Fréttablaðið - 26.02.2010, Síða 2

2 26. febrúar 2010 FÖSTUDAGUR
STJÓRNMÁL Ekki er útilok-
að að einhverjir fundir í
væntanlegum viðræðum um
aðild Íslands að Evrópusam-
bandinu fari fram í Reykjavík.
Venjan er að samningafundir
um aðild ríkja fari fram í Brus-
sel þar sem framkvæmdastjórn-
in hefur greiðan aðgang að stoð-
deildum sínum.
Stefán Haukur Jóhannesson,
sendiherra og aðalsamninga-
maður Íslands, segir ljóst að
fundahöld muni að mestu fara
fram ytra en Íslandsfundir séu
ekki útilokaðir.
Undirbúningur íslensku
samninganefndarinnar fer fram
á Íslandi. - bþs
Væntanlegar ESB-viðræður:
Hugsanlegt að
einhverjir fundir
verði í Reykjavík
VINNUMARKAÐUR „Ég verð að velja
á milli næstu mánaðamót hvort ég
minnka mjög við mig námið og fæ
atvinnuleysisbætur eða held áfram
í námi tekjulaus,“ segir Geir Gígja
en hann missti nýverið vinnuna og
verður tekjulaus frá og með næstu
mánaðamótum.
Geir hefur verið í námi með vinnu
í Háskólanum á Hólum og hélt því
áfram er núverandi misseri hófs.
Vegna reglna um atvinnuleysisbætur má
hann ekki vera í nema 10 eininganámi, en er
í 30 eininga. Nám hans það sem af er miss-
eri ónýtist því fái hann atvinnuleysisbætur
frá 1. mars.
„Ég ætla mér ekki að stunda nám
á atvinnuleysisbótum, en mér þætti
eðlilegt að ef aðstæður eru þannig
að maður missir vinnuna á miðju
misseri að hægt sé að ljúka náminu
á bótum,“ segir Geir og bætir við að
sjálfsagt væri að setja kröfu um það
að fólk í þessari stöðu sýndi fram á
að þeir væru í virkri atvinnuleit.
Spurður um hvað hann ætli að gera
er mánaðamótin renna upp segist
Geir reikna með því að hann haldi náminu
áfram og verði því tekjulaus út apríl. „Ég
tími ekki að gefa önnina upp á bátinn en það
þýðir auðvitað að yfirdrátturinn safnast
upp.“ - sbt
Vandamál að missa vinnu á miðju misseri ef fólk er í námi líka:
Þarf að velja á milli náms eða tekna
TYRKLAND, AP Recep Tayyip Erdog-
an, forsætisráðherra Tyrklands,
hafnaði kröfum stjórnarandstöð-
unnar um að efna til kosninga
hið fyrsta. Hann átti í gær fund
með Ilker Basbug herforingja,
yfirmanni tyrkneska hersins.
Abdullah Gül forseti sat einnig
fundinn.
Veruleg spenna hefur verið í
vikunni milli tveggja helstu valda-
afla landsins, hersins og stjórnar-
innar, eftir að fimmtíu fyrrverandi
og núverandi yfirmenn í hernum
voru handteknir og yfirheyrðir
vegna gruns um að hafa ætlað að
steypa stjórninni af stóli. Tuttugu
þeirra hafa verið ákærðir.
Erdogan sagði fundinn, sem stóð
í þrjár klukkustundir, hafa verið
ánægjulegan. Engu síður mátti sjá
á myndum að Basbug herforingja
var órótt.
Herinn hefur lagt áherslu á að
halda í veraldlega skipan landsins,
en stjórnin hefur opinskátt fylgt
þeirri stefnu að vilja gera íslam
hátt undir höfði.
„Almenningur þarf að vera full-
viss um að farið verði með þessi
mál að lögum og allir þurfa að
sýna ábyrgð til þess að valda ekki
stofnunum samfélagsins skaða,“
segir í sameiginlegri yfirlýsingu
leiðtoganna þriggja. - gb
Þriggja klukkustunda fundur stjórnar og hers á Tyrklandi:
Erdogan hafnar kosningum
FUNDUR TYRKNESKRA LEIÐTOGA Erdogan forsætisráðherra, Gül forseti og Basbug
herforingi. FRÉTTABLAÐIÐ/AP
SENDI RÁÐHERRUM BRÉF
Geir sendi bæði félagsmálaráðherra og
menntamálaráðherra bréf á dögunum og
benti á vandann og mögulegar lausnir. Hann
leggur til dæmis til að fólki í hans stöðu
verði gert kleift að ljúka náminu á atvinnu-
leysisbótum, eða taka að minnsta kosti 12 til
18 einingar. Önnur lausn væri að fólk í þess-
ari stöðu gæti tekið námslán en reglur um
tekjuhámark útiloka það nánast núna. Ekki
er brugðist við tillögunum í svari sem hann
hefur fengið frá menntamálaráðherra.
GEIR GÍGJA
ÖRYGGISMÁL „Ég veit ekki hvað ég
hef fengið mörg vink og marga
fingurkossa frá kvenfólkinu sem
keyrir bílana eftir að ég setti ljós-
in á göngugrindina,“ segir Helgi
Pálmarsson, 76 ára göngugarpur
í Reykjavík.
Helgi segist hafa viljað auka
öryggi sitt þegar hann fari út að
ganga. Hann hafi keypt sér ljósa-
búnað í Markinu og starfsmenn
verslunarinnar fest búnaðinn á
fyrir hann. Eitt ljós vísi aftur og
annað fram. Ljósin gangi fyrir raf-
hlöðum og eigi að endast í allt að
eitt þúsund klukkustundir.
„Ég læt ljósið alltaf vera hægra
megin við mig og geng beint á
móti umferðinni. Þetta sést langan
veg,“ útskýrir Helgi sem kveður
ljósin þegar hafa sannað notagildi
sitt. „Þau eru búin að bjarga mér
sex sinnum frá því að lenda fyrir
bílum sem annaðhvort hafa sveigt
framhjá mér eða stoppað þegar ég
hef verið að ganga yfir götu.“
Margir hafa að sögn Helga
veitt öryggisbúnaðinum eftir-
tekt. „Það stoppaði strætisvagn
hjá mér í morgun og bílstjórinn
spurði hvort það væri eitthvað
að hjá mér. Ég sagði honum þá að
ég væri með þetta til að bílstjór-
ar sæju að þarna væri maður með
göngugrind. Hann var svo hrifinn
að hann kom út úr vagninum og
þakkaði mér fyrir að setja ljósin á
göngugrindina af því að þau sjást
langan veg,“ segir Helgi.
Lögreglan hefur líka haft
afskipti af Helga. „Það stoppaði
mig lögregluþjónn á Kringlumýr-
arbrautinni. Hann sagðist endilega
þurfa að fá upplýsingar hjá mér og
ég útskýrði ljósin. Hann var mjög
ánægður, sagði að þetta þyrfti að
koma á allar göngugrindur,“ segir
hugvitsmaðurinn.
Jafnframt kveðst Helgi hafa
fengið hrós frá fjórum leigubíl-
stjórum sem hafi komið út úr
bílum sínum til að skoða göngu-
grindina. „Þeir tóku í höndina
á mér og þökkuðu mér fyrir því
þarna væri komið eitt almesta við-
vörunarkerfi í umferðinni,“ segir
Helgi og undirstrikar að kerfið
geti líka virkað á göngustöfum.
„Það væri mikill plús fyrir þá sem
sjá illa, til dæmis gamalt fólk, að
sjást langt að og vara þannig aðra
í umferðinni við.“
Reyndar er þetta ekki í fyrsta
sinn sem sagt er frá Helga í fjöl-
miðlum í sambandi við umferðar-
öryggi. Fyrir nokkru fékk hann
aðsvif undir stýri á bíl sínum og
skilaði þá sjálfviljugur inn öku-
skírteini sínu. „Ég sá að ég gæti
kannski keyrt á unglinga sem
væru að leika sér á götunni og
þeir jafnvel lent örkumla ævilangt
í hjólastól. Ég gæti ekki lifað við
það.“ gar@frettabladid.is
Fær fingurkossa fyrir
ljós á göngugrindinni
Helgi Pálmarsson slær alls staðar í gegn með ljósabúnaði á göngugrind sinni.
Lögregluþjónar, strætisvagnabílstjórar og leigubílstjórar telja ljósin þarfaþing.
Ekki er verra að konur virðast sogast eins og flugur að blikkljósinu hans Helga.
HELGI PÁLMARSSON Sést um langan veg í umferðinni og er miklu öruggari eftir að
hann lét festa rautt öryggisljós sem blikkar á göngugrindinni hans. FRÉTTABLAÐIÐ/ANTON
Þau eru búin að bjarga
mér sex sinnum frá því
að lenda fyrir bílum sem
annaðhvort hafa sveigt framhjá
mér eða stoppað
HELGI PÁLMARSSON
GÖNGUGARPUR
INDLAND, AP Utanríkisráðherrar
Indlands og Pakistans voru sam-
mála um að halda áfram að tala
saman.
Þetta var helsta niðurstaðan af
fundi þeirra Nirupama Rao, utan-
ríkisráðherra Indlands, og Salm-
an Bashir, utanríkisráðherra
Pakistans, sem hittust í Nýju-Delí
á Indlandi í gær.
Fundurinn sjálfur þykir þó
mikilvægur liður í því að draga
úr áratuga langri spennu og
fjandskap milli ríkjanna. Utan-
ríkisráðherrar ríkjanna hittust
síðast fyrir fimmtán mánuðum.
- gb
Ráðherrafundur í Nýju-Delí:
Reynt að draga
úr spennunni
TÓKUST Í HENDUR Nirupama Rao og
Salman Bashir í Nýju-Delí. FRÉTTABLAÐIÐ/AP
KAUPMANNAHÖFN Lögreglan í
Kaupmannahöfn og dönsk skatta-
yfirvöld létu til skarar skríða í
gærkvöld gegn glæpagengjum,
sem barist hafa reglulega síðustu
misseri á götum borgarinnar.
Meðal annars var ráðist til
atlögu gegn ólöglegum spilavít-
um og knæpum á Norðurbrú og í
norðvesturhluta borgarinnar.
Danskir fjölmiðlar skýrðu frá
þessu á Netinu í gær, en óvíst var
um útkomuna. Aðgerðirnar bein-
ast gegn fjármálamisferli gengj-
anna í þeirri von að þannig megi
koma höggi á þau. - gb
Gengjastríð í Kaupmannahöfn:
Lögregla lætur
til skarar skríða
LEIKHÚS Níu þúsund miðar seld-
ust á Gauragang, leikrit Ólafs
Hauks Símonarsonar, á fyrsta
degi forsölu í
Borgarleikhús-
inu í gær. Þetta
er nálægt því
að vera met,
en salan er á
svipuðu róli og
þegar miðar
á Söngvaseið
seldust hraðar
strax á fyrsta
degi en áður
hafði þekkst í íslensku leikhúsi.
„Gauragangur vekur greini-
lega áhuga fólks, og við erum
þakklát fyrir það,“ segir
Magnús Geir Þórðarson leikhús-
stjóri þegar hann er spurður um
ástæðu þessarar velgengni.
Gauragangur verður frum-
sýndur 19. mars. - gb
Gauragangur fer vel af stað:
Níu þúsund
miðar seldust
MAGNÚS GEIR
ÞÓRÐARSON
SPURNING DAGSINS
Fiskikóngurinn • Sogavegi 3 • sími 587 7755
Fiskikóngurinn • Sogavegi 3 • sími 587 7755
Hrefna, situr þú í súpunni?
„Nei, enginn sem mætir á súpu-
keppnina þarf að súpa seyðið af
því.“
Hrefna Rósa Sætran landsliðskokkur
hefur tekið að sér dómgæslu í fiskisúpu-
keppni á Grundarfirði.