Fréttablaðið - 17.07.2010, Blaðsíða 20
20 17. júlí 2010 LAUGARDAGUR
L
andeyjahöfn verður
tekin í notkun þriðju-
daginn 20. júlí. Herj-
ólfur mun leggja þar
að bryggju í fyrsta sinn
kl. 16.30 eftir siglingu
frá Vestmannaeyjum en sama dag
fer hann sína hinstu ferð til Þor-
lákshafnar.
Reglulegar ferjusiglingar frá
Reykjavík til Vestmannaeyja hóf-
ust árið árið 1959 á vegum Skipa-
útgerðar ríkisins. Fram til þess
höfðu Vestmannaeyingar þurft að
reiða sig á stopular siglingar frá
Stokkseyri.
Nýja ferjan fékk nafnið Herj-
ólfur og kom ný hingað til lands í
desember þetta ár. Siglingartíminn
milli Eyja og Reykjavíkur var um
tíu til tólf klukkustundir, eftir því
hvernig viðraði. Ferjan sigldi auk
þess hálfsmánaðarlega til Horna-
fjarðar og á sumrin hin síðari ár til
Þorlákshafnar einu sinni í viku.
Höfnin í Þorlákshöfn var aftur
á móti ófullkomin og ekki hægt að
leggja þar að þegar illa veðraði.
Á sjöunda áratugnum var höfnin
hins vegar tekin til gagngerra end-
urbóta og varð þá örugg til aðsigl-
ingar í flestum veðrum. Opnaðist
þá möguleiki á daglegum sigling-
um milli Vestmannaeyja og Þor-
lákshafnar.
Árið 1974 var hlutafélagið Herj-
ólfur stofnað í Vestmannaeyjum, í
þeim tilgangi að smíða og rekja far-
þega og bílaferju sem sigldi milli
Vestmannaeyja og Þorlákshafnar,
helst daglega. Í júnímánuði 1976
kom nýja ferjan til Eyja og hlaut
líka nafnið Herjólfur.
Nýi Herjólfur gat flutt um 350 far-
þega í hverri ferð yfir sumarmánuð-
ina og tæplega 40 fólksbíla á tveim
bílaþilförum. Siglingahraðinn um
12,5 sjómílur á klst. Tók því tæplega
þrjá og hálfan tíma að sigla til Þor-
lákshafnar. Þaðan var um klukku-
stundarakstur til Reykjavíkur. Hafði
því ferðatíminn frá Vestmannaeyjum
til Reykjavíkur styst úr tíu klukku-
stundum niður í fjóra og hálfan.
Þessi Herjólfur ferjaði farþega
milli lands og Eyja í tæp 16 ár. Á því
tímabili flutti hann um það bil 800
þúsund farþega og um 150 þúsund
farartæki. Í júnímánuði 1992 leysti
nýr Herjólfur þann gamla af hólmi
og er hann enn í notkun. Skipið getur
flutt allt að 500 farþega í ferð og um
65 fólksbíla og var þremur stundar-
fjórðungum fljótari en fyrirrennari
hans.
Árið 2000 keypti ríkissjóður hluta-
félagið Herjólf og var Vegagerðinni
falið að bjóða út siglingar ferjunn-
ar. Átta árum síðar féllst Alþingi á
að útbúa nýja höfn í Landeyjum við
Rangárvelli og leggur Herjólfur þar
að bryggju í fyrsta sinn þriðjudag-
inn 20. júlí.
Siglingin á milli hafna tekur um
hálfa klukkustund en gera má ráð
fyrir um 45 mínútna ferðalagi á milli
bryggja. Um eins og hálfs tíma akst-
ur er frá Landeyjahöfn til Reykja-
víkur. Á rúmlega hálfri öld hefur því
ferðalagið milli Eyja og Reykjavíkur
styst úr allt að hálfum sólarhring í
um tvo og hálfan tíma.
1959 til 1976
Vestmannaeyjar – Reykjavík
1976 til 2010
Vestmannaeyjar – Þorlákshöfn
2010 -
Vestmannaeyjar – Landeyjahöfn
Heimaey
Reykjavík
10-12
klst.
3½
klst.
40
mín.
Hveragerði
Selfoss
Hvolsvöllur
2¾
klst.
40
mín.
51 km
134 km
1½
klst.
1976-
1992
1992-
2010
Þorlákshöfn
Landeyjahöfn
Ferðatími frá Heimaey
til Reykjavíkur
1959-1976: 10-12 klst.
1976-1992: 4½ klst
1992-2010: 3½ klst
2010-: 2¼ klst.
Siglingarleiðir Herjólfs 1959-2010
Herjólfur siglir í nýja höfn
Vatnaskil verða í sögu ferjusiglinga til Vestmannaeyja þegar Landeyjahöfn verður tekin í notkun á þriðjudag. Reglulegar ferju-
siglingar milli Eyja og Reykjavíkur hófust fyrir hálfri öld. Þrír Herjólfar hafa ferjað farþega milli lands og Eyja síðan þá. Upphaf-
lega tók ferðin frá Vestmannaeyjum til höfuðborgarinnar tíu til tólf klukkustundir en verður nú rúmar tvær klukkustundir.
HERJÓLFUR III DV segir frá þegar þriðja Herjólfsferjan var
tekin í notkun 1992. Hún er enn að. Siglingartíminn milli
Eyja og Þorlákshafnar styttist um þrjá stundarfjórðunga
með nýja skipinu.
„Ég held það megi orða
það þannig að þetta kemur
til með að hafa áhrif á allt
okkar daglega líf,“ segir
Elliði Vignisson, bæjarstjóri
í Vestmannaeyjum um
tilkomu Landeyjahafnar.
Íbúar í Vestmannaeyjum
eru 4.200 talsins. Þetta er
næststærsti þéttbýliskjarni
landsins utan höfuðborg-
arsvæðisins. „Samgöngur hafa tafið
fyrir allri framþróun á síðustu árum.“
segir Elliði. Ferðum Herjólfs fjölgar
líka mikið og sveigjanleiki til komu
og brottfarar eykst mjög. „Hagkerfi
okkar sem hefur verið einangrað og
lokað stækkar verulega. Ég held að
það megi færa rök fyrir því að allt frá
Selfossi til Víkur í Mýrdal verði eitt
atvinnusvæði, það verður hægt að
sækja vinnu þaðan til Eyja
og öfugt.“
Elliði segir ferðaþjónustu
eitt skýrasta dæmið um
þær væntingar sem heima-
menn gera til nýrrar hafnar.
„Á undanförnum mánuð-
um hafa verið opnuð hér
fimm eða sex ný veitinga-
og kaffihús, sem sýnir að
fólk er að veðja á aukinn
straum ferðamanna. Ferðaþjónust-
an er hins vegar aðeins ein af þeim
atvinnugreinum sem fær ný sóknar-
færi. Vestmannaeyjar eru til dæmis
stór matvælaframleiðandi með 13
til 15 prósent af aflaheimildum;
fyrirtæki á borð við Grím kokk eiga
auðveldara með að koma afurðum
á markað auk þess sem aðgengi að
aðföngum stóreykst.“
HEFUR ÁHRIF Á ALLT DAGLEGT LÍF
LANDEYJAHÖFN TIlkoma Landeyjahafnar boðar samgöngubyltingu fyrir Vestmannaeyinga og þá sem vilja heimsækja Eyjarnar.
Herjólfur getur með góðu móti siglt fjórar til fimm ferðir á dag. MYND/ÓSKAR P. FRIÐRIKSSON
HERJÓLFUR I Fyrsta Herjólfsferjan hóf að sigfla milli Eyja og
Reykjavíkur árið 1959 á vegum Skipaútgerðar ríkisins. Þessi frétt
birtist í Þjóðviljanum það ár.
ELLIÐI VIGNISSON
HERJÓLFUR II Vísir segir frá því þegar önnur Herjólfsferjan byrjar að sigla til Þorláks-
hafnar.