Fréttablaðið - 03.07.2010, Side 56

28 3. júlí 2010 LAUGARDAGUR
Undirbúningur á Stöðvarfirði
Listahátíðin Æringur verður opnuð í dag í Salthúsinu á Stöðvarfirði. Íslenskir og erlendir listamenn taka þátt í hátíðinni, til að mynda
frá galleríi Crymo í Reykjavík. Mikið fjör verður einnig á opnuninni þar sem dansarar, tónlistarmenn og Nýhil-skáld munu troða upp.
Þorgerður Ólafsdóttir og Una Björk Sigurðardóttir hafa staðið í ströngu við að skipuleggja hátíðina og meiningin er að hátíðin
verði árlegur viðburður, og verði haldin næst í Bolungarvík sumarið 2011. Listamennirnir sem koma fram á hátíðinni hafa dvalið í
nokkurn tíma á Stöðvarfirði við undirbúning og kynnst staðnum. Ókeypis er í tjaldsvæði í bænum um helgina og boðið upp á drykki
og snarl í hátíðargleði sem standa á fram eftir nóttu.
MYNDBROT ÚR DEGI | Fimmtudaginn 1. júlí | Myndir teknar á Canon EOS 1000D
1 Listamenn sem komnir eru alla leið frá Belgíu, Nicolas Kunysz og Gregory Mertz, undirbúa gjörning þar sem þeir spila á hljóðfæri úr fundnum hlutum – beinum, skeljum og fleiru til. 2 Pálmar sjómaður slægir steinbíta sem fara eiga í súpuna sem verður í boði á opnuninni. 3 Listamennirnir hafa dvalið á Stöðvarfirði í nokkra daga og kynnst umhverfinu. Hér eru þeir í göngutúr úti á Kambanesi við mynni Stöðvarfjarðar og verjast kríum í árásarham.
4 Aðstandendur listahátíðarinnar, Þorgerður Ólafsdóttir og Una Björk Sigurðardóttir, sýna á sér hina hliðina. 5 Listamennirnir sameinast í morgunjóga áður er farið er að vinna.6 Salthúsið, áður fiskvinnslustöðin á Stöðvarfirði, er nú sýning-arrými Ærings.
■ Á uppleið
Ungfrú 10. áratugur Föt í anda tíunda áratugarins.
Við erum að tala um 40 den sokkabuxur, flugfreyju-
hælaskó og töskur með
löngum ólum.
Pastellitir Mildir
tónar, sérstaklega
í bláu og grænu,
er fagnaðar-
erindi heim-
ilanna um
þessar mundir. Púðar, borðbún-
aður og gluggatjöld.
Majónes Það á enginn að
spara við sig majónesið á
tímum grillsteika. Enda
enginn á leið í ræktina fyrr
en í haust. Nægur tími
þangað til í sukk.
MÆLISTIKAN
■ Á niðurleið
Götuhátíðir Tala
þeirra sem þjást
á þessum dögum
og þora ekki út með
ruslið af ótta við að
þurfa að taka þátt í
gítarspili og götusöng er
mun hærri en þeirra sem
skemmta sér.
Kæruleysi Tími
útsjónarsemi og
nýtni þýðir um
leið að það er ekki
lengur svalt að
hirða illa um hlut-
ina sína og kveikja
í þúsundköllum.
Meira smart sem sagt að tína
krónurnar upp úr götunni.
Fjarstýringar
Felið fjar-
stýringuna
því eina
hreyfingin
sem margir
fá á HM-sumri
er einmitt að
hækka
og lækka
í tækinu.
Nýtið það.