Fréttablaðið - 14.05.2010, Blaðsíða 6

6 14. maí 2010 FÖSTUDAGUR
Tilboðin gilda til 31. april eða á m
eðan birgðir endast, auglýst verð er tilboðsverð.
FRÉTTASKÝRING
Hvernig er samskiptum Jóns Ásgeirs
Jóhannessonar og Lárusar Welding
lýst í stefnu skilanefndar og slita-
stjórnar Glitnis?
Jón Ásgeir Jóhannesson er sakað-
ur um að hafa komið Lárusi Weld-
ing á stól bankastjóra í Glitni
eftir að hafa losað sig við Bjarna
Ármannsson þrátt fyrir að Lárus
hafi skort nauðsynlega reynslu
til að takast á við starfið, í stefnu
skilanefndar og slitastjórnar
Glitnis.
Stefna skilanefndar og slita-
stjórnar Glitnis var þingfest fyrir
dómi í New York á þriðjudag. Þar
er Jóni Ásgeiri, Lárusi og fimm
öðrum einstaklingum stefnt til
greiðslu jafnvirði 257 milljarða
króna skaðabóta. Endurskoðun-
arfyrirtækinu Pricewaterhouse-
Coopers er einnig stefnt.
Í stefnunni er Jón Ásgeir sagð-
ur hafa náð undirtökunum í Glitni
þegar hann, í gegnum félög í hans
eigu, ásamt tengdum aðilum átti
um 39 prósenta hlut í Glitni árið
2007. Jón er sagður hafa sett fólk
sér handgengið í stjórn Glitnis, og
komið því til leiðar að stjórnin los-
aði sig við Bjarna Ármannsson úr
stóli forstjóra bankans.
Í stefnunni er því haldið fram að
Jón Ásgeir hafi í raun stýrt stjórn-
inni, og séð til þess að hún réði
Lárus Welding sem bankastjóra
í stað Bjarna. Lárus var áður úti-
bússtjóri Landsbankans í Lond-
on, þar sem hann stýrði 75 starfs-
mönnum. Starfsmenn Glitnis voru
á þeim tíma um 1.900 í tíu löndum.
Í stefnunni er því haldið fram að
Lárus hafi verið of reynslulítill til
að takast á við starfið.
Auk þess að stýra Glitni sem
bankastjóri var Lárus einnig for-
maður lánanefndar bankans, sem
tók ákvarðanir um útlán, meðal
annars til fyrirtækja tengdum
Jóni Ásgeiri.
Í starfsreglum lánanefndarinn-
ar voru ákvæði um að ef ekki væri
mögulegt að fjalla um mál á fund-
um lánanefndarinnar gætu ein-
hverjir tveir nefndarmenn heimil-
að lánveitingar. Annar þeirra varð
að vera formaður eða varaformað-
ur nefndarinnar. Lárus var því, að
því er fram kemur í stefnunni, í
lykilstöðu til að veita lán til aðila
sem tengdust eigendum bankans.
Lárusi er í stefnunni lýst sem
nokkurs konar leppi Jóns Ásgeirs,
sem hafi tekið við beinum skipun-
um um hvernig reka ætti bankann
frá Jóni.
Vitnað er í tölvupóst frá Lárusi,
þar sem hann kvartaði undan því
að Jón Ásgeir kæmi fram við hann
eins og útibússtjóra, ekki banka-
stjóra.
Laun Lárusar voru úr öllu
samhengi við launakjör Bjarna
Ármannssonar, forvera hans á
bankastjórastóli.
Í stefnunni kemur fram að
Bjarni hafi fengið 3,3 milljónir
Bandaríkjadala í laun á þeim tíu
árum sem hann stýrði bankanum.
Sé það reiknað á gengi dagsins í
gær samsvarar það um 426 millj-
ónum króna, eða um 42,6 milljón-
um á ári að meðaltali.
Lárus fékk sem frægt er orðið
300 milljóna króna eingreiðslu
þegar hann kom til starfa, og var
lofað ríflega 10 milljónum Banda-
ríkjadala, 1,3 milljörðum króna, í
laun fyrir fyrsta árið. Það er ríf-
lega þreföld sú upphæð sem Bjarni
fékk greidda fyrir tíu ára starf
fyrir Glitni, að því er fram kemur
í stefnunni. brjann@frettabladid.is
Lárus sagður leppur
Jóns Ásgeirs í Glitni
Lárusi Welding var lofað 1,3 milljörðum króna fyrir eins árs starf fyrir Glitni.
Það var þrefalt meira en Bjarni Ármannsson fékk fyrir tíu ára starf. Jón Ásgeir
Jóhannesson er sagður hafa komið fram við Lárus eins og útibússtjóra.
SKIPT ÚT Eftir að Jón Ásgeir og tengdir aðilar höfðu skipt út stjórnarmönnum Glitnis
var röðin komin að Bjarna Ármannssyni bankastjóra (til hægri). Arftaki hans, Lárus
Welding, fékk ótrúlega góð kjör miðað við reynsluleysi, segir í stefnu skilanefndar og
slitastjórnar. FRÉTTABLAÐIÐ/DANÍEL
Á að sameina iðnaðar-, sjávar,
útvegs- og landbúnaðarráðu-
neytið í eitt atvinnuvegaráðu-
neyti?
JÁ 72,9%
NEI 27,1%
SPURNING DAGSINS Í DAG:
Ert þú búin(n) að ákveða hvað
þú ætlar að kjósa í sveitar-
stjórnarkosningunum 29. maí?
Segðu þína skoðun á visir.is
SJÁVARÚTVEGUR „Ég er nú hættur
að vinna, þetta er bara áhugamál,“
sagði Kristján Pétursson sjómað-
ur sem hafði lokið löndun á Arn-
arstapa eftir túr dagsins þegar
Fréttablaðið hitti hann í vikunni.
Kristján er einn fjölmargra sem
stunda strandveiðar. Höfnin á
Arnarstapa var þétt skipuð bátum
á þriðjudag en strandveiðitímabil-
ið hófst á mánudag.
Barnabarn Kristjáns, Fannar
Freyr Magnússon, er háseti hjá
honum á bátnum Teistu og höfðu
þeir langfeðgar veitt dagskammt-
inn, 773 kíló, á fimm tímum. „Við
vorum bara tvo tíma að þessu á
mánudag,“ segir Kristján sem er
frá Akranesi og hefur stundað sjó-
inn síðan 1954. - sbt
Mikið að gera í höfninni á Arnarstapa í fyrstu viku strandveiða:
Kynslóðir saman á veiðum
LÖNDUN LOKIÐ Fannar Freyr og Kristján í höfninni á Arnarstapa. Á milli þeirra er
Kvzysztoy Richard sem vinnur við uppskipun á Arnarstapa. FRÉTTABLAÐIÐ/STEFÁN
HEILBRIGÐISMÁL Hormónagetnaðar-
varnir virðast geta haft neikvæð
áhrif á kynhvöt kvenna, sam-
kvæmt nýrri rannsókn sem birt
var í byrjun mánaðarins í lækna-
ritinu Journal of Sexual Medicine.
Netúgáfa Time vitnar til rann-
sóknarinnar undir yfirskriftinni
„Lítil kynhvöt, konur? Pillunni
kann að vera um að kenna.“
Spurningalisti var lagður fyrir
yfir þúsund kvenkyns læknanema
í Þýskalandi.
„Niðurstaðan var að konur sem
notuðu hormónagetnaðarvarn-
ir, aðallega pilluna, höfðu minni
kynhvöt og fundu fyrir minni
kynæsingi en konur sem notuðu
aðrar eða engar getnaðarvarnir,“
er haft eftir Alfred Mueck, yfir-
manni Miðstöðvar kvenheilsu við
háskólasjúkrahúsið í Tübingen í
Þýskalandi.
Hann áréttar þó að rannsókn-
in sýni bara fylgni milli notk-
unar hormónagetnaðarvarna og
kyn deyfðar, ekki orsakasam-
band.
Ebba Margrét Magnúsdóttir,
læknir hjá Landspítalanum og
sérfræðingur í kvensjúkdómum,
segir ný sannindi ekki að finna í
þýsku rannsókninni, minni kyn-
hvöt sé ein af þekktum aukaverk-
unum hormónagetnaðarvarna.
„Konur koma oft og spyrja um
þetta,“ segir hún, en áréttar um
leið að fæstar konur finni fyrir
slíkum aukaverkunum. „En þá
notum við bara lykkjuna eða eitt-
hvað annað,“ segir hún. - óká
Ný rannsókn sýnir að konur á pillunni virðast líklegri til að finna fyrir kyndeyfð:
Gömul sannindi í nýrri rannsókn
AUTT RÚM Ný könnun rennir stoðum undir
að hormónagetnaðarvarnir geti dregið úr
kynhvöt kvenna. NORDICPHOTOS/GETTY IMAGES
KJÖRKASSINN