Fréttablaðið - 18.02.2010, Side 34

18. FEBRÚAR 2010 FIMMTUDAGUR
Musclemilk Light
Grenningarprótein af bestu
gerð. Tekið í stað máltíðar
eða eftir æfingu.
Isostar
Kolvetnadrykkir fyrir allar
þolíþróttir. Frábært í allar
gerðir af göngum og lang-
hlaupum.
Whey Gourmet
Hreint mysuprótein
margverðlaunað fyrir gott
bragð. Tilvalið í booztið
eða eitt og sér.
Hydroxycut Hardcore
Öflugasta brensluefni
í heiminum loksins á
Íslandi. Aðeins fyrir 18
ára og eldri.
Oh Yeah drykkir
Tilbúnir og hand-
hægir prótein-
drykkir sem voru
kosnir bestu
próteindrykkirnir
í Ameríku 2009!
Crea-Kic
Loksins kreatín fyrir þá sem
vilja styrk og vöðva án vatns-
bindingar og fituaukningar.
Eykur styrk og snerpu.
Þótt fæðubótarefni eigi sér
ekki langa sögu á Íslandi eru
starfsmenn Fitness Sport í
Faxafeni 8 hoknir af reynslu og
fróðleik.
„Við erum með elstu fyrirtækjun-
um í þessum geira, höfum verið
í rekstri frá árinu 1997 og erum
þekkt fyrir fagmennsku á okkar
sviði,“ segir Svavar Jóhannsson,
eigandi fyrirtækisins Fitness
Sport, sem var stofnað í Hlíðar-
smára í Kópavogi 1997 en flutti í
núverandi húsakynni í Faxafeni 8
árið 2000.
Svavar segist hafa orðið áhuga-
samur um líkamsrækt löngu áður
en hann stofnaði Fitness Sport. „Ég
man að ég lá á kafi í blöðum um lík-
amsrækt, horfði á kvikmyndir með
Arnold Schwarzenegger og stund-
aði líkamsrækt af kappi. Fæðu-
bótarefni voru gjarnan auglýst í
þessum blöðum og heilsuræktar-
fólkið í kringum mig neytti þeirra
þótt þau væru kannski ekki út-
breidd hérlendis. Einmitt það varð
til þess að ég ákvað að flytja þau
inn til landsins,“ rifjar hann upp.
Svavar segir að fyrst í stað
hafi ekki verið almennur áhugi
fyrir fæðubótarefnum hérlendis.
„Eingöngu þeir sem voru á kafi í
heilsurækt neyttu þeirra að ein-
hverju ráði. Almenningur lét þau
eiga sig.“ Hann tekur fram að
áhuginn hafi aukist jafn og þétt í
gegnum árin. Nú sé svo komið að
allt frá unglingum upp í eldri borg-
ara neyti þeirra samfara íþrótta-
iðkun og almennri heilsurækt.
„Enda einskorðast fæðubótarefni
ekki við keppnisfólk, heldur eru
þau fyrir alla.“
Þarfir viðskiptavinanna eru að
vonum misjafnar og segir Svav-
ar að hjá Fitness Sport sé komið
til móts við þær með fjölbreyttu
úrvali fæðubótarefna. „Hér eiga
allir að geta fengið eitthvað við
sitt hæfi, kreatín og prótín fyrir
kraftlyftingafólk og kolvetnaefni
fyrir göngufólk og hlaupara svo
dæmi séu tekin. Auk þess seljum
við allan aukabúnað sem fólk þarf
í ræktina, svo sem lóð, grifflur,
belti og fleira.“
Að sögn Svavars eru eingöngu
seld í versluninni fæðubótarefni
sem eru þekkt fyrir gæði og hafa
verið samþykkt af Lyfjastofnun og
Heilbrigðiseftirliti ríkisins. „Síð-
ustu ár hafa sprottið upp alls kyns
bílskúrssölur og netfyrirtæki sem
hafa selt almenningi fæðubótar-
efni sem eru misjöfn að gæðum og
í sumum tilfellum jafnvel ólögleg.
Við leggjum hins vegar áherslu á að
bjóða eingöngu upp á löglegar, sam-
þykktar og góðar vörur frá viður-
kenndum framleiðendum á borð við
Muscle Tech, Isostar og Hydroxi
Cut. Þess utan bjóðum við upp á
ókeypis ráðgjöf um hreyfingu,
mataræði og notkun fæðubótar-
efna. Það er nefnilega mikilvægt
að greina rétt þarfir viðskiptavin-
anna og selja þeim eingöngu vörur
sem henta þeirra heilsurækt.“
Reynslan nýtist vel
„Æskilegt að fólk fái flest næringarefni úr fæðunni en hins vegar vill það oft fara forgörðum í daglegu amstri. Þá er tilvalið að
hafa við hönd fæðubótarefni sem eru handhæg,“ segir Svavar, inntur eftir áliti á gagnrýni á fæðurbótarefni. FRÉTTABLAÐIÐ/VILHELM
Í Heimsmetabók Guinness, sem
kemur út árlega í íslenskri þýð-
ingu, hafa ratað alls kyns skemmti-
leg met sem lúta að þolgæði og
styrk.
Þannig skreið Bandaríkjamað-
urinn Ashrita Furman 1,6 kíló-
metra á 29 mínútum og 30 sekúnd-
um í Selangor Turf Club, í Kúala
Lúmpúr í Malasíu hinn 17. febrú-
ar árið 2006.
Spánverjinn José Angel Aria
Villanueva setti heimsmet 5.
desember árið 2001 þegar hann
skokkaði upp 15 þrepa stiga, 2,5
metra langan, með píanóstól í fang-
inu. Að svo búnu fór hann niður og
rogaðist svo aftur upp með 175
kílóa píanó, allt á einni mínútu og
6,35 sekúndum. Loks tyllti hann
sér og lék á hljóðfærið í þrjár mín-
útur í sjónvarpsþættinum El Show
De Los Récords í Madrid á Spáni.
Þá má nefna Bretann Barry
Anderson sem lyfti 63 kílóa slá
með litlu fingrunum á opna Alþjóð-
lega meistaramótinu í gripfimi í
Norwood, Masachusetts í Banda-
ríkjunum 19. október árið 2005.
Heimsmet í þolgæði og styrk
José Villanueva setti heimsmet þegar hann rogaðist með 175 kílóa píanó upp stiga.
● ÁRSTÍÐAMUNUR Á INNIHALDI Verulegur munur getur verið á næringar-
innihaldi matvæla eftir því hvaða árstími er. Mjólk er til dæmis mun A-vítamín-
ríkari að sumri þegar kýrnar ganga úti og úða í sig grængresinu en að vetr-
inum. Magn vítamína og steinefna í grænmeti og ávöxtum fer líka eftir
uppskerutíma og ræktunarstað. Jafnvel fjölda sólarstunda meðan á
sprettunni stóð. Því eru næringarefnatöflur í bókum og á umbúðum
matvæla ekki óbrigðular því þær geta verið miðaðar við ársmeðaltal.