Fréttablaðið - 26.05.2010, Blaðsíða 38
22 26. maí 2010 MIÐVIKUDAGUR
folk@frettabladid.is
Skjaldborg, hátíð íslenskra
heimildarmynda, var hald-
in í fjórða sinn um hvíta-
sunnuhelgina. Hátíðin fór
fram á Patreksfirði líkt og
fyrri ár og var margt góðra
gesta.
Heimildarmyndin Backyard, í leik-
stjórn Árna Sveinssonar, var valin
besta mynd Skjaldborgarhátíðar-
innar í ár. Myndin fjallar um tón-
listarsenuna sem ríkir í Reykjavík
í dag. Meðal hljómsveita sem þykja
einkennandi fyrir senuna og koma
fram í mynd Árna eru Retro Stefson,
FM Belfast, Hjaltalín og Reykjavík!
Myndin var unnin í samstarfi við
tónlistarmanninn Árna Plús 1 og
var framleidd af Sindra Páli Kjart-
anssyni. Aðspurður segir Árni sig-
urinn hafa komið honum skemmti-
lega á óvart. „Ég bjóst ekki við
neinu áður en haldið var af stað. Ég
fór með myndina til þess að prufu-
keyra hana fyrir áhorfendur og sjá
hvernig hún legðist í menn,“ segir
Árni. Backyard var lokamynd hátíð-
arinnar og að sögn Árna skapaðist
mikil stemning í kvikmyndasaln-
um og voru sumir áhorfendur farn-
ir að stíga dans í takt við tónlistina
í myndinni.
Inntur eftir því hvað verðlaun
sem þessi hafi í för með sér segir
Árni þau helst vera góða hvatn-
ingu. „Fólk veit kannski frekar af
myndinni núna og þetta gerir mér
einnig auðveldara fyrir ef ég ætla
að koma henni á framfæri erlendis.
Auk þess virkar þetta mjög hvetj-
andi fyrir okkur sem að myndinni
stöndum og ætlum við nú að fara af
auknum krafti í það að koma henni
í kvikmyndahús hér heima,“ segir
Árni. sara@frettabladid.is
Árni Sveins sigur-
vegari á Skjaldborg
SIGURVEGARI SKJALDBORGAR Heimildarmynd Árna Sveinssonar, Backyard, var valin
besta mynd Skjaldborgarhátíðarinnar í ár. FRÉTTABLAÐIÐ/STEFÁN
Britney Spears vill láta frysta sig í fljót-
andi köfnunarefni þegar hún deyr. Með því
vonast hún til þess að geta verið vakin aftur
til lífsins í framtíðinni.
„Britney fær hluti á heilann og þetta er það
nýjasta,“ segir ónefndur vinur hennar í samtali
við fjölmiðla vestanhafs. „Þetta byrjaði þegar
einhver sagði henni að Walt Disney hefði látið
frysta sig til að geta vaknað til lífsins síðar.
Hún fór að rannsaka málið og sannfærðist um
að þetta væri þess virði að reyna.“
Ekki alls fyrir löngu var Britney harðákveðin
í að láta brenna sig við veglega athöfn. Nú hefur
hún hins vegar ákveðið að dauðinn þurfi ekki endi-
lega að vera neinn endapunktur. Og því fagna allir
góðir menn.
LÆTUR VARÐVEITA LÍKAMANN Britney Spears ætlar að
láta frysta sig í fljótandi köfnunarefni þegar hún deyr.
NORDICPHOTOS/GETTY
Britney lætur frysta
sig þegar hún deyr
Hljómsveitin U2 hefur hætt við að koma
fram á Glastonbury-tónlistarhátíðinni í
Bretlandi og á sextán tónleikum í Norð-
ur-Ameríku. Ástæðan er bakaðgerð sem
söngvarinn Bono þurfti að gangast undir
á föstudag. Aðgerðin var að sögn lækn-
is hans nauðsynleg til að koma í veg
fyrir mögulega lömun.
Hinn fimmtugi Bono þarf á tveggja
mánaða hvíld að halda áður en hann
stígur á svið á nýjan leik. „Batahorf-
urnar eru mjög góðar en til að ná full-
um bata verður hann að ganga í gegnum
endurhæfingu,“ sagði læknirinn.
U2 átti að vera aðalnúmerið á Glaston-
bury 25. júní og hefðu þetta verið fyrstu
tónleikar sveitarinnar á tónlistarhátíð í
rúm 25 ár. Svo gæti farið að annaðhvort
Coldplay eða Dizzee Rascal hlaupi í
skarðið fyrir hana. Sveitin átti einnig
að spila vestanhafs bæði í júní og júlí til
að fylgja eftir plötu sinni No Line on the
Horizon en ekkert verður af því.
Paul McGuinness, umboðsmaður U2,
segir að hljómsveitin sé miður sín yfir
því að hafa þurft að fresta tónleikunum.
„Fyrir listamann sem elskar að vera
uppi á sviði þá er þetta mikið áfall,“
sagði hann um Bono. „Hann hefur mikl-
ar áhyggjur af þeim milljónum tónleika-
gesta sem ætluðu á tónleikana en þurfa
nú að breyta áformum sínum. Við skilj-
um þessar áhyggjur en það mikilvæg-
asta er samt að hann nái fullum bata.“
U2 hættir við Glastonbury
U2 Hljómsveitin U2 hefur aflýst tónleikum
sínum á Glastonbury-hátíðinni 25. júní og
tónleikaferð sinni til N-Ameríku.
Leikstjórinn Martin Scorsese vonast til
að þeir Al Pacino og Robert De Niro leiki
í næstu mynd sinni, sem fjallar um ævi
söngvarans Franks Sinatra. Pacino myndi
leika Sinatra og De Niro vin hans Dean
Martin. Leonardo DiCaprio hafði áður
verið orðaður við hlutverk Sinatra en sam-
kvæmt Scorsese er Pacino hans fyrsti
valkostur. Töluverður aldursmunur er á
milli Pacino og DiCaprio og verður fróð-
legt að sjá hvor þeirra verður á endanum
fyrir valinu. Scorsese segir að
handrit myndarinnar sé til-
búið og nú sé næsta skref að
finna hinn fullkomna Sinatra.
Vill Pacino sem Frank Sinatra
AL PACINO Pacino mun hugsanlega
leika Frank Sinatra í næstu
mynd Martins Scorsese.
> PRÓFAÐI BÓTOX
Kim Kardashian mætti ásamt systrum
sínum og móður í sjónvarpsviðtal
fyrir skemmstu. Þar var hún spurð
út í lýtaaðgerðir og viðurkennir hún
að hafa farið í bótox. „Ég er ekki
á móti lýtaaðgerðum. Ég hef
prófað bótox, en það er líka það
eina. Ég hef til dæmis ekki látið
lagfæra nef mitt eins og margir
halda fram,“ sagði Kim.