Fréttablaðið - 18.02.2010, Side 18
18 18. febrúar 2010 FIMMTUDAGUR
Umsjón: nánar á visir.is
KAUPHÖLL ÍSLANDS [Hlutabréf]
Fjöldi viðskipta: 29 Velta: 134,2 milljónir
OMX ÍSLAND 6
840,79 +0,27%
MESTA HÆKKUN
MAREL +2,39%
ÖSSUR +0,92%
MESTA LÆKKUN
ATLANTIC PET. -3,92%
BAKKAVÖR -2,50%
FØROYA BANKI -0,69%
HLUTABRÉF Í ÚRVALSVÍSITÖLU: Atlantic Airways 141,00 +0,00 ...
Atlantic Petroleum 153,00 -2,39% ... Bakkavör 1,95 -2,50% ... Føroya
Banki 145,00 -0,69% ... Marel 62,70 +2,39% ... Össur 163,00 +0,92%
Skilanefndir gömlu bankanna greiddu rúma 4,3
milljarða í laun og tengd gjöld á síðasta ári. Launa-
kostnaður var mestur í gamla Landsbankanum, eða
3,4 milljarðar króna. Lægstur var hann í Glitni, eða
þrjú hundruð milljónir króna.
Hjá skilanefndum bankanna störfuðu um 260
manns í fyrra. Flestir unnu hjá gamla Landsbank-
anum eða 143. Um helmingur þeirra, eða sjötíu, var
hér á landi en 65 í Bretlandi. Aðrir voru í Amster-
dam í Hollandi og hjá dótturfélagi gamla bankans í
Kanada. Fæstir voru hjá Glitni, eða 22 að meðaltali.
Erfitt er að reikna út meðallaun starfsmanna
skilanefnda vegna mismunandi utanumhalds. Í
sumum tilvikum gefa skilanefndir og aðrir upp-
gjörsaðilar upp starfsmannafjölda en í öðrum unnar
vinnustundir eða meðaltal starfsmanna yfir árið.
Kristján Óskarsson, framkvæmdastjóri Glitnis,
segir starfsmannhóp bankans að mestu samsettan
af sérfræðingum. Ýmis önnur störf, svo sem bak-
vinnsla og bókhaldsvinna er unnin af starfsmönnum
Íslandsbanka samkvæmt þjónustusamningi.
Páll Benediktsson, talsmaður skilanefndar Lands-
bankans, segir launakostnað í Bretlandi lita bækur
bankans enda séu laun ytra mun hærri en hér. Hann
vill ekki gefa upp launatölur en bendir á að kjörin
hér séu sambærileg við önnur störf í bankageiran-
um. Sama máli gegnir um Kaupþing.
Hæstu laun starfsmanna fjármálafyrirtækja
samkvæmt launatöflu frá 1. janúar 2009 og er birt á
vef Samtaka starfsmanna fjármálafyrirtækja (SSF)
hljóða upp á 422.435 krónur á mánuði.
Líkt og fram kom í Fréttablaðinu í gær eru skila-
nefndirnar sjálfar og slitastjórnir ekki á meðal
almennra starfsmanna. Þær teljast til sérfræðinga
og falla greiðslur til þeirra í lið með öðrum sér-
fræðikostnaði í sundurliðun á rekstrarkostnaði við
uppgjör bankanna.
Talsmenn allra skilanefnda bankanna benda á að
kostnaðurinn hafi verið hár á fyrri hluta árs en úr
honum dregið eftir því sem liðið hafi á árið. Gert er
ráð fyrir að hann verði lægri á þessu ári.
Sé rekstrarkostnaður skoðaður sem hlutfall af
brúttóeignum skilanefnda í stýringu er hann sam-
bærilegur hjá Kaupþingi og Glitni, eða 0,24 til 0,25
prósent. Landsbankinn gefur upplýsingarnar upp að
loknum kröfuhafafundi í næstu viku. - jab
Starfsfólk skilanefnda
fékk 4,3 milljarða í laun
Í kringum 260 manns unnu hjá skilanefndum bankanna í fyrra. Laun skila-
nefndanna hér eru afar lág samanborið við það sem tíðkast í Bretlandi.
FRÁ KRÖFUHAFAFUNDI LANDSBANKANS Talverður munur var
á launum starfsfólks skilanefnda gömlu bankanna í fyrra og
kollega þeirra sem gera upp bú fallinna banka í Bretlandi.
LAUN STARFSFÓLKS 2009
Banki Laun ( í milljónum kr)*
Glitnir 300 -
Kaupþing 537 -
Landsbankinn 3.487 -
Samtals 4.327 -
* Heildarlaun ásamt launatengdum gjöldum.
■ Í samanburði við uppgjör á erlendum bönkum þykir rekstrarkostnaður
íslensku skilanefndanna lágur sem hlutfall af eignum í stýringu. Þeir sem
rætt hefur verið við vegna málsins telja að það skrifist á að hér hafi FME
tilnefnt marga einstaklinga frá nokkrum lögfræðiskrifstofum og endur-
skoðendafyrirtækjum í skilanefndir og slitastjórnir, sem greiði þeim laun.
Erlendis hafi ákveðin fyrirtæki verið fengin til að stýra uppgjörum fallinna
banka.
■ Breska endurskoðendaskrifstofan Ernst & Young vinnur við uppgjör
Kaup thing Singer & Friedlander (KSF) í London en Pricewaterhouse Coo-
pers (PwC) sér um uppgjör bandaríska fjárfestingarbankans Lehman
Brothers í Evrópu.
■ Laun skiptastjóra KSF og teymis hans námu 29 milljónum punda frá falli
bankans í október 2008 fram til október í fyrra, að því er fram kemur
í skýrslu til kröfuhafa. Þetta jafngildir sex milljörðum íslenskra króna.
Launakostnaður starfsfólks skiptastjóra nam rúmri 31 milljón punda, eða
6,3 milljörðum króna, á tímabilinu.
■ Seint í október í fyrra hafði PwC fengið 238 milljónir dala í laun og
þóknanir vegna vinnu við uppgjör Lehman Brothers í Evrópu, að því er
fram kemur í skýrslu endurskoðendafyrirtækisins. Þetta jafngildir tæpum
þrjátíu milljörðum íslenskra króna á þávirði. Um þrjú hundruð manns
unnu fyrir PwC við uppgjörið.
■ Dæmi eru um að lögfræðiskrifstofur og endurskoðendafyrirtæki hér rukki
25 þúsund krónur fyrir hverja vinnustund skilanefnda og slitastjórna.
Samkvæmt skýrslu til kröfuhafa KSF taka bresk fyrirtæki rúm 688 pund
á tímann, eða 138 þúsund krónur, fyrir vinnu meðeigenda lögfræðiskrif-
stofa. Sérfræðingar eru seldir út á 460 pund á tímann og aðrir sérfræð-
ingar á 267 pund. Þetta gera allt upp að 93 þúsund krónum. Aðstoðarfólk
er gert út fyrir 158 pund á tímann, jafnvirði 30 þúsund króna.
MISDÝR UPPGJÖR
Skattastefna stjórnvalda og
útþensla hins opinbera var
harðlega gagnrýnd á Við-
skiptaþingi í gær. Forsætis-
ráðherra segir ríkið verða
að taka á sig stærri hlut til
að koma efnahagslífinu á
réttan kjöl.
Íslenska skattkerfinu hefur verið
umturnað á skömmum tíma,
flækjustig og kostnaður aukist
og dregið hefur úr hvata til verð-
mætasköpunar. Þá hefur umhverfi
til fjárfestinga orðið lakara og
líkur á skattaundanskotum aukist.
Þetta er á meðal þess sem fram
kom í ræðu Tómasar Más Sigurðs-
sonar, forstjóra Alcoa á Íslandi, á
þéttsetnu Viðskiptaþingi Viðskipta-
ráðs Íslands í gær. Tómas er jafn-
framt formaður Viðskiptaráðs.
„Það verður því ekki betur séð
en að þessi skattastefna stjórn-
valda muni skila þveröfugri niður-
stöðu og hrekja burt fjármagn og
verðmætt vinnuafl. Ef endanlegt
markmið stjórnvalda er að verja
lífskjör í landinu verða þau að
sýna meiri framsýni í skattastefnu
sinni,“ sagði hann og vísaði í skoð-
anakönnun Viðskiptaráðs meðal
atvinnurekenda. Í niðurstöðum
hennar kemur fram að um helm-
ingur atvinnurekenda telji líkur
á að þeir muni fækka starfsfólki
á næstu mánuðum. Þá gagnrýndi
hann jafnframt útþenslu hins opin-
bera á síðustu árum, ríkisstarfs-
mönnum hafi fjölgað um þrjátíu
prósent á síðastliðnum árum og
útgjöld aukist um helming að raun-
gildi.
Jóhanna Sigurðardóttir forsæt-
isráðherra, sagði ekki undan því
vikið að ríkið taki á sig stærri hlut
til að koma efnahagslífinu aftur
á réttan kjöl. Þetta þurfi að gera
bæði á ódýrari og einfaldari hátt en
áður. Hún sagði hins vegar stærstu
áskorun stjórnmálamanna nú þá að
standast ágang þrýstihópa og horfa
til hagsmuna heildarinnar. Óskaði
hún eftir stuðningi Viðskiptaráðs
til að standast áganginn.
jonab@frettabladid.is
TÓMAS MÁR OG JÓHANNA Þrátt fyrir mismunandi afstöðu til skattastefnu stjórnvalda
voru forstjóri Alcoa á Íslandi og forsætisráðherra sammála um mikilvægi þess að
snúa bökum saman til að komast í gegnum kreppuna. FRÉTTABLAÐIÐ/GVA
Mikilvægt að standast
ágang sérhagsmunahópa
HRUNIÐ HÓFST
MEÐ EINKAVÆÐ-
INGUNNI
Jóhanna Sigurðardóttir sagði
upphafið að bankahruninu liggja
í einkavæðingu bankanna árið
2002 þegar
ákveðnum
einstaklingum
var afhent
bankakerfið án
þess að reiða
fram annað en
lánsfé. Þetta
vill hún koma
í veg fyrir að
endurtaki sig:
„Ég er alger-
lega mótfallin
því að stjórnmálamenn handstýri
fjármálakerfinu … Það verður
að fara fram ítarleg rannsókn á
þessum afdrifaríka kafla í sögu
fjármálakerfis þjóðarinnar þar
sem allt verður krufið til mergjar,“
sagði hún. Jóhanna lagði áherslu
á að byggja upp traust á ný. Það
verði aðeins gert stígi þeir sem
hafa stöðu grunaðra til hliðar úr
stöðum sínum þar til rannsókn á
aðdraganda hrunsins lýkur.
JÓHANNA SIGURÐ-
ARDÓTTIR
Einstaklingar sem ekki tóku þátt í uppsveifl-
unni heldur lifðu á meðallaunum og eiga
íbúðir og bíla sem þarf að greiða af er ekki
eins viljugt og áður að greiða reikningana
sína. Þetta segir Rakel Sveinsdóttir, fram-
kvæmdastjóri Creditinfo á Íslandi. Hún var
á meðal þeirra sem sátu fyrir svörum í pall-
borði á Viðskiptaþingi Viðskiptaráðs í gær.
„Við finnum fyrir því að vilji fólks til
að greiða reikninga fer þverrandi,“ sagði
Rakel. Þetta á við venjulegt launafólk sem
hún segir horfa á greiðslubyrði lána snar-
hækka á sama tíma og laun lækki og kaup-
máttur dregst saman. Fólk velti því eðlilega
fyrir sér hvort réttlætanlegt sé að það greiði
bólgna reikninga þótt það eigi enga sök á því
hvernig komið sé fyrir efnahagslífinu.
Rakel segir mikilvægt að stjórnvöld grípi
til einhverra ráða og komi til móts við ein-
staklinga sem sjái ekki tilganginn með því
að greiða lán sín. Hún segir svarið liggja
í afskriftum lána og öðrum aðgerðum sem
lækki greiðslubyrðina. - jab
RAKEL SVEINSDÓTTIR Stjórnvöld verða að grípa til
aðgerða svo fólk sjái tilgang í að greiða af lánum,
segir framkvæmdastjóri Creditinfo. FRÉTTABLAÐIÐ/STEFÁN
Færri vilja borga
„Þegar atvinnurekendur fengu 2-
300-föld árslaun þá var eitthvað
að,“ segir Hermann Guðmundsson,
forstjóri olíufélagsins N1.
Hermann var í pallborði ásamt
þeim Svövu Johansen, forstjóra
tískuvörukeðjunnar NTC, Þorsteini
Pálssyni, fyrrverandi forsætisráð-
herra og fyrrum ritstjóra Frétta-
blaðsins, Ara Kristni Jónssyni,
rektor Háskólans í Reykjavík, og
Rakel, sem nefnd er hér að ofan.
Það var Andrés Jónsson almanna-
tengill sem varpaði þeirri spurn-
ingu fyrstur fram, hvort atvinnu-
lífið ætti ekki að vera gagnrýnið á
sjálft sig úr því sem komið væri.
Undir það tóku margir, þar á meðal
Hermann. - jab
Atvinnulífið
brást fyrir hrun
MARKAÐSPUNKTAR
Reginn, dótturfélag Nýja Landsbank-
ans, hefur ákveðið að setja eignar-
haldsfélagið Smáralind í opið söluferli
á fyrrihluta árs. Viðræður við nokkra
kröfuhafa er lokið og samningar um
endurfjármögnun langt komin, að því
er segir í tilkynningu.
Erlendar eignir Seðlabankans námu
475 milljörðum króna í lok janúar.
Þetta er tíu milljarða króna lækkun á
milli mánaða, samkvæmt Hagtölum
Seðlabankans. Á móti eignum námu
skuldir bankans 181,6 milljörðum
króna.
Greining MP Banka spáir því að vísi-
tala neysluverðs hækki um 0,7 pró-
sent milli mánaða og fari verðbólga
við það úr 6,6 prósentum í 6,8.
HERMANN GUÐMUNDSSON Eitthvað
brást þegar atvinnurekendur voru með
margföld laun venjulegs fólks, segir
forstjóri N1. FRÉTTABLAÐIÐ/ANTON