Fréttablaðið - 29.04.2010, Qupperneq 12

12 29. apríl 2010 FIMMTUDAGUR
DÓMSMÁL Catalina Mikue Ncogo,
sem nú bíður dóms, ákærð fyrir
hagnýtingu vændis, mansal, frels-
issviptingu og ólögmæta nauð-
ung, hótaði konum sem hún seldi
í vændi meðal annars því að láta
glæpamenn nauðga þeim, hlýddu
þær henni ekki.
Þetta kemur fram í úrskurði
Héraðsdóms Reykjaness um þau
sakarefni sem Catalina skuli
ákærð fyrir.
Ein þeirra kvenna sem Catal-
ina er ákærð fyrir að hafa beitt
mansali, harðræði og hótunum
hefur lýst hvernig Catalina kúg-
aði hana til vændis sem sú síðar-
nefnda hafði framfærslu og við-
urværi af. Það gerði hún með því
að „hóta henni lífláti og líkams-
meiðingum, sparka og slá í líkama
hennar, svipta hana frelsi sínu og
koma í veg fyrir samskipti hennar
við aðra en viðskiptavini vændis-
starfseminnar, meðal annars með
því að læsa hana inni í herbergi,
meina henni að yfirgefa íbúðina
og banna henni að borða, sofa
og nota salerni nema með leyfi
ákærðu“.
Í greinargerðinni segir enn
fremur að Catalina hafi tekið af
konunni vegabréf og peninga. Þá
hafi hún beitt hana blekkingum
er hún sagði henni að hún væri
valdamikil hér á landi og hefði
mikil áhrif innan löggæslustofn-
ana og glæpaheimsins á Íslandi og
gæti því látið glæpamenn nauðga
henni hlýddi hún sér ekki. Þetta
gerði hún í skjóli þess að konan
þekkti ekkert til hér á landi. Í
greinargerðinni segir að hún
hafi hótað fleiri fórnarlömbum
vændissölunnar með sama hætti.
Í greinargerðinni segir að Catal-
ina hafi haldið ofangreindri konu
nauðugri í íbúð sinni svo vikum
skipti. Þegar konan komst loks
út og mætti með lögreglu til að
sækja vegabréf sitt, sló Catalina
hana í höfuðið. Annað fórnarlamb
hárreytti hún og sló hún með raf-
magnssnúru í andlitið. Hún er
ákærð fyrir líkamsárás og fyrir
að hafa hrækt í andlit lögreglu-
manns. jss@frettabladid.is
CATALINA MIKUE NCOGO Bíður nú dóms. Hún er meðal annars sökuð um mansal,
hagnýtingu vændissölu, frelsissviptingu, ólögmæta nauðung og hótanir.
FRÉTTABLAÐIÐ/VILHELM
Hótaði nauðgunum
Konur sem Catalina Mikue Ncogo er ákærð fyrir að hafa selt í vændi hafa borið
að hún hafi misþyrmt þeim og hótað að láta glæpamenn nauðga þeim hlýddu
þær henni ekki. Catalina bíður dóms, ákærð fyrir mansal, vændi og fleira.
SUÐUR-KÓREA, AP Að öllum líkind-
um var það tundurskeyti sem
sökkti suður-kóresku herskipi
skammt frá strönd Norður-Kóreu
26. mars.
Þessu heldur Kim Tae-young,
varnarmálaráðherra Suður-
Kóreu, fram. Þar með styrkist
grunur Suður-Kóreumanna um að
her Norður-Kóreu hafi átt þarna
hlut að máli.
Kim vildi þó ekkert fullyrða
um það, en sagði rannsókn máls-
ins halda áfram.
Lík 40 skipverja hafa fundist
og þeir sex sem enn eru ófundnir
eru taldir hafa farist einnig. - gb
Herskipið sem sökk:
Tundurskeyti
sökkti skipinu
KIM JONG IL Leiðtogi N-Kóreu, en N-
Kóreumenn eru grunaðir um að hafa
sökkt s-kóresku herskipi. NORDICPHOTOS/AFP
Ársfundur Úrvinnslusjóðs
Ársfundur Úrvinnslusjóðs verður haldinn
á Grand Hótel, 4. hæð, Háteigi B, fimmtu-
daginn 29. apríl kl. 14:00
• Formaður stjórnar setur fundinn
• Ávarp umhverfisráðherra
• Ávarp formanns stjórnar Úrvinnslusjóðs
• Ársreikningur 2009 kynntur
• Yfirlit yfir starfsemi Úrvinnslusjóðs
• Umræður
Dagskrá
Fundargögn munu liggja frammi á fundarstað
Stjórn Úrvinnslusjóðs
Alþingi samþykkti 25. mars síðastliðinn lög nr. 24/2010, um greiðsluuppgjör á opinberum gjöldum
lögaðila og einstaklinga í atvinnurekstri.
Samkvæmt lögunum geta lögaðilar og einstaklingar í atvinnurekstri sótt um greiðsluuppgjör á virðis-
aukaskatti, staðgreiðslu tryggingagjalds, staðgreiðslu opinberra gjalda og þing- og sveitarsjóðs-
gjöldum sem gjaldféllu fyrir 1. janúar 2010 og eru þar af leiðandi í vanskilum.
Athygli skal vakin á því að umsækjandi greiðsluuppgjörs skal vera skuldlaus í öllum öðrum sköttum og
gjöldum en þeim sem falla undir greiðsluuppgjör.
Í greiðsluuppgjöri felst að gjaldandi fær frest til greiðslu þeirra gjalda sem undir greiðsluuppgjörið
falla til 1. júlí 2011. Gjöldin bera ekki dráttarvexti á freststímabilinu 1. janúar 2010 til 30. júní 2011.
Að uppfylltum skilyrðum sem fram koma í lögunum getur gjaldandi skuldbreytt vanskilum gjalda sem
undir greiðsluuppgjörið falla þann 1. júlí 2011, með því að gefa út skuldabréf til greiðslu vanskilanna.
Skuldabréfið er til 5 ára með mánaðarlegum afborgunum og verðtryggt miðað við vísitölu neysluverðs
en án vaxta.
Á vef Tollstjóra eru ýtarlegar upplýsingar um greiðsluuppgjör ásamt umsóknareyðublaði.
http://www.tollur.is/greidsluuppgjor
GREIÐSLUUPPGJÖR OPINBERRA GJALDA
TOLLSTJÓRI, Tryggvagötu 19, 101 Reykjavík, sími: 560 0300, fax: 551 6620, vefur: www.tollur.is
HAMFARIR Tæpir sextíu hektarar túns á
Önundarhorni, sem lentu undir aurflóðinu
af völdum gossins í Eyjafjallajökli á dög-
unum, eru ónýtir. Plægja þarf þá upp aftur,
að sögn Sigurðar Þórs Þórhallssonar bónda
á jörðinni. Hinn hluti túnsins, á fimmta
tug hektara, liggur undir ösku. Sigurður
telur að þann hluta þurfi einnig að plægja
og sá í til að losna við öskuryk sem ella
myndi þyrlast upp og setjast í heyið í sumar.
Hann telur að einhver heyfengur fáist af
túnunum, en ljóst sé að hann verði að kaupa
hey til viðbótar.
Rúm vika er nú síðan koldimmu gosösku-
falli linnti á jörðinni.
„Við erum nýlega byrjaðir að keyra drull-
unni burt, sem rann yfir jörðina í aurflóðinu
á dögunum,“ segir Sigurður. „Sú vinna gæti
tekið allt að sjö daga. Eftir það held ég að
maður verði að taka stöðuna, meðal annars
með tilliti til hættu á frekara öskufalli.“
Sigurður er með kúabú. Kýrnar kveðst
hann ef til vill geta sett út í júní, á græn-
fóður og hey, en hina nautgripina alls ekki
í sumar. Hey verði hann að kaupa með
vorinu.
„En það er ótrúlegt hvað margir nær og
fjær eru boðnir og búnir til að aðstoða við
hreinsunina,“ segir Sigurður og kveður það
ómetanlegan stuðning. -jss ÖSKUFALL Hefur leikið margar jarðir undir Eyjafjöllum illa.
Tekist á við afleiðingar öskufalls og aurflóðs á Önundarhorni:
Plægja þarf hundrað hektara túns
HRÆGAMMI GEFIÐ AÐ BORÐA Hræ-
gammsunginn Einstein fær að borða í
dýragarðinum í Hannover í Þýskalandi.
NORDICPHOTOS/AFP
FR
ÉT
TA
B
LA
Ð
IÐ
/P
JE
TU
R