Fréttablaðið - 17.07.2010, Blaðsíða 4

4 17. júlí 2010 LAUGARDAGUR
Umhverfis landið
AKRANES Tuttugu ökumenn voru stöðvaðir og sektaðir fyrir of
hraðan akstur á Vesturlandsvegi í vikunni. Sá sem hraðast ók mæld-
ist á 127 kílómetra hraða og fær sjötíu þúsund króna sekt fyrir vikið.
Um þessar mundir standa lögregluembættin á Vesturlandi í átaki
gegn hraðakstri. Í samtali við Skessuhorn sagði lögreglumaður þó
að umferðin væri skikkanlegri en áður og fólk væri farið að stunda
sparakstur frekar en hraðakstur.
GRÍMSEY Fyrsta hverfisráð Grímseyjar
var kosið á íbúafundi í eynni á þriðjudag,
en samþykkt um hverfisráð í Hrísey og
Grímsey var samþykkt af Akureyrarbæ í
apríl. Hverfisráðin eiga fyrst og fremst að
vera ráðgefandi um málefni eyjanna gagn-
vart bæjarstjórninni. Sigurður Bjarnason
var kjörinn formaður ráðsins en auk hans
sitja Ragnhildur Hjaltadóttir og Sigrún
Þorláksdóttir í ráðinu. Á fundinum var
einnig rætt um reynsluna af sameiningu
Grímseyjar og Akureyrar. Almenn ánægja
ríkir með hana meðal íbúa, að því er
kemur fram á vef Akureyrarbæjar.
Hverfisráð stofnað í Grímsey
BLÖNDUÓS Landhelgisgæslan ætlar að aðstoða
lögregluna á Blönduósi við umferðareftirlit á þjóðveg-
um og hálendi í umdæminu um helgina. Gæslan ætlar
að fylgjast með ökuhraða og aksturslagi ökumanna úr
lofti. Markmiðið er að efla öryggi og vernda náttúruna
fyrir utanvegarakstri. Þá verður einnig haldin björguna-
ræfing Landhelgisgæslunnar með björgunarsveitum
Landsbjargar á Blönduósi í dag. Húnavaka verður
einnig haldin hátíðleg í bænum um helgina og verður
fjölbreytt dagskrá í boði.
Landhelgisgæslan fylgist með
umferð
ESKIFJÖRÐUR Enn er mælst til þess að Esk-
firðingar sjóði neysluvatn sitt, eftir mengunarslys
hinn 4. júlí. Austurglugginn, fréttablað Austur-
lands, segir frá því að margir íbúanna séu ósáttir
við hversu lengi hafi verið beðið með að senda
út tilkynningu vegna málsins. Gerlar bárust í
neysluvatn bæjarins við slysið, því löndunarvatn
úr skipinu Hugni VE 55 blandaðist við neyslu-
vatnið. Helga Jónsdóttir, bæjarstjóri í Fjarða-
byggð, telur þó að rétt hafi verið brugðist við.
Fólk ósátt vegna
mengunarslyss
STOKKSEYRI Bryggjuhátíð fer
fram á Stokkseyri um helgina
og hófst hún á fimmtudag-
inn. Þá var ný fánastöng vígð
í Þuríðargarði í bænum við
hátíðlega athöfn. Einnig var nýr
fáni og merki Hrútavinafélagsins
Örvars kynnt fyrir viðstöddum,
en fánanum var fyrst flaggað á
gömlu bæjarstönginni en ekki
þeirri nýju. Hátíðin heldur áfram
alla helgina með ýmsum atburð-
um, meðal annars stórdansleik á
Draugabarnum í kvöld.
Nýr fáni kynntur á
Bryggjuhátíð
ÍSAFJÖRÐUR Bæjarráð Ísafjarðar vill að
mýrarboltamóti, sem haldið er um verslunar-
mannahelgina ár hvert, verði fundinn nýr staður
á næsta ári. Mýrarboltafélag Íslands hefur hald-
ið mótið undanfarin ár og hefur Ísafjarðarbær
veitt afnot af svæði í Tungudal til mótshaldsins.
Bæjarráð samþykkti á fundi sínum á fimmtu-
dag að veita leyfi fyrir því í ár, með því skilyrði
að gengið verði sómasamlega um svæðið og
gengið verði frá því að móti loknu. Einnig var
lögð mikil áhersla á að mótinu yrði fundinn nýr
staður á næsta ári.
Vilja nýjan stað fyrir
mýrarboltann
Tuttugu fóru of hratt um Vesturlandsveg
IÐNAÐUR Landsnet mun flytja raf-
orku til álversins í Straumsvík,
en áætlað er að hækka straum-
inn í álverinu og auka þannig
afkastagetuna um 40 þúsund
tonn.
Í tilkynningu frá Landsneti
segir að fyrirtækið muni sam-
kvæmt samningi ráðast í fjárfest-
ingar í flutningskerfinu, en þær
helstu eru bygging 220 kílóvatta
Búðarhálslínu og nauðsynlegra
tengivirkja til að tengja virkjun-
ina við flutningskerfið. Landsnet
hefur lokið við mat á umhverf-
isáhrifum þeirra framkvæmda
sem ráðast þarf í. Samningurinn
var undirritaður á fimmtudag,
með fyrirvara um samþykki for-
stjóra beggja fyrirtækja. - kóp
Samið um flutning raforku:
Landsnet flytur
raforku til ISAL
STRAUMSVÍK Landsnet mun flytja orku
til álvers ISAL en afkastagetan þar verður
aukin um 40 þúsund tonn.
FRÉTTABLAÐIÐ/GVA
Ekki lokað í ráðuneytinu
Ranglega var sagt frá því í Fréttablað-
inu í gær að félagsmálaráðuneytinu
hefði verið lokað vegna veðurs. Hið
rétta er að starfsfólk ráðuneytisins
fékk frí, utan einn starfsmaður sem
svaraði símtölum og fyrirspurnum.
LEIÐRÉTTING
AKRANES Steinunn Valdís Óskars-
dóttir, sem sagði nýlega af sér
þingmennsku fyrir Samfylking-
una og var áður borgarstjóri í
Reykjavík, er meðal umsækj-
enda um starf bæjarstjóra á
Akranesi.
Þrjátíu og sjö umsóknir bárust,
sex þeirra frá konum. Umsókn-
arfrestur rann út á sunnudag. Á
heimasíðu Akranesbæjar segir
að gengið verði frá ráðningu í
byrjun ágúst en Capacent hefur
umsjón með ráðningarferlinu
fyrir hönd bæjarins. - pg
37 sóttu um bæjarstjórastarf:
Steinunn Valdís
vill á Skagann
VEÐURSPÁ
Alicante
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
30°
32°
31°
24°
24°
23°
25°
25°
23°
21°
32°
35°
35°
22°
24°
19°
25°Á MORGUN
Hægur eða fremur hæg-
ur vindur.
MÁNUDAGUR
Hæg breytileg átt víð-
ast hvar á landinu. 16
18
15
13
13
19
15
20
12
12
17
13
18
15
10
8
1111
13
13
9
5
5
7 5
5
5
10
3 3
6
5
12
VEÐURBLÍÐA
Veðrið leikur við
landsmenn á sunn-
an- og vestanverðu
landinu næstu
daga en norðan-
og austanlands
verður hitastig
lægra og sólskin
minna. Þó kort-
in sýni bjartviðri
sunnan- og vest-
antil má búast við
síðdegisskúrum.
Ingibjörg
Karlsdóttir
veður-
fréttamaður
STJÓRNMÁL Breski Evrópuþingmað-
urinn Daniel Hannan segir Íslend-
inga hafa lítið að sækja í Evrópu-
sambandið. Hann telur jafnframt
óráð að ljúka ekki aðildarviðræð-
unum sem hafnar eru. Hannan er
staddur hér á landi og hélt erindi í
gær á vegum Heimdallar.
Hannan þykir lýðræði ábótavant
í sambandinu og hefur áhyggjur
af því að sjávarútvegsstefna ESB
henti ekki Íslendingum. „Ég á von
á því að á einhverjum tímapunkti
í samningsferlinu verði tilkynnt
með mikilli viðhöfn að náðst hafi
góð niðurstaða um sjávarútvegs-
mál. Líklega
verður viðauka
bætt við samn-
inginn þar sem
segir að Íslend-
ingar haldi yfir-
ráðum yfir haf-
svæði sínu. Það
mun hljóma eins
og vandinn hafi
verið leystur en
reynsla annarra
ríkja er sú að jafnvel slík yfirlýs-
ing er lítils virði. Þegar spænskur
sjómaður kærir hana til Evrópu-
dómstólsins á grundvelli þess að
hún brjóti í bága við sameiginlegu
fiskveiðistefnuna mun Evrópudóm-
stóllinn dæma sjómanninum í vil,“
sagði Hannan enn fremur en hann
telur einu raunhæfu lausnina fyrir
Ísland vera að fiskveiðistefnunni
verði einfaldlega breytt.
Hannan telur óráð að draga
aðildarumsóknina til baka eins
og rætt hefur verið um. „Ég styð
alltaf þjóðaratkvæðagreiðslur og
mér sýnist að það séu gild rök til
staðar á þá leið að verði ekki feng-
inn botn í málið þá muni það hafa
slæm áhrif á viðskiptalífið, fjár-
festa og aðra.“ - mþl
Breski Evrópuþingmaðurinn Daniel Hannan staddur hér á landi:
Óráð að ljúka ekki aðildarviðræðum
DANIEL HANNAN
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hendrik Sigurðsson hendrik@frettabladid.is, Guðmundur Steinsson gudmundurs@365.is, Laila Awad laila@365.is, Örn Geirsson orn.geirsson@365.is, Hjördís Zoëga hjordis@frettabladid.is
ALLT SÍMI 512-5402: Jóna María Hafsteinsdóttir jmh@365.is, Henný Árnadóttir henny@365.is, Þórdís Hermannsdóttir thordish@365.is SÉRBLÖÐ SÍMI 512-5016: Sigríður Sigurbjörnsdóttir sigridurdagny@365.is, Hlynur Þór Steingrímsson hlynurs@365.is, Bjarni Þór Sigurðsson bthor@365.is, Benedikt Freyr Jónsson benediktj@365.is
RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Sigrún Helga Guðmundsdóttir sigrunh@365.is, Arna Rut Kristinsdóttir arnarut@365.is
GENGIÐ 16.07.2010
GJALDMIÐLAR KAUP SALA
HEIMILD: Seðlabanki Íslands
213,1078
GENGISVÍSITALA KRÓNUNNAR
121,888 122,46
187,51 188,43
158,1 158,98
21,215 21,339
19,679 19,795
16,705 16,803
1,3968 1,405
184,42 185,52
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR