Fréttablaðið - 11.02.2010, Blaðsíða 34
11. FEBRÚAR 2010 FIMMTUDAGUR
Fermingarfatnaður á bæði
kyn fæst í úrvali hjá Next í
Kringlunni. Dökkir litir eru
áberandi bæði í kjólum
stúlknanna og jakkafötum
drengjanna en fylgihlutir og
teinóttar skyrtur lífga upp á.
„Almennir tískustraumar hafa
áhrif á fermingarföt barnanna
og mörg þeirra hafa sterkar skoð-
anir á því hvernig föt þau vilji,“
segir Hafdís Runólfsdóttir, versl-
unarstjóri í Next. Dökkir litir ein-
kenna fatnaðinn þetta árið. Mikið
er um kjóla og skokka á stelpurn-
ar, yfirleitt frekar stutta. „Þeir eru
flottir með sokkabuxum eða legg-
ings,“ bendir Hafdís á. Grunnlit-
irnir eru svartur, brúnn, blár og
rauður en áhrifa vorsins gætir líka
með mynstrum í ljósari tónum. Þó
að einfaldleikinn sé ríkjandi þá
sjást einnig rykkingar á öxlum
sem mynda smá púff. Bolir, topp-
ar og klútar eru í úrvali í Next
og Hafdís bendir líka á að fínar
buxur og pils fáist fyrir þær sem
taki þann klæðnað fram yfir kjól-
ana. „Svo erum við með mikið af
fylgihlutum fyrir fermingarstúlk-
urnar, skart, sokkabuxur, leggings
og töskur,“ segir Hafdís. Spurð út
í skóna sýnir hún bæði fína lág-
botna skó og nokkrar gerðir með
smá hæl sem hún segir vinsælli.
Við færum okkur í herradeild-
ina og þar blasa við jakkaföt í
flestum stærðum og þremur sídd-
um, bæði í buxum og jökkum.
Jakkarnir eru yfirleitt aðsniðnir
þetta vorið. „Ungu strákarnir eru
margir svo grannir að það klæð-
ir þá betur að vera í aðsniðnu,“
útskýrir Hafdís. „Jakkafötin eru
flest svört en einnig fást dökkblá,
dökkgrá og brún. Skyrturnar lífga
upp á, þar eru ljósu litirnir allsráð-
andi. Þó er lítið um hvítar skyrt-
ur, en bláir, bleikir og gráir tónar
áberandi og margar skyrtur eru
teinóttar. Svo þarf að finna bindi
sem passar bæði við jakkafötin
og skyrtuna og drengirnir þurfa
auðvitað fallega skó ekki síður en
dömurnar. Allt fæst þetta í Next og
ermahnappar líka.“
En er fólk farið að spekúlera í
fermingarfötum í byrjun febrúar?
„Já, og við hvetjum fólk til að vera
tímanlega á ferðinni meðan úrval-
ið er sem mest. Það er ekki gott að
bíða með slík kaup þar til viku fyrir
fermingu,“ segir Hafdís ákveðin og
bendir á að það sé ekki bara vegna
þess að tafsamara sé nú en sum
fyrri ár að fá vörur að utan, stund-
um þurfi líka að stytta eða breyta
einhverju. „Við erum í viðskipt-
um við saumastofu og bjóðum upp
á styttingar og breytingar en það
er mikið að gera fyrir fermingar
á slíkum stofum svo það er um að
gera að hafa fyrirvara,“ segir hún.
„Svo erum við auðvitað líka
með föt á foreldrana og aðra í fjöl-
skyldunni sem henta í fermingar-
veisluna,“ segir Hafdís brosandi
að lokum og okkur ber saman um
að þetta sé líkast og í kaupfélag-
inu þar sem allt var til, bæði smátt
og stórt.
Mörg fermingarbörn
með sterkar skoðanir
Hafdís, verslunarstjóri í Next, hvetur fólk til að velja fermingarfatnaðinn tímanlega meðan úrvalið sé mest og tóm sé til að stytta
og breyta. FRÉTTABLAÐIÐ/ANTON
Á fermingardaginn eignast margir
sína fyrstu sálmabók. Til að gera
bókina enn persónulegri og tengja
hana þessum stóra degi er fallegt
að merkja fermingarbarninu hana
með gyllingu.
Víða er hægt að láta gylla á
bækurnar en til dæmis er hægt
að kaupa sálmabækur í Blómavali
og láta gylla þær þar. Bókin kost-
ar 1.790 krónur og fæst í svörtu
og hvítu. Gyllingin kostar síðan
1.299 krónur. Þar er boðið upp á
þá nýjung í ár að fá aukablaðsíðu
fremst í bókina fyrir 998 krónur
en á hana er til dæmis hægt að fá
ritningarvers letrað eða heillaósk-
ir til fermingarbarnsins. Nánar á
heimasíðu Blómavals, www.bloma-
val.is
Í Kirkjuhúsinu við Laugaveg
fást einnig fallegar sálmabæk-
ur og þar er hægt að fá gyllingu.
Bókin kostar þar 2.000 krónur
og gyllingin 1.380. Sjá heimasíðu
Kirkjuhússins, www.skalholtsut-
gafan.is.
Í Garðheimum fást sálmabæk-
ur á 2.100 krónur og þar er einnig
hægt að láta gylla nafn eða áletr-
un á 1.380 krónur. Nánari upp-
lýsingar á heimasíðu Garðheima,
www.gardheimar.is.
Ritningarvers og heillaóskir
Víða er hægt að kaupa sálmabækur og láta síðan gylla þær.