Fréttablaðið - 26.02.2010, Blaðsíða 32

8 •
„Ég flutti tvítug út til þáverandi
kærasta míns. Hann er módel og
leikari. Ég ákvað að prófa og vita
hvað módelskrifstofurnar myndu
segja. Af hverju ekki?“
Segi það. Og var mikið að
gera?
„Ég bjó fyrst í New York og það
er ekki mikið að gera þar fyrir mig.
Það voru einhver katalóg-verkefni,
sem eru reyndar mjög vel borguð.
Svo flutti ég til Los Angeles – LA og
Miami eru meiri markaðir fyrir mig.
Ég er ekki nógu há fyrir New York.
Ég er líka með silíkon og þar þarf
maður að vera meira flatbrjósta.
Þessar stelpur í New York eru margar
bara 14 ára. Þær eru ekki einu sinni
komnar með brjóst og mjaðmir. Svo
eru stelpur að horfa á þær í blöðun-
um og dreyma um að vera eins og
þær. Halló, þær eru 14 ára.“
VIP-meðferð á klúbbunum
Lilja fékk VIP-meðferð nánast alls
staðar sem hún fór. Hún fékk frítt
inn á heitustu klúbbana og þurfti
ekki einu sinni að greiða fyrir matinn
sem hún borðaði á fínum veitinga-
stöðum. Allt var í boði hússins, enda
sjá staðirnir hag í því að vera með
fallegt fólk við borðin sín, en þannig
byggja þeir upp orðspor.
„Það er komið fram við módel
eins og stjörnur. Ef þú ert ljótur, þá
bara „út með þig“ – þá er þér ekki
hleypt inn á staðinn. Þeir sem voru
ekki á lista hjá þeim sem buðu okkur
á staðina þurftu að bíða í röð og
borga inn – kannski 5.000 kall, og
þeir máttu ekki sitja. Flaskan kostar
svona 100.000 kall á þessum stöðum
og þá færðu borð. Við fengum alltaf
borð og áfengi allt kvöldið.“
Þessi aðferð var árangursrík, en
Lilja segir að langar raðir hafi byrjað
SIÐFERÐIS-
KENNDIN
EKKI TIL SÖLU
ORÐ: Atli Fannar Bjarkason
MYND: Valli
HÁR: Elvar á Kompaníinu
FÖRÐUN: Stína
Flestir hafa séð andliti – ja, eða lögulegum líkama – Lilju Ingibjargardóttur bregða
fyrir á Netinu, í blöðum eða sjónvarpi. Hún hefur verið fastagestur á síðum blaðsins
Séð og heyrt síðustu ár, komið fram í auglýsingum Símans ásamt því að vera ein
af ástæðunum fyrir því að ungir menn fagna þegar Hagkaupsbæklingurinn dettur
inn um lúguna. Færri vita að Lilja flutti heim frá Bandaríkjunum í fyrra, þar sem
hún lærði grunnnám í læknisfræði. Hún lifði lúxuslífi í New York og Los Angeles,
en þegar hún kom heim þurfti hún skyndilega að sætta sig við að á Íslandi þurfa
fyrirsætur að greiða fyrir mat og drykk og sýna skilríki inni á skemmtistöðum.
að myndast fyrir utan staðina tveimur
tímum áður en þeir opnuðu.
„Fólk bíður stundum í þrjá, fjóra
tíma og kemst ekki inn því það er
búið að loka. Sumum er neitað.
Pældu í þessu. Mér finnst æðislegt
að djamma í New York. Best í heimi.
En nú er ég svo góðu vön og kem til
Íslands. Ég þarf kannski að bíða í röð
og kem inn og er beðin um skilríki.
Svo þarf ég að kaupa drykki, fæ ekki
sæti, gaurar klípa í rassinn á manni
og ég hugsa bara: „Hvar er ég?“ Mig
langar til New York núna (hlær). Ég
var orðin of góðu vön.“
Ég spyr hvort lífið hafi virkilega
alltaf verið svona í New York og Lilja
tekur gott dæmi. Henni var boðið í
partí til hjóna, sem eru vafalaust þau
valdamestu í tónlistarbransanum í
Bandaríkjunum: Jay-Z og Beyoncé
Knowles.
„Við fórum í partí til þeirra og P.
Diddy var þarna – eða hvað sem
hann kallar sig í dag. Ég er vön að
hitta frægt fólk. Fyrsta kvöldið sem
ég var úti hitti ég Lindsay Lohan og
Jude Law. Mér fannst það merkilegt
fyrst. En þetta er bara fólk. Heppið
fólk að vera frægt og eiga pening
(hlær).
Neitaði 25 milljóna verkefnum
Lilja kynntist skuggahliðum tísku-
heimsins á meðan hún dvaldi úti.
Hún segir fyrirsætur sofa hjá ljós-
myndurum til að koma sér á fram-
færi í bransanum og veit til þess að
karlkyns fyrirsætur veiti samkyn-
hneigðum ljósmyndurum kynferð-
islega greiða. Henni voru boðnar 25
milljónir fyrir að sitja fyrir í tveimur
auglýsingum, fyrir GAP og MAC, en
ljósmyndarinn vildi meira en hún var
tilbúin að bjóða.
„Bransinn er allt öðruvísi en á
Íslandi. Þarna þurfti ég að hitta ljós-
myndarann og daðra svolítið við
hann. Ég fór í mat með honum og allt
í einu byrjaði hann að káfa á mér, eins
og ekkert væri sjálfsagðara. Ég ýtti
honum í burtu og spurði hvað hann
væri að gera. Hann sagði: „Þú leist út
fyrir að vera frekar fúl – ég vildi bara
gleðja þig.“ Hann var búinn að lofa
mér þessu verkefni. Hann sagði mér
að allar stelpurnar svæfu hjá honum
og stökk á mig. Ég forðaði mér.“
Þó að tískuheimurinn sé skugga-
legur lifir Lilja heilbrigðu lífi. Hún
reykir ekki, hefur aldrei notað eiturlyf
og af myndunum að dæma tekur hún
vítamín, borðar hollan mat og hreyfir
sig. Siðferðiskenndin kostaði hana
ekki aðeins 25 milljónir, en henni var
boðið hlutverk í kvikmyndinni The
Good Shepherd, með Matt Damon
og Angelinu Jolie í aðalhlutverkum,
gegn því að sofa hjá einum af fram-
leiðendum myndarinnar.
„Ég átti að vera gellan sem tældi
hann, skilst mér. Til þess að fá hlut-
verkið þurfti ég að fara út að borða
með framleiðandanum og rauninni
tæla hann. Ef hann vildi svo fá mig
upp á hótelherbergi þá átti ég að gera
það. Ég var til í að fara með honum í
mat en „verð ég að sofa hjá honum?“
spurði ég. Ég var þá spurð hvort ég
vildi ekki leika í myndinni og hvort
ég vildi ekki vera fræg. Þau töluðu
svo ekki aftur við mig vegna þess að
ég vildi ekki sofa hjá honum.“
„BRANSINN ER ALLT ÖÐRUVÍSI EN Á ÍSLANDI. ÞARNA
ÞURFTI ÉG AÐ HITTA LJÓSMYNDARANN OG DAÐRA
SVOLÍTIÐ VIÐ HANN. ÉG FÓR Í MAT MEÐ HONUM OG
ALLT Í EINU BYRJAÐI HANN AÐ KÁFA Á MÉR, EINS
OG EKKERT VÆRI SJÁLFSAGÐARA. ÉG ÝTTI HONUM
Í BURTU OG SPURÐI HVAÐ HANN VÆRI AÐ GERA.
HANN SAGÐI: „ÞÚ LEIST ÚT FYRIR AÐ VERA FREKAR
FÚL – ÉG VILDI BARA GLEÐJA ÞIG.““
ÆTLAÐI AÐ VERA LÆKNIR Lilja tók grunnnám í læknisfræði þegar hún bjó úti, en hætti og stefnir