Fréttablaðið - 28.04.2010, Blaðsíða 17
Sölufulltrúar Henný Árnadóttir henny@365.is 512 5427 Jóna María Hafsteinsdóttir jmh@365.is 512 5473 Þórdís Hermannsdóttir thordish@365.is 512 5447
ÍTÖLSK KVIKMYNDAHÁTÍÐ verður haldin í Nor-
ræna húsinu dagana 29. apríl til 3. maí. Hátíðin ber yfir-
skriftina Sögur af innflytjendum. Enginn aðgangseyrir er
inn á myndirnar sem eru sýndar með enskum texta.
„Maður verður bara að grípa gæs-
ina þegar hún gefst,“ segir Berg-
þóra, en hún var búin að vera
í London í nokkra daga þegar
bresku fréttastöðvarnar greindu
frá því að það yrði líklega ekk-
ert flug um Evrópu næstu 4-5
daga sökum gossins í Eyjafjalla-
jökli. „Okkur leist ekki á blikuna
þannig að við ákváðum að grípa
þetta tækifæri sem okkur bauðst
í gegnum vinnuna.“
Bergþóra og Eggert, innkaupa-
stjóri Líflands, þáðu far með frakt-
skipi Samskipa sem lagði úr höfn
í Rotterdam. Ferðin tók þrjá sól-
arhringa. „Það var tekið mjög vel
á móti okkur og áhöfnin, sem var
úkraínsk og taílensk, vildi allt
fyrir okkur gera,“ segir Bergþóra
sem leist þó tæplega á ferðina. „Ég
er bara landkrabbi og er ekki gerð
fyrir svona ferðir.“
Ferðalangarnir fengu ekki besta
veðrið á leiðinni og segir Berg-
þóra að hún muni sennilega aldrei
leggja í svona ferð aftur. „Ég varð
hræðilega sjóveik, enda óvön svona
ferðum,“ segir hún. „Það lengsta
sem ég hef ferðast með bát var til
Vestmannaeyja og þá var fínasta
veður.“
Þrátt fyrir vont veður og mis-
góða heilsu segir Bergþóra að
áhöfnin hafi verið hin ljúfasta og
hafi allt viljað fyrir þau gera. Þau
smökkuðu meðal annars rússneska
rauðrófusúpu í fyrsta sinn. „Þetta
var matur fyrir vinnandi menn,“
segir hún. „Steikt egg í morgun-
mat, kássa og bleik súpa í hádeg-
inu – ekki alveg besti matur fyrir
sjóveik borgarbörn eins og okkur.
En þeir höfðu miklar áhyggjur af
okkur, við líktumst örugglega ekki
mikið íslenskum víkingum.“
Ferðin var mikil lífsreynsla og
segir Bergþóra þau Eggert hafa
verið mjög fegin að sjá íslensku,
hvítu fjöllin. Þó vill hún ekki bera
sjóveiki upp á félaga sinn. „Hann
segist ekki hafa orðið sjóveik-
ur,“ segir hún. „Mér finnst þetta
þó vera skilgreiningaratriði. Ég
gengst allavega við minni.“
Um leið og í símasamband var
komið, eftir tvo sólarhringa úti
á rúmsjó, gaf sími Bergþóru frá
sér hljóð. Það var SMS frá Iceland
Express sem í stóð: „Flogið verð-
ur til Íslands í dag. Vinsamlegast
mætið út á flugvöll sem fyrst.“
- sv
Velktist í þrjá daga á sjó
Bergþóra Þorkelsdóttir, framkvæmdastjóri Líflands, varð innlyksa í London ásamt samstarfsmanni þegar
gos hófst í Eyjafjallajökli. Þau dóu ekki ráðalaus og komu sér heim með einu af fraktskipum Samskipa.
„Ég er bara landkrabbi og ekki gerð fyrir svona ferðir,“ segir Bergþóra sem sigldi til Íslands með fraktskipi frá Rotterdam.
FRÉTTABLAÐIÐ/GVA
Mesta úrval landsins af rafgeymum í allar gerðir farartækja
MEÐ TUDOR