Fréttablaðið - 11.02.2010, Blaðsíða 33
FIMMTUDAGUR 11. FEBRÚAR 2010
Kringlunni
Kjóll með blúndu
10.290,-
Kjóll
7.390.-
Kjóll, marglitur
með púffermum
11.990,-
Gallakjóll
10.490.-
Kjólar í pastellitum og svörtu
eru áberandi í fatatísku stúlkna
á fermingaraldri í ár að sögn
Svövu Johansen, forstjóra
fatakeðjunnar NTC.
„Kjólar af ýmsum gerðum í hálf-
gerðum pífu-blúndu-stíl undir
áhrifum frá Coco Chanel eru
langvinsælastir um þessar mund-
ir,“ segir Svava Johansen, for-
stjóri fatakeðjunnar NTC, beðin
um að lýsa því sem nú ber hæst
í tísku hjá stúlkum á fermingar-
aldri. Hún bætir við að kjólarnir
séu annaðhvort einlitir eða tvílit-
ir og yfirleitt þrengri að ofan en
pilsin laus. Mildir litir á borð við
ferskjulitað og fölfjólublátt eru
áberandi að hennar sögn og koma
vel út við svart og hvítt. „Við lögð-
um áherslu á að hafa fermingar-
fötin á hagstæðu verði og mikið
notagildi, þannig eru kjólarnir til
dæmis sætir í sumar við galla-
jakka og leggings.“
Því er óhætt að segja að kven-
leg snið séu ríkjandi í ár þar sem
rómantíkin svífur yfir vötnum.
„Stelpurnar eru mjög hrifnar
af þessari tísku og persónulega
finnst mér gaman að sjá umbreyt-
inguna sem verður á þeim þegar
þær eru komnar í kjólana. Þeir
eru oft mjög frábrugðnir hvers-
dagsklæðunum og í þeim verða
stelpurnar kvenlegri.“
Svava tekur fram að kjólarn-
ir séu íslensk hönnun en þeir eru
úr smiðju Sigrúnar Hjálmarsdótt-
ur fatahönnuðar og Ingu Rósu
Harðardóttur rekstrarstjóra.
„Kjólana unnu þær meðal ann-
ars út frá sínum hugmyndum og
starfsstúlkna í Galleri Sautján og
hafa hannað frábæra línu, eins og
sannast best af þessari glæsilegu
útkomu.“
Við kjólana segir Svava al-
gengt að stúlkur velji fylgihluti
eins og spangir, belti, sokka og
krossa. Til dæmis eru satín-hár-
spangir með risablómi í ýmsum
litum mjög vinsælar, teygjubelti,
slaufubelti í anda Coco Chanel
eða háir sokkar með satín-slauf-
um. Sokkabuxur eru svo oft svart-
ar en svo er flott að velja sér ein-
hverja bjarta liti við svörtu kjól-
ana,“ nefnir hún. „Skórnir eru
ýmist uppreimaðir í anda Mary
Poppins eða litlir hælaskór og fást
í ýmsum litum.“
Svava segir tískuna taka stöð-
ugum breytingum og til að mynda
skilji himinn og haf milli ferming-
artískunnar nú og þeirrar sem
var við lýði þegar hún fermdist.
„Við fórum fjórar vinkonurnar í
Karnabæ og keyptum okkur allar
tweed-dragtir, en gættum þess
þó að velja skyrtur og skó hver
í sínum lit til að vera ekki eins,“
segir hún og hlær. „Ég man að ég
valdi mér skó og skyrtu í milli-
bleikum lit og var sjálfsagt eins
og lítil kona til fara, en þetta þótti
alveg svakalega flott þá.“
Svava, sem er sjálf að ferma
son sinn á árinu, segir unglinga
hafa breyst mikið. „Almennt
finnst mér þeir ofsalega þroskað-
ir í dag, stunda íþróttir af mikl-
um eldmóði og eru með heilbrigða
hugsun. Ég veit ekki hvort það
stafar af því að margir eru með
allan hugann við ferminguna eða
ekki en mér finnst flestir vera í
góðum málum og ekkert alltof
uppteknir af ástandinu, gagnstætt
því sem oft er haldið fram og sem
betur fer segi ég bara. Við foreldr-
ar verðum bara að halda vel utan
um þau til að þetta heilbrigði við-
haldist.“
Rómantískt í anda Chanel
Hér sjást fyrirsæturnar Emilía og Fanney á milli þeirra Svövu Johansen og Sigrúnar Hjálmarsdóttur, sem á heiðurinn að hönnun
kjólanna ásamt Ingu Rósu Harðardóttur. Starfsfólk hágreiðslustofunnar Primadonnu annaðist greiðslu stúlknanna. „Mér finnst
útkoman glæsileg en liðað hár fer mjög vel við þessa rómantísku stefnu sem nú ræður ríkjum.“ FRÉTTABLAÐIÐ/STEFÁN
● KROSSAR UM HÁLSINN Fermingin er í flestum tilfellum
kristin athöfn. Því er kjörið að gefa bæði stúlkum og drengjum fallega
krossa um hálsinn. Slík gjöf endist lengi og er minning um góðan dag og
vottur um þá staðfestingu sem barnið veitti trúnni.
Fyrir utan það eru krossar fallegt skart sem passar vel við flest tæki-
færi enda hægt að fá þá í fjölmörgum útfærslum. Einfaldir, steinum
skreyttir, flúraðir, úr gulli og silfri.
Fjóla Þorkelsdóttir gullsmiður er ein þeirra sem
hefur spreytt sig á krossahönnun. Hún rekur verslun-
ina Fjóla gullsmiður við Hafnargötu í Keflavík. Fjóla hefur hannað
fjölda skartgripalína s.s. fjörusteinslínuna, þar sem skartgripirnir
mynda sjávarslípaða steina í fjöruborði við Íslandsstrendur. Einnig
hefur hamraða línan hennar verið vinsæl þar sem ísetning steina
í gripina er oft hönnuð með vísan til stjörnukerfa. Í smíðinni notar
Fjóla eðalmálmana gull og silfur, leður og fjölbreytt steinaval.
Myndir af skartgripum Fjólu má finna á vefslóðinni www.skart.is.
● KJÓLARNIR LITAÐIR EFTIR FERMINGU Snemma á síðustu öld
tóku ljósir blúndukjólar við hlutverki upphluts á fermingardag ungra stúlkna
hér á landi og hjá mörgum fjölskyldum þykir enn í dag ekki annað koma til
greina en fermingarstúlkur séu ljósklæddar.
Á tímum nýtni og minni efna var algengt að daginn eftir fermingu væru
kjólarnir litaðir í dekkri lit og þeir þá notaðir áfram af heimasætunum til
daglegra nota. Einnig var algengt að kjólarnir gengju á milli systra og frænkna,
en kjóllinn var nær aldrei notaðir óbreyttur eftir fermingardaginn sjálfan af
fermingarbarninu.