Fréttablaðið - 10.09.2010, Page 2

2 10. september 2010 FÖSTUDAGUR
REYKJAVÍK Jón Gnarr borgarstjóri
segir ummæli sín um klámnotkun
við frönsku fréttastofuna AFP
hafa verið tekin úr samhengi.
Spurður af
AFP um net-
notkun svar-
aði borgar-
stjórinn því til
að hann notaði
netið mest til
að skoða klám.
Haft var eftir
honum á Vísi að
hann hafi strax
tekið fram við
franska fréttamanninn að ummæl-
in um klámið væru grín. Hið rétta
væri að hann notaði netið aðallega
til að fara á Facebook og „gúggla“.
Þetta kom þó ekki fram í viðtalinu
í AFP.
Þá sagði Jón aðspurður að klám
og klámnotkun væri sorgleg.
„Þetta er kærleikslaus heimur og
óaðlaðandi. Þetta er kynlíf án kær-
leika sem er bara dýrslegt og ógeð-
fellt,“ hefur Vísir eftir borgarstjór-
anum.
Ummæli Jóns vöktu hörð við-
brögð, sérstaklega meðal fulltrúa
minnihlutans í borgarstjórn
Reykjavíkur. Málið var rætt í
borgarráði í gær. - gar
SPURNING DAGSINS
Finnur, er allt gull sem glóir?
„Nei, oft leynist nú flagð undir fögru
skinni.“
Finnur Guðni Þórðarson, gullsmiður
á Akranesi, hefur vakið athygli fyrir
skartgripi sem hann vinnur sumpart úr
gömlu gulli.
JÓN GNARR
KÚBA, AP „Kúbukerfið virkar ekki einu sinni fyrir
okkur lengur,“ sagði Fidel Castro, fyrrverandi
Kúbuleiðtogi, í samtali við bandaríska blaðamann-
inn Jeffrey Goldberg.
Goldberg skýrir frá þessu á bloggsíðu sinni hjá
tímaritinu The Atlantic. Hann segir Castro hafa
svarað þessu til þegar hann var spurður hvort
efnahagskerfið á Kúbu gæti enn verið nothæft í
öðrum ríkjum.
Svar Castros kom nokkuð á óvart, því hann
hefur forðast að ræða innanríkismál síðan hann
vék úr embætti af heilsufarsástæðum fyrir fjór-
um árum. Bróðir hans, Raul, sem tók við stjórn-
artaumunum, hefur hins vegar ítrekað sagt þetta
sama.
Meira en 90 prósent fyrirtækja á Kúbu eru enn
í ríkiseigu. Ríkið borgar starfsfólkinu um það bil
2.400 krónur í mánaðarlaun, en útvegar fólki í
staðinn ókeypis heilsugæslu og menntun og nærri
ókeypis samgöngur og húsnæði. Matur er að hluta
niðurgreiddur af ríkinu.
Kúbustjórn segir efnahagserfiðleika landsins
að miklu leyti viðskiptabanni Bandaríkjanna að
kenna, sem hefur verið í gildi í 48 ár. - gb
Fidel Castro segir efnahagskerfi kommúnismans á Kúbu ekki henta öðrum:
Virkar ekki einu sinni á Kúbu
FIDEL CASTRO Kominn í gamla græna búninginn þegar hann
ávarpaði háskólanema fyrir viku. NORDICPHOTOS/AFP
Jón Gnarr notar netið í gúggl:
Klám er kynlíf
án kærleika
LÖGREGLUMÁL Tæplega níu hundr-
uð þúsund krónum í peningum var
stolið í síðustu viku úr Samkaup-
um í Búðardal.
Engar upplýsingar hafa fengist
frá lögreglu um þjófnaðinn. Sam-
kvæmt upplýsingum Fréttablaðs-
ins hurfu peningarnir úr Sam-
kaupum á tímabilinu frá því eftir
lokun seint á sunnudagskvöld þar
til verslunin var opnuð að morgni
mánudags. Sérstakt er við málið
að ekki virðist hafa verið brotist
inn heldur hafi þjófurinn einfald-
lega hleypt sér inn með lykli.
Mikill þagnarhjúpur umlyk-
ur málavexti enn sem komið er.
Rannsóknardeild lögreglunnar á
Akranesi fer með rannsókn máls-
ins en ekki fékkst viðtal við liðs-
menn deildarinnar í gærkvöldi.
Almennir lögreglumenn sem rætt
var við sögðust ekkert geta sagt
um framgang rannsóknarinnar.
Starfsmaður Samkaupa í Búðar-
dal sagðist sömuleiðis ekkert hafa
um málið að segja og vísaði á aðal-
skrifstofu fyrirtækisins í Reykja-
nesbæ.
„Það er svo margt einkennilegt
við þetta. Þess vegna viljum við
að lögreglan fái frið til að vinna
í málinu,“ segir Ómar Valdimars-
son, framkvæmdastjóri Sam-
kaupa, sem aðspurður játar að um
algerlega einstakt mál sé að ræða
í sögu Samkaupa.
Þar sem svo virðist sem þjóf-
urinn hafi einfaldlega haft lykil
að versluninni beinist grunur
að þeim sem þar hafa lyklavöld.
Málið er því sérstaklega við-
kvæmt í svo litlum bæ eins og
Búðardalur er. „Allt svona er leið-
inlegt í fámenni,“ segir Ómar en
bendir um leið á að ekki sé vitað
hver þjófurinn sé. „Samgöngur
eru góðar og það er mikið af fólki
á ferðinni á þjóðvegum þannig að
það er ekkert hægt að fullyrða í
þessu.“
Ómar segir að peningarnir sem
stolið var hafi verið sala helgar-
innar. Féð hafi verið geymt í læstu
peningahólfi. „Þar sem aðstaða er
til, eins og á höfuðborgarsvæð-
inu og á Akureyri, er náttúrulega
verið að nota öryggisþjónustu til
peningaflutninga. Á minni stöð-
um úti á landi er ekki boðið upp
á slíkt,“ segir Ómar sem vill ekki
svara því hvort peningaþjófurinn
hafi sést í eftirlitsmyndavélunum
sem eru á staðnum.
„Lögreglan er að rannsaka málið
og það er best að segja sem minnst
á meðan,“ ítrekar hann og útskýrir
að ekki sé ástæða til að fjalla um
málið í fjölmiðlum á meðan ekki sé
vitað hvað gerðist. „Það er spurn-
ing hverju það skilar til bæjarbúa
á meðan við vitum ekki meira.
Þetta er bara ákveðin varkárni hjá
okkur.“ gar@frettabladid.is
Tæp milljón hvarf að
næturlagi í Búðardal
Þjófur sem virðist hafa haft lykil að Samkaupum í Búðardal stal þaðan tæplega
níu hundruð þúsund krónum að næturlagi í síðustu viku. Bæði lögregla og
Samkaup verjast allra frétta af málinu sem er sagt viðkvæmt fyrir bæjarbúa.
BÚÐARDALUR Samkaup reka verslun og söluskála í þjóðbraut í Búðardal. Eftir lokun
á sunnudagskvöld í síðusti viku hurfu tæplega níu hundruð þúsund krónur úr versl-
uninni. FRÉTTABLAÐIÐ/ÓLI KRISTJÁN
FJÁRMÁL „Það þarf að hætta að
slátra köttum en fara á fullt í
að veiða mýs,“ segir Vilhjálm-
ur Egilsson, framkvæmdastjóri
Samtaka atvinnulífsins, og varar
við afleiðingum þess að fyrrver-
andi ráðherrar verði ákærðir
fyrir vanrækslu í starfi í aðdrag-
anda bankahrunsins.
Vilhjámur segir í pistli á
heimasíðu SA að ekki sé útilokað
að annað hrun verði í fjármála-
kerfinu ef allt fari á versta veg
fyrir fjármálafyrirtækin vegna
ólögmætis gengisbundinna lána.
„Þriðja hrunið er ennfrem-
ur raunhæfur möguleiki en það
gæti gert sjálft ríkið gjaldþrota,“
skrifar Vilhjálmur og bendir á að
senn ákveði Alþingi hvort sækja
eigi nokkra fyrrverandi ráðherra
til saka fyrir vanrækslu. „Vand-
séð er hvernig hægt er að sakfella
þetta fólk fyrir vanrækslu án
þess að ríkið sjálft verði þá bóta-
skylt vegna afleiðinga meintra
misgjörða þeirra.“
Vilhjálmur segir að vera megi
„að einhver mikil réttlætisþörf
búi að baki áformum um að hafa
æru af“ viðkomandi ráðherrum.
„En spurningin er hvort þjóð-
in hafi efni á slíku réttlæti? Er
það ekki hún sjálf sem hlýtur þá
mestu refsinguna með hugsan-
legu gjaldþroti ríkisins?“ skrif-
ar Viljálmur og kveður nær að
líta til þjóða sem farið hafi leið
sátta og samstöðu til að gera upp
erfið mál.
„Alþingismenn þurfa að sjást
fyrir í störfum sínum. Það er
ekki ráðlegt að svala pólitískum
hefndarþorsta sínum með því að
setja framtíð ríkisins í óvissu.
Því menningarbyltingarkennda
ástandi sem ríkt hefur þarf að
linna.“ - gar
Framkvæmdastjóri Samtaka atvinnulífsins telur ákærur á ráðherra kunna að leiða til gjaldþrots ríkisins:
Þriðja hrunið er í nánd segir Vilhjálmur
VILHJÁLMUR EGILSSON Ekki hægt að
sakfella ráðherra fyrir bankahrunið án
þess að ríkið verði bótaskylt segir fram-
kvæmdastjóri Samtaka atvinnulífsins.
FRÉTTABLAÐIÐ/RÓSA
BANDARÍKIN, AP Veðurfyrirbrigðið
La Nina er í vexti þessa dagana,
sem eykur líkurnar á því að felli-
bylir í Karíbahafi og vestanverðu
Atlantshafi verði öflugri þetta
árið en annars hefði orðið.
La Nina einkennist af því að
hlýr sjór í austanverðu Kyrrahaf-
inu kólnar nokkuð. Búast má við
því að þetta ástand vari eitthvað
fram á næsta ár.
Fellibyljatíminn á Atlantshafi er
í hámarki þessar vikurnar. - gb
La Nina vaknar til lífs:
Búist við öflug-
um fellibyljum
SÍGAUNAR Frakklandsforseti hefur sagt
búðir rómafólks í landinu gróðrastíu
glæpa. NORDICPHOTOS/AFP
FRAKKLAND, AP Evrópuþingið sam-
þykkti í gær, með 337 atkvæðum
gegn 245, harðorða ályktun þar
sem þess er krafist að frönsk
stjórnvöld hætti þegar í stað að
vísa rómafólki, eða sígaunum, úr
landi.
Eric Besson, innflytjenda-
ráðherra frönsku stjórnarinn-
ar, sagði ekkert hæft í því að
aðgerðum sé sérstaklega beint
gegn rómafólki. Einungis sé um
almennar aðgerðir að ræða gegn
ólöglegum innflytjendum.
Sjaldgæft er að Evrópuþingið
gagnrýni aðildarríki Evrópusam-
bandsins með jafn ótvíræðum
hætti. - gb
Evrópuþing ósátt við Frakka:
Sagt að hætta
brottrekstri
FJARSKIPTI Sveitarstjórn Rangár-
þings eystra hefur ákveðið að láta
kanna möguleika á ljósleiðaravæð-
ingu í dreifbýli. „Hröð framþróun í
upplýsingatækni og sjónvarpsmiðl-
un, möguleikar vegna fjarvinnslu
og tilkoma nýrrar tækni, svo sem
tölvuskýja, gerir það að verkum að
núverandi örbylgjusamband eða
ADSL fullnægja ekki þörfum fólks
í nútíð, hvað þá í framtíð. Nauðsyn-
legt er að byggðirnar fylgi þessari
þróun ef þær eiga að vera aðlað-
andi valkostur til búsetu,“ segir í
samþykkt sveitarstjórnarinnar.
- gar
Rangæingar vilja ljósleiðara:
Segja ADSL
ófullnægjandi