Fréttablaðið - 12.05.2010, Qupperneq 32

12. MAÍ 2010 MIÐVIKUDAGUR8 ● baðherbergi
Á krepputímum er vel hægt að gera áhrifamiklar
endurbætur á baðherberginu sem kosta lítið og mun
minni fyrirhöfn en þegar ráðist er í að endurgera
það frá grunni.
● Einfaldasta ráðið til að fríska upp á baðherbergi
er að búa það nýjum handklæðum, mottum og
sturtuhengi.
● Ný málning frískar alltaf með óvæntu litavali.
Veljið liti sem tóna vel við flísar, hreinlætistæki
og gólfefni.
● Stórir, rammalausir speglar stækka baðher-
bergi og gefa því nýjar víddir. Ef
þú átt þegar þannig speg-
il en langar í tilbreyt-
ingu er upplagt að fá
sér spegil í fallegum
ramma.
● Skiptu um skraut-
muni og breyttu upp-
röðun í hillum og á borð-
um baðherbergisins.
Breyttu alveg um stíl eða
skiptu um lit á sápupumpu,
þvottakörfu og krúsum
undir eyrnapinna, bómull og annað. Not-
aðu körfur undir klósettrúllur, þvotta-
stykki og handklæði, og skreyttu bað-
herbergið með litríkum sápum og kertum
sem gefa gömlu baðherbergi ferskan svip.
Kertaljós eru augnayndi ásamt því að hafa
róandi áhrif og skapa rómantíska stemningu.
Nýtt baðherbergi með
naumari budduráðum
Byggingavöruverslunin Ísleifur
Jónsson byggir á tæplega níutíu
ára reynslu og telur Grétar
Leifsson það vera eina helstu
sérstöðu fyrirtækisins.
„Við erum þrír bræður sem erum
búnir að vera sjálfir í þessu í yfir
tuttugu ár. Fyrirtækið Ísleifur
Jónsson er stofnað af afa okkar,“
segir Grétar Leifsson, fram-
kvæmdastjóri Ísleifs Jónssonar,
og bætir við að fyrirtækið sé því
mikið fjölskyldufyrirtæki.
„Við höfum alltaf lagt áherslu
á að bjóða vandaða vöru og ekki
bara vandaða vöru því við vilj-
um líka leiðbeina fólki við að velja
réttu vöruna og aðstoða alla leið,“
útskýrir Grétar. „Vegna sögunnar
viljum við vera með góðar vörur til
þess að halda okkar orðspori við.“
Grétar segir að fyrirtækið sé
þekkt fyrir að vera með breiða
línu af baðherbergisvörum. „Okkar
styrkur er að við erum með allt,
hreinlætis- og blöndunartæki, frá-
rennsli, vatnið og hitann. Við erum
kannski sú verslun sem í raun og
veru leysir allt sem þarf í eitt bað-
herbergi,“ segir Grétar og bætir
við að úrval verslunarinnar hafi
breyst nokkuð í gegnum áratug-
ina. „Þetta er náttúrulega alveg
gjörbreytt því þá voru kolakatlar,
pottofnar og þess háttar. Í gegnum
tíðina höfum við selt allt sem þarf
í vatn, hita og skolp.“
Inntur eftir breytingum á bað-
herbergjum á síðustu árum segir
Grétar: „Núna vill fólk fá gólf-
hita í baðherbergið. Ef það er með
sturtu þá vill það vera með svo-
kallaða „walk-in“ sturtu, það er að
segja, sturtan og baðgólfið er ein
heild. Það er sjálfsagt mál að vera
með handklæðaofn og upphengd
klósett. Ég myndi segja að það
séu alltaf fleiri og fleiri sem eru
bara með sturtu frekar en baðkar,“
segir Grétar sem rekur ástæðuna
til pottamenningarinnar. „Ef að
hægir á pottamenningunni koma
baðkerin aftur en sala á heitum
pottum hefur minnkað stórlega.“
Grétar segist hafa tekið eftir því
að fólk skipti út tækjum á baðher-
berginu áður en þau verða ónýt.
„Bæði geta hlutirnir verið fallegri,
auðveldari í notkun og hljóðlát-
ari,“ útskýrir Grétar sem hefur þó
tekið eftir kreppunni. „Fólk verð-
ur að undirbúa sig betur í dag og
vera tímanlegra að panta vöruna
því fyrirtæki liggja ekki með stóra
lagera. Við höfum farið í ódýrari
línur en notum samt enn þá gott
efni.“
Frá kolakötlum til
upphengdra klósetta
„Venjulegt baðherbergi endist í þrjátíu til fjörutíu ár,“ segir Grétar sem fengið hefur beiðnir um varahluti í svo gömul baðher-
bergi. FRÉTTABLAÐIÐ/ANTON