Fréttablaðið - 10.09.2010, Blaðsíða 28

2 föstudagur 10. september
núna
✽ Ísland í útlöndum
þetta
HELST
augnablikið
Útgáfufélag 365 miðlar ehf. Forsíðumynd Stefán Karlsson
Útlitshönnun Kristín Agnarsdóttir Auglýsingar Sigríður Dagný Sigurbjörnsdóttir
sigridurdagny@365.is sími 512 5462 Föstudagur Skaftahlíð 24, 105 Reykjavík, sími 512 5000
HJALTI JÓN SVERRISSON TÓNLISTARMAÐUR
OG GUÐFRÆÐINEMI
Föstudagurinn fer í rólegheit, enda verð ég enn að jafna mig eftir hlátrasköllin á uppi-
standi vinar míns, Pálma Freys Haukssonar, á Næsta bar. Svo ætla ég að reyna
að grafa upp einhverja vel falda hæfileika í innanhúsarkitektúr á laugardaginn.
STJARNA Leikkonan Natalie Port-
man var glæsileg á rauða dreglinum
á opnunarhátíð 67. kvikmyndahátíð-
arinnar í Feneyjum 1. september.
NORDICPHOTOS/GETTY
NÝ SENDING FRÁ
Airwaves í
London
30 til 40 blaða-
menn frá mörgum
af helstu tón-
listartímaritum
Bretlands voru
væntanlegir á tón-
leika Iceland Air-
waves í London í
gærkvöldi. Tón-
leikarnir voru
haldnir á tónleikastaðnum Kitchen
á Hoxton Square, vel þekktum
stað í bresku tónlistarsenunni, þar
sem upprennandi stjörnubönd
koma iðulega fram og mörg af
stærstu popp- og rokkböndum
heims hafa stigið sín fyrstu skref.
Meðal bandanna sem komu fram
í gær voru Retro Stefson, Snorri
Helgason og bresku böndin Alex
Metric og Factory Floor.
Miðasalan á siglingu
Næsta föstudag verður leikurinn
svo endurtekinn á Nordatlant-
ens Brygge í Kaupmanna-
höfn. Þar koma meðal annars
fram Dikta, Dj Margeir, Kas-
par Bjørke og danska bandið
Murder, sem öll koma fram á Air-
waves-hátíðinni í Reykjavík. Hátíð-
in sjálf fer svo fram hér á landi dag-
ana 13. til 17. október. Vel virðist
ganga að trekkja tónlistaráhugafólk
að, miðasalan komin á
blússandi siglingu og
hefur til að mynda
farið mun betur af
stað en í fyrra. Það
er því þjóðráð
að drífa í að
tryggja sér
miða hvað
úr hverju.
„Mig dreymir hár,“ svarar hár-
greiðslu- og tónlistarmaðurinn Jón
Atli Helgason, annar helmingur raf-
dúettsins Hairdoctor, spurður hvort
hann sé með hár á heilanum. „Hár
er höfuðprýði og ég vil ekki vera
mér til hárborinnar skammar,“
bætir hann við.
Hairdoctor er gæluverkefni Jóns
Atla og Árna Rúnars Hlöðversson-
ar. Önnur plata þeirra er nýkomin
út á vegum Brak-hljómplatna, sem
er undir hatti Kimi Records. Hún
ber nafnið Wish You Were Hair. Að
sögn Jóns Atla er meiri hressleiki og
minni ástarsorg á nýju plötunni en
þeirri fyrri, Shampoo, sem kom út
árið 2005. Plötuna tóku þeir Jón og
Árni upp á árinu 2008, bæði í Reykja-
vík og Brooklyn í New York.
Þeir Jón Atli og Árni eru báðir tveir
á kafi í öðrum verkefnum tengdum
tónlist, Jón í Human Woman og Árni
í FM Belfast, svo eitthvað sé nefnt.
Það er því ekkert ljóst enn þá hvort
þriðja platan líti einhvern dag-
inn ljós. „Hver veit? Árni er snilli
og kannski hendum við í eitt gott
permanent session aftur.“
- hhs
Hairdoctor með nýja plötu, Wish You Were Hair:
Hárfín og hressandi
Með hár á heilanum Önnur
plata rafdúettsins Hairdoctor,
Wish You Were Hair, er komin út.
Hópur íslenskra listamanna og
hönnuða tekur þátt í samsýn-
ingu í London í tengslum við
tískuvikuna sem hefst þar í
næstu viku. Á sýningunni verða
verk þrjátíu ungra skandinav-
ískra listamanna og hönnuða til
sýnis. Þau sem taka þátt frá Ís-
landi eru systurnar Katrín Alda
og Rebekka Rafnsdætur, grafíski
hönnuðurinn Siggi Odds, Þórunn
Árnadóttir vöruhönnuður, Andr-
ea Maack með ilmvatnið sitt og
fatahönnuðurinn Eygló Margrét
Lárusdóttir.
„Galleríið er á Berwick Street,
sem er alveg niðri í Soho. Við
opnum sýninguna á þriðjudag-
inn og hún verður svo opin
fram yfir tískuvikuna í Lond-
on,“ segir Katrín Alda. „Þetta
verður örugglega mjög öflug
kynning fyrir okkur og ekki
síst gott tengslanet sem mynd-
ast þarna, hjá okkur sem tökum
þátt í þessu.“
Skipuleggjandi viðburðarins
heitir Merilyn Keskula og er frá
Eistlandi. Hún kynntist Katrínu
Öldu í London College of Fas-
hion þegar þær voru þar saman
í námi. Katrín hjálpaði henni að
finna íslensku þátttakendurna.
Þær Katrín Alda og Rebekka
leggja af stað til London í dag
til að aðstoða við uppsetningu
sýningarinnar.
Áður en systurnar lögðu af
stað til London áttu þær þó eftir
að fylgjast með Sögu Sig taka
ljósmyndir fyrir nýju fatalín-
una þeirra. „Við erum nýbúnar
að klára nýju línuna og Saga Sig
er að fara að mynda hana fyrir
okkur á eftir [á fimmtudags-
kvöldið]. Þannig að það er allt að
gerast hjá okkur á sama tíma!“
Katrín segir nýju línuna að
miklu leyti einkennast af ullar-
efnum og díteilum úr leðurólum.
Í henni séu kjólar, jakkar, buxur
og pils. Forvitnir geta barið ljós-
myndir Sögu augum á vefsíð-
unni www.kalda.is fyrir þriðju-
daginn í næstu viku. Línan er
svo væntanleg í verslun þeirra
systra, Einveru, í lok þessa mán-
aðar.
- hhs
Katrín Alda og Rebekka Rafnsdætur taka þátt í samsýningu þrjátíu skandinavískra hönnuða:
FLOGNAR TIL LONDON
Í nógu að snúast Systurnar Rebekka og Katrín Alda Rafnsdætur eru á leið til London að sýna nýjustu línuna sína á samsýningu
þrjátíu skandinavískra listamanna og hönnuða. FRÉTTABLAÐIÐ/STEFÁN
helgin
MÍN