Fréttablaðið - 03.07.2010, Side 32

LEIÐSÖGN verður um sumarsýningar Gerðarsafns á morgun
klukkan 15. Þar eru nú sýningarnar Gerður og Gurdjieff og svo Lífs-
hlaup Kjarvals og fleiri úrvalsverk í einkasafni Þorvaldar og Ingibjargar.
1½ bolli hveiti
½ bolli smjör
1 bolli sykur
2 egg
1 tsk. lyftiduft
1/8 tsk. salt
2 tsk. rifinn sítrónubörkur
½ til ¾ bolli mjólk
1½ bolli bláber, helst frosin
Yfir kökuna
4 msk. sítrónusafi
4 msk. sykur
Þeytið smjör og sykur
saman þar til það er orðið
létt og ljóst og bætið eggj-
unum við einu og einu í
einu og þeytið vel á milli.
Bætið hveiti, lyftidufti,
salti og rifnum sítrónu-
berki út í ásamt ½ bolla
af mjólk. Bætið aðeins
meiri mjólk í ef þetta
virðist vera of þykkt.
Blandið bláberjunum
varlega við með sleif.
Sett í formkökuform og
bakað við 185° C í 50 til
70 mínútur.
Um leið og kakan kemur
úr ofninum stingið þá í
hana með prjóni og hellið
sítrónu og sykurblöndunni
yfir.
LEIÐRÉTT UPPSKRIFT FRÁ ÞVÍ Á FÖSTUDAG
Sítrónuformkaka með bláberjum 10-12 SNEIÐAR
„Það er gömul hefð í Bandaríkj-
unum að grilla kalkún og lang-
flestir sem grilla hann á útigrilli
á Þakkargjörðarhátíðinni. Þessu
hafa Íslendingar verið að missa
af, en aðferðin er auðveld og
útkoman ljúffeng, enda kalkúnn
kjörinn grillmatur,“ segir Jón
Magnús Jónsson, kalkúnabóndi á
Reykjum, sá eini í lýðveldinu.
„Kalkúnn tekur mun skemmri
tíma í eldamennsku á grilli en
í ofni, því grillið lokar honum
betur og hitinn er þar meiri.
Það eina sem þarf að passa vel
upp á er að fylgjast með hvenær
hann er tilbúinn með kjötmæli,“
segir Jón Magnús og staðfestir
að hollara gerist kjötmeti ekki
en kalkúnn.
„Í kalkún eru engin aukaefni,
heldur er hann hrein og fersk
afurð. Grillaður verður hann allt
önnur upplifun, aðeins villtari
eftir að hafa eldast yfir opnum
eldi og ákaflega bragðgóður,“
segir Jón Magnús sem sjálfur er
duglegur að grilla kalkún og með
honum ferskt grænmeti af ýmsu
tagi.
„Það er sérstaklega gaman að
grilla kalkún ofan í matargesti og
smitar út frá sér, enda rignir yfir
okkur uppskriftum sem við reyn-
um að setja inn á vefinn okkar og
margir eru farnir að prófa. Því er
mikil grillvakning með kalkúninn
sem reyndar passar hvar sem er,
hvort sem það er í sumarbústaðn-
um, hvunndags eða í veislum.“
Heill kalkúnn er seldur frosinn,
en það má taka úr honum mesta
frostið við stofuhita yfir nótt og
láta hann svo þiðna áfram í kæli.
„Fimm kílóa kalkúnn keyptur
í dag er tilbúinn á grillið á morg-
un, en 10 kílóa fuglar þurfa lengri
tíma í þiðnun. Þá eru sumir farnir
að setja kalkún í pækil yfir nótt
en þá sýgur hann í sig vökva sem
styttir eldunartíma á hærri hita.
Kominn beint úr pokanum þarf
hann hins vegar eldun við lágan
hita á löngum tíma.“
Sjá fleiri freistandi uppskriftir
á www.kalkunn.is.
thordis@frettabladid.is
Herramanns grillmatur
Í tilefni þjóðhátíðardags Bandaríkjamanna á morgun er ekki úr vegi að benda á nýstárlegt hráefni á
grillið, en þar í landi er hefð fyrir að grilla heilan kalkún á útigrilli og engin furða; útkoman er gómsæt.
Jón Magnús Jónsson kalkúnabóndi með girnilegan, heilan kalkún á grillinu, en
útkoman býður upp á léttara meðlæti en við ofneldun á jólum. FRÉTTABLAÐIÐ/VALLI
1 stk. kalkúnn, 4-4,5 k
1 stór appelsína
búnt af steinselju
1 hvítlaukur
salt og pipar
krydd að eigin smekk
Hitið grillið að hálfu í 150°C. Ef
brennarar eru þrír er gott að slökkva
á miðbrennaranum en hafa hina á
hálfum hita.
Kryddið og smyrjið kalkúninn eftir
smekk. Skerið appelsínu í báta, saxið
steinselju og hvítlauk, og setjið í
fuglinn.
Setjið kalkúninn á heilan álbakka
(ekki grillbakka með rifum) og ekkert
yfir. Lokið grillinu svo ekki tapist hiti.
Gott er að snúa fuglinum tvisvar
um 180° meðan grillað er, svo hann
verði jafnt grillaður. Grilltími er um
klukkustund og 15 mínútur, eða þar
til kjarnhiti nær 70°C, alls ekki meira.
Grill eru misjöfn og því nauðsynlegt
að hafa kjöthitamæli.
Að grilltíma loknum er gott að pakka
fuglinum í álpappír og setja jafnvel
handklæði yfir til einangrunar og
láta svo standa í 20 mínútur, áður en
hann er borinn fram.
Berið fram með grilluðu grænmeti.
ÚTIGRILLAÐUR KALKÚNN MEÐ APPELSÍNU OG STEINSELJU
fyrir átta
Appelsína, steinselja og hvítlaukur gefa
kalkúnakjöti lostvekjandi bragð.
ÚTSALA
Opið frá kl. 11–18 í Smáralind
kínversk heilsurækt · kínversk heilsumeðferð · kínverskt dekur
S k e i f u n n i 3 j · S í m i 5 5 3 8 2 8 2 · w w w . h e i l s u d r e k i n n . i s
Auglýsingasími
Allt sem þú þarft…
Hringdu í síma
ef blaðið berst ekki