Fréttablaðið - 23.10.2010, Blaðsíða 10

10 23. október 2010 LAUGARDAGUR
FJARSKIPTI Íslenskum tölvunot-
endum stafar mun meiri hætta
af skipulagðri glæpastarfsemi á
netinu en skipulagðri árás sem
hefði það að markmiði að setja
íslensk fjarskipti á hliðina, að
mati sérfræðinga í tölvuörygg-
ismálum.
„Líkurnar á því að Ísland verði
skotmark eru ekkert voðalega
miklar,“ segir Friðrik Skúlason
veirusérfræðingur.
Á undanförnum árum hefur
orðið sú grundvallarbreyting að
nær öll spilliforrit á borð við vír-
usa, orma og trójuhesta eru skrif-
uð af fólki sem vill nota þau til að
græða peninga, segir Friðrik. Því
sé afar ólíklegt að Ísland verði
skotmark pólitískra tölvuþrjóta
sem leggi alla áherslu á að valda
hér skaða.
Kristinn Guðjónsson, hópstjóri
upplýsingaöryggis hjá tölvufyr-
irtækinu Skyggni, tekur í sama
streng, en bendir á að ákveði ein-
hverjir aðilar að gera slíka árás
á Íslandi gæti tjónið orðið veru-
legt.
„Glæpastarfsemin er stóra
áhættan fyrir okkur,“ segir Krist-
inn. Hann segir afar erfitt fyrir
íslensk fyrirtæki, sem séu lítil á
heimsmælikvarða, að verja sig
gegn árásum tölvuþrjóta. Vissu-
lega séu til sérfræðingar í þess-
um málum hér á landi, en þeir séu
hver í sínu horni.
Kristinn segir flesta sammála
um nauðsyn þess að koma upp
viðbragðshópi stjórnvalda hér á
landi til að bregðast við tölvuár-
ásum. Slíkum hópi mætti líkja við
almannavarnir í tölvuheimum, og
flest ríki séu nú þegar með slíka
hópa starfandi, þar með talið hin
Norðurlöndin.
Viðbragðsteymin geta aðstoðað
fyrirtæki þegar þau verða fyrir
tölvuárásum og samhæft aðgerð-
ir með fjarskiptafyrirtækjum og
öðrum til að hrinda árásum.
Friðrik segist ekki sannfærður
um að þörf sé á slíkum viðbragðs-
hópi. Sannarlega geti ekki skað-
að að koma slíkum hópi á fót, en
hvort það væri peninganna virði
sé annað mál. Trúlega sé það svip-
að og með tryggingar, í sumum
tilvikum reynist þær tímasóun
en í öðrum nauðsynlegar.
Friðrik segir minni líkur á að
þörf verði fyrir slíkan hóp hér en
í nágrannalöndunum, og á meðan
tölvuárásir þar séu ekki vanda-
mál sé ólíklegt að svo verði hér.
brjann@frettabladid.is
Óttast glæpi
en ekki stóra
tölvuárás
Engar almannavarnir á sviði tölvumála eru til
staðar á Íslandi. Sérfræðingar eru ekki á einu máli
um nauðsyn þess að koma upp viðbragðshópi. Telja
hættu á tölvuglæpum en litla hættu alvarlegri árás.
STELA Á NETINU Þeir sem búa til spilliforrit í dag reyna flestir að græða á þeim
peninga, til dæmis með því að stela kortanúmerum, komast inn í heimabanka eða
senda ruslpóst, segir Friðrik Skúlason veirusérfræðingur. NORDICPHOTOS/AFP
Glæpamenn í netheimum beita
oft kunnuglegum aðferðum við að
hafa fé af fólki, segir Friðrik Skúla-
son veirusérfræðingur. Sumir gera
álagsárás á vef fyrirtækis í skamma
stund, og bjóða svo fyrirtækinu
vernd fyrir frekari árásum, gegn
greiðslu. Það er svipað aðferðum
glæpagengja sem hóta íkveikju ef
verndargjald er ekki greitt.
Kúgun á netinu
Fjárhagsleg
endurskipulagning
fyrirtækja
Haustráðstefna KPMG
28. október / Grand Hótel
KPMG blæs til haustráðstefnu þar sem fjallað
verður um fjárhagslega endurskipulagningu
fyrirtækja og er leitað í þekkingar- og
reynslubrunn nokkurra áhugaverðra fyrirlesara.
Ráðstefnan byrjar með hádegisverði
klukkan tólf og dagskráin hefst formlega
klukkan eitt. Ráðstefnugjald er 7.500 kr.
Skráning fer fram á www.kpmg.is
Dagskrá
Fjármálakreppan og aðlögun
íslensks efnahagslífs
Már Guðmundsson,
Seðlabankastjóri
Fjárhagsleg endurskipulagning
– hvernig mætast sjónarmið
fyrirtækja og kröfuhafa
Michael Dance, sérfræðingur í
fjárhagslegri endurskipulagningu
Lífið eftir endurskipulagningu
Gylfi Sigfússon, forstjóri Eimskips
Reynslusaga af flóknu
endurskipulagningarferli
H. Ágúst Jóhannesson, KPMG
Eru enn til staðar hindranir í endur-
skipulagningu og viðreisn fyrirtækja?
Finnur Oddsson, framkvæmdastjóri
Viðskiptaráðs Íslands
Pallborðsumræður
Stjórnandi: Halla Tómasdóttir,
stjórnarformaður Auðar Capital
Ráðstefnustjóri
Auður Ósk Þórisdóttir, KPMG
UTANRÍKISMÁL Samstaða var um að ljúka aðildar-
viðræðum við Evrópusambandið (ESB) og að
þingmenn kysu um niðurstöðuna, í pallborði og
hjá frummælendum á nýafstaðinni morgunráð-
stefnu samtakanna Sterkara Ísland.
Pallborðið skipuðu Valgerður Bjarnadóttir,
þingmaður Samfylkingarinnar, Guðlaugur Þór
Þórðarson, þingmaður Sjálfstæðisflokks og
Katrín Jakobsdóttir, menntamálaráðherra og
varaformaður Vinstri grænna. Guðlaugur og
Katrín kváðust bæði á móti aðild, en Valgerður
er henni fylgjandi.
Öll töldu þau mikilvægt að færa umræðu um
aðild að ESB í málefnalegra horf og vinna að
því að tryggja gagnsætt samningaferli. Guð-
laugur Þór taldi málið líklegt til þess að skilja
eftir sig djúp sár hjá þjóðinni, sár sem gengju
jafnvel þvert á flokka og fjölskyldur. Til að
draga úr sárindum taldi hann skynsamlegt að
setja samningaferlinu tímamörk og kvaðst vilja
fá að sjá dagsetningu um hvenær kosið yrði um
aðild. Þá sagðist hann óttast að forsvarsmenn
ríkisstjórnarinnar létu aðra hagsmuni víkja
fyrir áhuga sínum á að ganga í ESB.
Í framsögu lýsti Sóley Tómasdóttir, borgar-
fulltrúi Vinstri grænna, efasemdum um inn-
göngu í ESB, en sagðist þó vilja klára ferlið
sem hafið væri. „Mín skoðun er sú að betra sé
að fyrir liggi samningur, enda liggi þá skýrt
fyrir hverjir kostirnir eru,“ sagði hún.
Þá sagðist G. Valdimar Valdimarsson, for-
maður alþjóðanefndar Framsóknarflokks-
ins, ekki trúa því að framsóknarmenn, sjálf-
stæðismenn og vinstri grænir væru tilbúnir
að treysta Samfylkingu og embættismönnum
fyrir ákvörðunum er vörðuðu samningsmark-
mið og áherslur í íslenskum landbúnaði í kom-
andi framtíð. - óká
PALLBORÐIÐ Samtökin Sterkara Ísland sem vinna að
aðild Íslands að ESB stóðu fyrir fundi í Iðnó.
FRÉTTABLAÐIÐ/GVA
Samstaða var meðal þingmanna þriggja stærstu stjórnmálaflokkanna um að ljúka viðræðum við ESB:
Við samningslok liggja kostirnir skýrt fyrir
KEPPT Í SVEFNI Á Spáni fór nú í
vikunni fram keppni í þeirri íþrótt að
fá sér blund eftir hádegismatinn. Hver
keppandi hafði tuttugu mínútur, og átti
að ná sem lengstum dúr en fékk auka-
punkta fyrir að hrjóta. NORDICPHOTOS/AFP