Fréttablaðið - 22.10.2010, Blaðsíða 32
4 föstudagur 22. október
núna
✽ gleðjið aðra
H ildur María Valgarðsdóttir lauk námi í ljósmyndun í
haust og hefur strax vakið mikla
athygli fyrir verk sín. Hildur María
stundaði nám við Københavns
Tekniske Skole í Kaupmanna-
höfn og lenti í því skemmtilega
atviki að selja tvö lokaverk sín í
miðju prófi.
„Í lokaprófinu þarf maður að
mæta tvisvar sinnum fyrir dóm-
ara og sýna verk sín. Í seinna
skiptið sem ég fór inn greip einn
dómarinn fram í fyrir mér í miðri
frásögn og bað um að fá að kaupa
verkið sem ég var að fjalla um.
Það sló mig svolítið út af laginu
en ég svaraði játandi og hélt svo
áfram að segja frá. Stuttu síðar
stoppaði annar dómari mig af og
vildi sá líka kaupa af mér verk.
Þetta hefur víst aldrei gerst áður
í sögu skólans og því er þetta mik-
ill heiður fyrir mig,“ segir Hildur
María, sem var að vonum ánægð
með gengi sitt í prófinu.
Áhugi hennar á ljósmyndun
kviknaði þegar hún var skipti-
nemi í Bandaríkjunum og lærði
þá á filmumyndavél. Hún segist
hafa gaman af hvers kyns ljós-
myndun og gildi þá einu hvort
um sé að ræða landslagsmynd-
ir eða andlitsmyndir. „Mér finnst
til dæmis mjög gaman að fara út
að ganga og mynda það sem fyrir
augu ber. Sömuleiðis finnst mér
öll grafísk vinnsla mjög skemmti-
leg og ég nota hana mikið til að
fá eitthvað meira út úr myndun-
um mínum.“
Hildur María hefur tekið að sér
ýmis verkefni í gegnum tíðina og
nýlega aðstoðaði hún við tískuþátt
fyrir danska tímaritið Euroman og
norskt tímarit að nafni Costume.
Þar vann hún með einum fremsta
stílista Dana. Aðspurð segist Hild-
ur María hafa gaman af tískuljós-
myndun en tekur fram að það sé
þó bæði nauðsynlegt og gaman
að sinna líka öðrum verkefnum
á borð við auglýsingaljósmynd-
un. „Draumurinn er að sjálfsögðu
að geta unnið eingöngu við ljós-
myndun í framtíðinni, enda er
þetta mitt helsta áhugamál,“ segir
Hildur María að lokum.
Hægt er að skoða myndir Hildar
Maríu á heimasíðunni hennar
www.hildurphoto.com. - sm
Sendu Siggu Dögg póst með spurningum eða óskum um umfjöllunarefni.
Netfangið er kynlif@frettabladid.is
Hildur María Valgarðsdóttir þykir efnilegur ljósmyndari:
Seldi verk í lokaprófi
Efnileg Hildur María Valgarðsdóttir þykir
efnilegur ljósmyndari. Hún seldi tvö verka
sinna í lokaprófinu.
MYND/HILDUR MARÍA VALGARÐSDÓTTIR
Yfirgefið hús Hildur María hefur gaman af því að mynda hvað sem fyrir augu ber.
Ótrúlegt útsýni Íslensk náttúra er á meðal myndefna Hildar Maríu.
ILMANDI KARLMENNSKA Það er auðvelt að hrífast af vel ilmandi
karlmanni. Verdon-herrailmurinn frá l‘Occitane er frískandi ilmur sem minnir á
piparmyntu og vatnskennda tóna.
Á RÚMSTOKKNUM
Sigga Dögg kynfræðingur
Um saflát og munnmök
? Ég er tiltölulega nýbyrjuð að hitta strák og það gengur mjög vel. Um daginn lágum við uppi í rúmi eftir smá kelerí og vorum að spjalla
saman og þá sagði hann mér að nánast allar stelpur sem hann hefði
sofið hjá hefðu „squirtað“. Ég hef sjálf aldrei upplifað slíkt og vinkonur
mínar segjast ekki heldur hafa gert það. Geta allar konur „squirtað“ og
hversu líklegt er að hann sé að segja satt? SVAR: Jahá, hið mikla hita-
mál um saflát (íslenskun á female ejaculation (squirting)). Það er ekki
mikið vitað um hina lífeðlislegu hlið safláts en það er talið tengjast G-
blettinum og oftar en ekki verður saflát við örvun á honum. Stundum
fylgir fullnæging og stundum ekki og vökvamagn getur verið mismikið.
Þá er vert að minnast á það að safinn er ólíkur þvagi í efnasamsetningu
og er oftast glær og lyktarlaus (og ætti því ekki að skilja eftir sig bletti
í lakinu). G-bletturinn er viðkvæmur vefur og í raun kvenleg hliðstæða
blöðruhálskirtils karla. Við kynferðislega örvun á að vera hægt að finna
G-blettinn (hjá þeim sem hann hafa), því hann verður ögn svampkennd-
ur. Þó virðast ekki allar konur hafa G-blett og þær sem hafa hann virð-
ast ekki allar upplifa saflát né fullnægingu við örvun hans. Nú get ég
ekki sagt að elskhugi þinn sé að ljúga en kannski að ýkja smá. Ef við
gefum okkur að hann segi satt og þú hafir áhuga á því að prufa þetta,
er þá ekki málið að láta hann standa við stóru orðin og hjálpa þér að
athuga hvort þú sért með G-blett og ef svo er, örva hann og sjá svo hvað
gerist! Gangi ykkur vel!
?Ég er búin að vera í föstu sambandi í rúm tvö ár og við erum mjög hamingjusöm. Það er reyndar eitt sem böggar mig pínulítið og það
er að kærasti minn er stanslaust að biðja um munnmök, sem er svo
sem allt í lagi, nema mér finnst bara bæði frekar vond lykt og bragð
af vininum og langar þess vegna ekkert sérstaklega mikið til að veita
honum það sem hann biður um. Er ekki dónalegt af mér að nefna þetta
við hann, ég vil nefnilega ekki að hann verði sár, og er eitthvað hægt
að gera til að bæta stöðuna? SVAR: Sælar mín kæra, mér finnst ekkert
sjálfsagðara en að nefna þetta við kærasta þinn. Þið eruð búin að vera
saman í tvö ár og mætti ætla að traustur grunnur hefði skapast fyrir
slíka umræðu. Ef hann verður sár þá verður hann að eiga það við sig
því það er illómögulegt að bjóða þér upp á kæst typpi. Við næstu sturtu-
ferð þarf hann að sápa typpið vel og vandlega. Hann þarf að passa sér-
staklega að draga aftur forhúðina og sápa og skola. Svo er um að gera
að þurrka kynfærin vel eftir sturtuferðina. Ef lykt og bragð skánar ekki
eftir þetta þá ætti hann að kíkja til læknis því hann gæti verið með sýk-
ingu. Þar sem þú segir að hann biðji oft um munnmök þá ætti lausnin
á þessu vandamáli að margborga sig fyrir ykkur bæði.
Spurt&svarað
30%
afsláttur
á öllum
vörum til
1. nóvember.
Frábærar Kápur
Áður 24.900.-
Nú aðeins
14.900,-
Stærðir 10 - 22