Fréttablaðið - 14.05.2010, Blaðsíða 58
30 14. maí 2010 FÖSTUDAGUR
sport@frettabladid.is
28 DAGAR Í HM
Arnór Smárason er sem kunnugt er á leið frá hollenska liðinu Heer-
enveen nú í sumar þar sem samningur hans mun renna þá út. Arn-
óri standa ýmsir kostir til boða en honum hefur borist tilboð
bæði frá liðum í Hollandi sem og á Norðurlöndunum.
„Það er verið að ræða þessi mál en ég er í sjálfu sér
mjög rólegur. Ég ætla ekki að hoppa á fyrsta tilboðið
sem berst heldur skoða alla möguleika sem eru
í boði og velja út frá því,“ sagði Arnór sem gerir
ekki ráð fyrir því að fá lausn sinna mála fyrr en
síðar í sumar.
„Mér líst vel á þessi tilboð sem hafa borist en aðalmálið
hjá mér er að finna mér lið þar sem ég á möguleika á því
að spila hvern einasta leik. Ég er nýstiginn upp úr erfiðum
meiðslum og mér finnst það mikilvægast að fá að spila aftur
og halda áfram að bæta mig.“
Hann segir að það hafi ekki verið erfitt að skilja við
Heerenveen. „Ég er búinn að vera hjá félaginu í sex og hálft
ár og þetta hefur verið mjög fínn tími. Ég hef bætt mig mikið en
nú finnst mér tímabært að prófa eitthvað nýtt. Ég er spenntur
fyrir því að fá að upplifa nýtt ævintýri.“
Arnór er ekki nema 21 árs gamall og var því ungur þegar
hann hélt utan til Hollands. Á þessum tíma vann hann sér
fast sæti í byrjunarliði Heerenveen og náði þar að auki
að spila nokkra A-landsleiki. Meiðsli settu svo strik í
reikninginn og var hann lengi frá á tímabilinu.
Í fyrstu var talið að meiðslin tengdust vandamálum í
lærvöðva og lagðist hann undir hnífinn vegna þessa. „Þessar
aðgerðir voru ekki að gera neitt fyrir mig og voru í raun alger-
lega misheppnaðar. Það var ekki fyrr en ég fór til Þýskalands
þar sem ég fékk tíma hjá lækni Bayern München að ég fékk
loksins almennilega meðferð. Það kom í ljós að þetta tengd-
ist bakinu og þegar það uppgötvaðist var ég fljótur að ná
mér. Þetta var vissulega svekkjandi en ég er fyrst og fremst
ánægður með að vera byrjaður að spila á nýjan leik.“
ARNÓR SMÁRASON: MEÐ TILBOÐ FRÁ LIÐUM Í HOLLANDI OG Á NORÐURLÖNDUNUM
Mun ekki hoppa á fyrsta tilboð sem berst
Roger Milla frá Kamerún er elsti marka-
skorari á HM frá upphafi en hann var 42 ára
og 39 daga þegar hann skoraði á HM
1994. Fjórum árum áður hafði hann
skorað 4 mörk á HM 1990 og slegið
í gegn með því að dansa fyrstur
allra við hornfánann. Milla skoraði
öll fimm mörk sín á HM eftir að hafa
komið inn á sem varamaður.
FÓTBOLTI KSV Roeselare, lið Bjarna
Þórs Viðarssonar og Hólmars
Arnar Eyjólfssonar, hóf um síð-
ustu helgi keppni í umspilskeppni
um sæti í belgísku úrvalsdeildinni.
Afar flókið fyrirkomulag var á
belgísku deildakeppninni í ár og þá
er staða Bjarna Þórs sjálfs nokkuð
sérstök en hann á þó von á því að
fá lausn sinna mála í sumar.
Roeselare er búið að vera í botn-
baráttunni allt tímabilið en tekur
nú þátt í umspili um sæti í úrvals-
deildinni ásamt liðunum sem urðu
í 2.-4. sæti B-deildarinnar. Um er
að ræða riðlakeppni þar sem allir
mæta öllum, heima og að heiman.
„Við erum vongóðir um að halda
okkur uppi. Við erum með besta
liðið en meiðsli hafa gert okkur
erfitt fyrir,“ sagði Bjarni en að
loknum tveimur umferðum af sex
í riðlinum hefur hvert lið unnið
einn leik og tapað einum. Bjarni
tryggði sínum mönnum sigur á
KVSK United í fyrstu umferðinni,
3-2, með marki á lokamínútum
leiksins.
Botnbaráttan var þó ekki ein-
föld. Roeselare var í neðsta sætinu
lengst af en um miðjan febrú-
ar náði liðið eftir gott gengi
að komast upp fyrir Lokeren.
Hins vegar varð hvorugt þess-
ara liða í neðsta sæti deild-
arinnar. Það kom í hlut
Mouscron sem hafði
verið um miðja deild
þegar félagið varð
svo úrskurðað gjald-
þrota og árangur liðsins
þurrkaður út. Það féll því sjálf-
krafa úr deildinni.
Þegar deildarkeppninni lauk
voru Lokeren og Roeselare með
jafn mörg stig. Roeselare var
þó með betra markahlutfall sem
öllu jöfnu hefði átt að duga lið-
inu. En ekki í Belgíu. Ef lið eru
jöfn að stigum er það lið sem
vann fleiri leiki ofar í töfl-
unni. Lokeren vann fimm í
vetur en Roeselare fjóra. „Við
vorum líka með betri árangur
en Lokeren í innbyrðisviður-
eignum okkar. Þetta var því
ansi svekkjandi,“ sagði
Bjarni.
Deildakeppnin var
líka æði flókin. Að
henni lokinni tóku
sex efstu liðin helm-
ing stiganna með sér
í sérstakan meistararið-
il. Næstu átta lið í deild-
inni fóru svo í enn flókn-
ara umspil um eitt sæti
í Evrópudeildinni þar
sem liðunum var til
að mynda skipt í tvo
riðla.
„Þetta fyrirkomulag átti að skila
meiri sjónvarpstekjum en það
hefur ekki fengið góð viðbrögð og
ég á von á því að þetta verði lagt
niður. Hollendingar tóku upp álíka
fyrirkomulag fyrir tveimur árum
og það að mestu svo aflagt strax
ári síðar.“
Samningsmál Bjarna eru einnig
flókin en hann kom til Roeselare
frá Twente í Hollandi í sumar.
„Twente á enn einhvern hlut í
mér en ég á ekki von á því að fara
þangað aftur. Bæði félög vilja að
ég verði seldur og þau myndu þá
skipta söluhagnaðinum á milli
sín. Það stóð alltaf til að ég yrði
hér aðeins í eitt ár og á ég von á
því að ég fari í sumar, jafnvel þótt
að við höldum sæti okkar,“ sagði
Bjarni. Hann á þó möguleika á að
vera áfram í Belgíu ef allt annað
þrýtur.
„Ég er með þriggja ára samning
en það var bara hugsað sem örygg-
isnet fyrir mig.“ - esá
Bjarni Þór Viðarsson og félagar í KSV Roeselare í flóknum fallslag í belgísku úrvalsdeildinni:
Flókið knattspyrnulíf Bjarna Viðarssonar
BJARNI ÞÓR
Ekki alltaf klippt og
skorið í Belgíu. Hér
er Bjarni í leik með
Roeselare.
FÓTBOLTI Fyrsta umferðin í Pepsi-
deild kvenna fór fram í gær og
engin óvænt úrslit litu dagsins
ljós. Mest spenna var fyrir leik
Breiðabliks og Fylkis en sá leikur
varð aldrei spennandi því Blikar
hreinlega yfirspiluðu daprar Fylk-
isstúlkur sem áttu ekki roð í Blik-
ana.
Blikastúlkur tóku strax öll völd
á vellinum og hófu að sækja af
krafti. Það voru ekki liðnar nema
rúmlega tólf mínútur af leiknum
er Fanndís Friðriksdóttir kom
Blikum yfir. Hún fékk þá boltann á
miðjum vallarhelmingi Fylkis. Lék
nær marki og lét vaða af um 20
metra færi. Boltinn hafnaði neðst
í fjærhorninu, glæsilegt mark.
Yfirburðir Blika voru algjör-
ir og það var alger einstefna að
marki Fylkis sem komst vart yfir
miðju. Blikastúlkur sköpuðu sér
nokkuð af færum en gekk ekkert
að nýta þau.
Það kom í bakið á Blikastúlk-
um því á 35. mínútu átti Íris Dóra
Snorradóttir laglega stungusendu
á Önnu Sigurðardóttur. Anna lék
inn í teiginn og lagði boltann í
fjærhornið og þaðan fór boltinn í
stöngina og inn. Smekklega gert.
Síðari hálfleikur var tiltölulega
nýhafinn þegar Blikar náðu for-
ystunni á nýjan leik. Fanndís tók
þá hornspyrnu sem Jóna Kristín
Hauksdóttur stangaði í netið.
Fylki óx ásmegin eftir því sem
leið á síðari hálfleikinn en gekk
ekkert að skapa sér færi. Blikar
kláruðu svo leikinn tíu mínútum
fyrir leikslok er Sara Björk stang-
aði hornspyrnu Fanndísar í netið
en þær tvær báru af í leiknum.
„Þetta er allt of lítill sigur miðað
við spilamennsku okkar í dag. Við
áttum frábæran dag og spiluðum
flottan fótbolta. Ég hrósa stelp-
unum fyrir frábæran leik,“ sagði
Jóhannes Karl Sigursteinsson,
þjálfari Blika, kátur eftir leikinn.
Blikar hefðu átt að vinna miklu
stærri sigur því þær fengu fjöl-
mörg tækifæri sem þær nýttu
ekki. Berglind Björg Þorvaldsdótt-
ir fór með mörg þeirra en henni
voru afar mislagðir fætur í gær.
„Það var með ólíkindum að
við skyldum ekki skora meira en
þetta var okkar besti leikur í lang-
an tíma og við erum ánægð með
þetta.“
Björn Björnsson, þjálfari Fylk-
is, var hundfúll með sínar stelpur
og húðskammaði þær inn í klefa
eftir leikinn. „Ég var óánægður
með framlag leikmanna sem mér
fannst sáralítið. Þær voru kjark-
lausar og skítragar við að gera það
sem við töluðum um að gera,“ sagði
Björn fúll. henry@frettabladid.is
Blikar yfirspiluðu Fylki
Það var lítið jafnræði í leik Breiðabliks og Fylkis í Pepsi-deild kvenna í gær.
Blikar voru betri á öllum sviðum leiksins og hefðu átt að vinna stórsigur en
létu 3-1 duga. Valur, Stjarnan, KR og Þór/KA unnu einnig fyrstu leiki sína.
VÍTI? Björk Björnsdóttir, markvörður Fylkis, virðist hér brjóta á Berglindi Þorvaldsdótt-
ur. Jan Erik Jessen dómari lét það eiga sig að flauta. FRÉTTABLAÐIÐ/DANÍEL
Pepsi-deild kvenna
Breiðablik - Fylkir 3-1
1-0 Fanndís Friðriksdóttir (13.), 1-1 Anna Sigurð-
ardóttir (35.), 2-1 Jóna Kristín Hauksdóttir (48.),
3-1 Sara Björk Gunnarsdóttir (80.).
Haukar - Valur 0-5
0-1 Rakel Logadóttir (17.), 0-2 Kristín Ýr Bjarna-
dóttir (40.), 0-3 Kristín Ýr Bjarnadóttir (66.),
0-4 Björk Gunnarsdóttir (73.), 0-5 Dóra María
Lárusdóttir (77.).
KR - FH 2-0
1-0 Kristín Sverrisdóttir (46.), 2-0 Katrín Ásbjörns-
dóttir (56.).
Afturelding - Stjarnan 0-4
0-1 Katie McCoy (35.), 0-2 Katie McCoy (36.), 0-3
Karen Sturludóttir (40.), 0-4 Ásgerður Stefanía
Baldursdóttir, víti (52.).
Grindavík - Þór/KA 2-2
0-1 Bojana Besic (7.), 0-2 Mateja Zver (35.), 1-2
Dagmar Þráinsdóttir (66.), 2-2 Dagmar Þráins-
dóttir (76.).
Upplýsingar að hluta fengnar frá Fótbolta.net
Sænska úrvalsdeildin
IFK Gautaborg - Örebro 0-0
Ragnar Sigurðsson, Hjálmar Jónsson og Theodór
Elmar Bjarnason léku allan leikinn fyrir IFK.
Sænska B-deildin
Hammarby - Öster 0-1
Davíð Þór Viðarsson, Öster, tók út leikbann.
Austurríska úrvalsdeildin
KSV Superfund - LASK Linz 2-0
Garðar Gunnlaugsson var í byrjunarliði LASK en
var skipt út af í hálfleik.
ÚRSLIT
TEKIÐ Á ÞVÍ Tinna Bjarndís Bergþórs-
dóttir stöðvar hér Blikann Söndru Sif
Magnúsdóttur. FRÉTTABLAÐIÐ/DANÍEL
FÓTBOLTI Hermann Hreiðarsson
er einn þeirra leikmanna Port-
smouth sem fara frá félaginu nú
í sumar. Þetta kom fram í máli
skiptastjóra Portsmouth í gær en
félagið er nú í greiðslustöðvun.
„Þeir sem þurfa að fara skipt-
ast í þrjá flokka,“ er haft eftir
Andrew Andronikou skipta stjóra.
„Þeir sem eru á lánssamningi,
þeir sem eru að renna út á samn-
ingi og þeir sem eru á sölulista.“
Portsmouth er fallið úr ensku
úrvalsdeildinni en mætir Chelsea
í úrslitum bikarsins á morgun.
„Helmingur þeirra sem spila bik-
arúrslitaleikinn eru að fara. Það
er staðreynd lífsins.“
Andronikou nafngreinir aðeins
nokkra leikmenn sérstaklega í
máli sínu og var Hermann ekki
einn þeirra. En ljóst má vera að
hann þarf að finna sér nýtt félag
í sumar þar sem samningur Her-
manns við Portsmouth rennur út
í lok leiktíðar. - esá
Skiptastjóri Portsmouth:
Hermann einn
þeirra sem fara
HERMANN Þarf væntanlega að finna sér
nýtt félag. NORDIC PHOTOS/GETTY
FÓTBOLTI Birkir Bjarnason skor-
aði fyrra mark síns liðs, Viking, í
2-0 sigri þess á Brodd í 1. umferð
norsku bikarkeppninnar í gær.
Þetta var fjórða mark Birkis í
jafnmörgum leikjum sem allir
hafa farið fram í maímánuði.
Veigar Páll Gunnarsson kom
inn á sem varamaður á 89. mín-
útu þegar að Stabæk vann 12-1
sigur á Höland. Veigar Páll skor-
aði síðasta mark liðsins í uppbót-
artíma. - esá
Birkir Bjarnason hjá Viking:
Skoraði í fjórða
leiknum í röð