Fréttablaðið - 17.07.2010, Blaðsíða 22

22 17. júlí 2010 LAUGARDAGUR
1. AKRANES
Safnasvæðið að Görðum
Munir og minjar úr sögu
Akraness, bátar, verbúð og
fleira. Á útisvæðinu og eini
kútterinn sem varðveittur er
á Íslandi.
2. BORGARFJÖRÐUR
Búvélasafnið, Hvanneyri
Safn fullt af athyglisverðum
munum sem ungum jafnt
sem öldnum finnst gaman að
skoða úr sögu tæknivæðing-
ar í landbúnaði á Íslandi. Má
þar nefna tvær elstu dráttar-
vélar landsins og Ólafsdals-
plóginn fræga.
3. STYKKISHÓLMUR
Eldfjallasafnið
Safnið var opnað í fyrra og
hefur slegið í gegn. Nú í ár
var sett upp sérstök sýning
varðandi gosin í Eyjafjalla-
jökli. Á sýningunni er að
finna listaverk sem sýna eld-
gos sem og muni úr einstöku
safni Haraldar Sigurðsson-
ar prófessors sem stundað
hefur eldfjallarannsóknir í
meira en fjörutíu ár.
4. DALABYGGÐ
Eiríksstaðir, Haukadal
Leiðsögufólk klætt að sið árs-
ins 1000 fylgir gestum um
söguslóðir og segir sögur við
langeld. Samkvæmt Eiríks-
sögu bjó Eiríkur rauði, faðir
Leifs heppna, á staðnum þar
til að hann fluttist til Græn-
lands. Leifur var þá fimm til
sex ára. Uppgröftur hefur
sýnt að skáli stóð að Eiríks-
stöðum á 10. öld. Tilgátuhús
var reist þar sem stuðst var
við rústirnar.
5. ÖRLYGSHÖFN
Minjasafn Egils Ólafssonar
að Hnjóti
Stórmerkilegt safn gamalla
muna frá Vestfjörðum. Má
þar nefna hatt Gísla frá Upp-
sölum, skipsflak sem fannst
á sjávarbotni í Hafnarvaðli
og er frá 1694 og ýmsar ein-
stakar flugvélar og muni úr
flugsögu Íslands.
6. FLATEYRI
Alþjóðlegt dúkkusafn og
gamla bókabúðin
Á Alþjóðlegu dúkku -
safni má finna yfir
100 dúkkur víðs vegar
að úr heiminum. Í
leiðinni er verðugt
að heimsækja gömlu bóka-
búðina í næsta húsi sem er
sýning út af fyrir sig.
7. BOLUNGARVÍK
Ósvör
Endurgerð verbúð rétt fyrir
utan Bolungarvík sem sýnir
hvernig fiskimenn lifðu frá
9. öld og allt fram á 20. öld.
Ferð margar aldir aftur í
tímann í fylgd safn-
varðar sem klæðist
gjarnan sjófötum
árabátatímans.
8. HÓLMAVÍK
Galdrasafnið
Galdrasafnið á Hólmavík á
10 ára afmæli í ár.
Sýningin fjall-
ar um íslensk
galdramál og
fólkið sem kom
þar við sögu.
Gestir fá upp-
lýsingar um
hvernig skal
vekja upp
drauga sem
og kveða þá
niður.
9. SKAGAFJÖRÐ-
UR
Glaumbær, Byggðasafn
Skagafjarðar
Öll helstu hversdagsáhöld
sem Skagfirðingar notuðu
fyrr á öldum má sjá í
Glaumbæ.
Torf-
bærinn
sjálf-
ur er
sam-
stæða
þrettán
húsa og við Glaumbæ eru svo
tvö 19. aldar timburhús.
10. HOFSÓS
Vesturfarasetrið
Sýning sem gefur innsýn
inn í líf þúsunda Íslendinga
sem fluttust til „nýja heims-
ins“. Má þar meðal annars
nefna nærri 400 ljósmynd-
ir af íslenskum landnemum.
Mögnuð saga í máli og mynd-
um.
11. AKUREYRI
Davíðshús
Heimili og bókasafn Dav-
íðs Stefánssonar, skálds frá
Fagraskógi, stendur til sýnis
við Bjarkarstíg að Akureyri,
alveg eins og Davíð skildi
við það þegar hann lést árið
1964. Bókasafnið er ein-
stakt.
12. EYJAFJARÐAR-
SVEIT, SÓLGARÐUR
Smámunasafnið
Í áratugi hefur Sverrir
Hermannsson húsasmíða-
meistari safnað alls kyns
munum í þúsunda tali, allt
frá bókamerkjum til
heilu einkasafnanna
af smíðaverkfærum.
13. ÞINGEYJARSVEIT
Samgönguminjasafnið,
Ystafelli
Allsherjar ævintýri fyrir
alla sem haldnir eru farar-
tækjadellu. Við bæinn er að
finna öll helstu farartæki 20.
aldarinnar, snjóbíl, dráttar-
vélar, vörubíla, glæsivagna
og jafnvel skriðdreka!
14. BORGARFJÖRÐUR
EYSTRI
Kjarvalsstofa
Sögusýning um Kjarval en
sveitin er æskuslóðir málar-
ans. Skemmtilegt leiksvæði
er fyrir börn á staðnum sem
geta meðal annars spreytt
sig þar á málaralistinni.
15. STÖÐVARFJÖRÐUR
Steinasafn Petru
Steinasafn Petru er af
mörgum talið vera eitt
stærsta steinasafn í
einkaeigu í heimin-
um.
16. HALI, SUÐUR-
SVEIT
Þórbergssetur
Einstakt safn helgað Þór-
bergi Þórðarsyni rithöfundi.
Ljósmyndasýning úr Suður-
sveit, munir tengdir Þór-
bergi á sýningarstöndum og
gestir geta gengið inn í leik-
mynd sem fangar andblæ lið-
inna alda. Húsið sjálft, sem
teiknað er af Sveini Ívars-
syni, er eitt og sér nægt til-
efni til að staldra við í Suður-
sveit.
17. SKÓGAR
Byggðasafnið
Fjölbreytt og stórt safn með
veglegu útisýningarsvæði.
Margar merkilegar bygg-
ingar tilheyra byggðasafn-
inu, torfbær, rafstöð, skóla-
bygging, kirkja, fjósbaðstofa,
og innandyra getur svo að
líta metnaðarfullar sýning-
ar um landbúnað og sjósókn,
að ógleymdu náttúrugripa-
safninu.
18. ÞJÓRSÁRDALUR
Þjóðveldisbærinn
Vel geymt leyndarmál til
að uppgötva í sumarfríinu.
Þjóðveldisbærinn í Þjórsár-
dal er tilgátuhús en fyrir-
myndin er fyrrum höfuðbýl-
ið að Stöng í Þjórsárdal sem
talið er að hafi farið í eyði í
Heklugosi 1104. Reynt var að
byggja eins nákvæmlega og
hægt var á leifum bæjarrúst-
anna í Stöng.
Ferðast og fræðst í leiðinni
Á Íslandi er að finna yfir eitt hundrað söfn af öllum toga. Þannig geta ferðalangar skoðað safn af beltissylgjum og blýöntum,
skriðdreka, fræðst um eldfjöll, íslensk skáld og landnámsmenn, svo fátt eitt sé nefnt. Fréttablaðið leit við á nokkrum söfnum.
Yfir háannaferðatímann í
sumar birtir helgarblað Frétta-
blaðsins Íslandskort með
upplýsingum fyrir ferðalanga.
Um síðustu helgi var það
vegvísir að heitum laugum
víðs vegar um land og í dag
leiðarvísir að áhugaverðum
söfnum. Á næstu vikum má
svo búast við svipuðum vísum
að ýmsum perlum sem vert er
að muna eftir á ferðalaginu.
Safnaðu síðunum!
■ Hægt er að skoða dýrgripi úr steinaríki Íslands á
Safnasvæðinu að Görðum.
■ Fyrstu tölvuna sem kom í Vestur-Barðastrandar-
sýslu er að finna á minjasafni Egils Ólafssonar að
Hnjóti.
■ Á Bókabúðinni á Flateyri má kaupa notaðar bækur
á 1.000 krónur kílóið, gömul Tarzanblöð og gotterí
í kramarhúsum.
■ Annar helmingur safnsins í Ósvör í Bolungarvík er
undir berum himni og hinn helmingurinn inni í
uppgerðum torfhúsum.
■ Á Galdrasafninu í Hólmavík geta gestir fengið
leiðbeiningar um hvernig má reyna að gera sig
ósýnilegan.
■ Í Byggðasafni Skagafjarðar, Glaumbæ, er boðið
upp á ljúffengar þjóðlegar veitingar, pönnukökur,
flatkökur og fleira til.
■ Bókasafn Davíðs Stefánssonar skálds í Davíðshúsi
er talið meðal þeirra fremstu hérlendis sem inni-
halda þjóðlegan fróðleik.
■ Munum á Smámunasafninu í Eyjafirði er hagan-
lega komið fyrir í sýningarkössum sem Sverrir,
stofnandi safnsins, smíðaði.
■ Ein nýjasta viðbótin á Samgönguminjasafninu er
forsetabíll Vigdísar Finnbogadóttur og bíll sem
Emilíana Torrini gaf safninu og var í eigu afa
hennar.
■ Petra á Stöðvarfirði, eða Ljósbjörg Petra María
Sveinsdóttir, hefur safnað steinum í meira en
sextíu ár.
Nokkrir fróðleiksmolar fyrir tilvonandi safngesti
1
2
3
4
5
6
7
8
9 11
12
10
13
14
15
16
17
18