Í rauðu búningunum vann liðið
aftur á móti þrjá leiki, gerði eitt
jafntefli og tapaði aðeins einum
leik. Það var einmitt úrslitaleik-
urinn gegn Frökkum. - esá
Búningamál Íslands:
Strákarnir eru
betri í rauðu
BESTIR Í RAUÐU Ísland flengdi Frakk-
land, 32-24, í rauðum búningum á HM
2007. FRÉTTABLAÐIÐ/PJETUR
HANDBOLTI Það hefur gengið á ýmsu
hjá Guðmundi Guðmundssyni
landsliðsþjálfara í handbolta. Hann
hefur staðið í ströngu með íslenska
landsliðinu á Evrópumeistaramót-
inu þar sem liðið er komið í undan-
úrslit og mætir heims- og ólympíu-
meisturum Frökkum í dag.
En það hefur fleira komið til en
bara dramatíkin á EM. Honum
var á dögunum tilkynnt með sms-
skilaboði að atvinnuveitandi hans,
handknattleiksfélagið GOG í Dan-
mörku, væri orðinn gjaldþrota,
þrátt fyrir að hann hefði samþykkt
launalækkun daginn áður.
Þá var Gunnar Magnússon,
meðlimur í þjálfarateymi íslenska
landsliðsins, skyndilega boðaður
heim til Íslands vegna áfalls í fjöl-
skyldu hans.
Hefur tekið mikið á
Það tók mikið á Guðmund sem og
aðra í landsliðinu sem tileinkuðu
Gunnari og hans fjölskyldu sigur-
inn á Noregi í fyrrakvöld.
„Allt þetta hefur tekið mjög
mikið á og þessu fylgja miklar og
erfiðar tilfinningar,“ sagði Guð-
mundur við Fréttablaðið í gær.
„Það þarf ákveðinn styrk til að
geta haldið áfram enda hefur þetta
verið tilfinningalegur rússíbani.
Ég hef reynt af fremsta megni
að leggja ofurkapp á að einbeita
mér að því verkefni sem er fram
undan,“ segir Guðmundur.
„Ég hef haft það að reglu að
líta á að tækifærin séu til staðar í
öllum aðstæðum. Það þurfi bara að
finna þau. GOG er nú farið á haus-
inn og þá koma upp önnur tæki-
færi í staðinn. Kannski seinna og
á öðrum stað en þangað til mun ég
ekki velta mér frekar upp úr því.“
Guðmundur leggur mikla áherslu
á að undirbúa íslenska landsliðið
sem best fyrir leiki sína. Sú und-
irbúningsvinna fer að mestu fram
fyrir framan tölvuskjáinn þar sem
þjálfarateymið klippir saman hin
ýmsu myndskeið sem gagnast við
að leikgreina bæði íslenska liðið og
andstæðinginn.
„Ég hef ekki tekið það saman
hversu marga klukkutíma ég er
fyrir framan tölvuna,“ segir Guð-
mundur. „Kannski hálfan sólar-
hringinn. Það fer allur dagurinn í
þetta og öll kvöld og þar að auki
skiptum við þessu á milli okkar.
Óskar Bjarni [Óskarsson aðstoð-
arþjálfari] klippir á nóttinni og ég
byrja svo að horfa eldsnemma á
morgnana og er að allan daginn.“
Guðmundur segir að hvert tæki-
færi sé nýtt. „Við tókum til dæmis
tölvuna með okkur á æfingu fyrir
leikinn gegn Noregi. Á meðan
strákarnir voru að hita upp vorum
við enn að horfa á upptökur af
norska liðinu.“
Guðmundur segir þó nauðsyn-
legt að gefa sér svigrúm til hvíld-
ar. „Ég næ um 5-6 tíma svefni,“
segir hann.
Öll vinnan hefur borgað sig.
Ísland er komið í undanúrslit á
sínu öðru stórmóti í röð. „Við erum
að staðfesta nú að við erum meðal
fjögurra bestu þjóða í heimi. Það
er oft mjótt á munum í þessu en
við erum í þessum hópi eins og
er.“
Hann segir einnig mikilvægt að
hugsa um eigin styrk – ekki styrk
andstæðingsins.
„Það er mjög mikilvægt. Auð-
vitað skiptir það máli hverjum
við mætum og við þurfum að und-
irbúa okkur rétt fyrir alla leiki.
En fyrst og fremst þurfum við að
hugsa um okkur sjálfa og að spila
vel úr því sem við höfum. Það er
það allra mikilvægasta.“
Styrk þarf til að halda áfram í
þessum tilfinningalega rússíbana
Guðmundur Guðmundsson landsliðsþjálfari hefur upplifað margt á síðustu tveimur vikum. Hann hefur
gengið í gegnum allan tilfinningaskalann á EM í handbolta hér í Austurríki, orðið fyrir atvinnumissi auk
þess sem náinn samstarfsmaður hans í landsliðinu varð fyrir miklu áfalli.
EINBEITTUR Guðmundur er gríðarlega metnaðarfullur og skipulagður þjálfari sem
leggur meiri tíma í sína vinnu en flestir aðrir. MYND/DIENER
HANDBOLTI Ísland mætir í dag
Frökkum í undanúrslitum Evr-
ópumeistaramótsins í handbolta
sem fer fram í Austurríki. Um er
að ræða bæði heims- og ólymp-
íumeistarana en Ísland tapaði
sem kunnugt er fyrir Frökkum í
úrslitum Ólympíuleikanna í Pek-
ing.
Alls mun Guðmundur Guð-
mundsson landsliðsþjálfari funda
þrívegis með sínum leikmönnum
þar sem andstæðingurinn er leik-
greindur og leikskipulag Íslands
ákveðið.
„Það er ekki erfitt að halda
einbeitingu á fundunum,“ sagði
Róbert Gunnarsson, leikmaður
íslenska landsliðsins, við Frétta-
blaðið í gær.
Guðmundur stýrir fundunum
en leikmenn geta þó komið sínu
á framfæri. „Hann byrjar fund-
inn á því að sýna okkur það sem
hann hefur tekið saman og segir
okkur hvað hann vill gera. Svo
spyr hann einnig hvað okkur
finnst um hans hugmyndir og þá
fer af stað umræða um það. Þetta
er allt mjög lýðræðislegt þó svo
að Guðmundur stjórni auðvitað
fundinum.“
Róbert segir einnig að það sé
einn helsti kostur Guðmundar að
hann sé reiðubúinn að hlusta á
leikmenn og taka til greina það
sem þeir hafa að segja.
„Hann gerir auðvitað ekki allt
sem við segjum en hann hlustar
á okkur og leyfir okkur að taka
mikinn þátt í öllu ferlinu. Ég hef
aldrei haft þjálfara sem sinnir
undirbúningsvinnu sinni jafn vel
og Guðmundur. Við erum í raun
það vel undirbúnir að við eigum
að vita nákvæmlega hvað muni
gerast í leiknum. Ef við klikkum
þá er það okkur að kenna,“ segir
hann og brosir. En Róbert segir
einnig jákvætt við fundina að
þeir séu mjög léttir og skemmti-
legir.
„Það er einn af hans kostum
að hann gerir þetta mjög létt og
skemmtilegt, bæði er mikið hleg-
ið og gert grín. Það er það sem
kemur manni í gegnum þetta.“
Fyrsti fundurinn fyrir leikinn
gegn Frökkum var eftir hádegis-
matinn í gær. „Þar verður tekið
fyrir hvernig Frakkar spilað. Svo
í framhaldi af því er æfing. Eftir
kvöldmatinn er svo annar fund-
ur þar sem farið er yfir það sem
ekki var gert á fyrri fundinum.“
En þar með er ferlinu ekki
lokið. „Eftir morgunmat á leik-
dag er annar fundur sem er not-
aður til að skerpa á þeim helstu
áhersluatriðum sem lögð hafa
verið fyrir. Svo er því tekið rólega
fram að leik en undirbúningnum
lýkur alltaf á því að við horfum
á sérstakt myndband sem hefur
verið klippt saman og á að koma
okkur í réttu stemninguna fyrir
leik. Við hlökkum ávallt mikið til
þess.“ - esá
Róbert Gunnarsson línumaður um undirbúningsferli íslenska landsliðsins í handbolta:
Guðmundur sá besti í að undirbúa lið fyrir leiki
RÓBERT GUNNARSSON Hefur verið burðarás í íslenska liðinu og sjaldan eða aldrei
verið betri. MYND/DIENER
Hörmungar dynja yfir íbúa Haítí
Söfnunarsíminn er
904 1500
eða Leggðu inn á reikning:0342 - 26 - 12
kt. 530269-2649
www.raudikrossinn.is
Þú getur hjálpað!