Fréttablaðið - 23.10.2010, Side 88

52 23. október 2010 LAUGARDAGUR
folk@frettabladid.is
> LOHAN AFTUR Í STEININN
Lindsay Lohan lauk meðferð í
gær, en þangað fór hún eftir að
hún féll á eiturlyfjaprófi í sept-
ember. Lohan þurfti að mæta
beint í réttarsal þar sem dóm-
ari tók á móti henni og gæti hún
átt yfir höfði sér allt að mánað-
arfangelsisdóm fyrir ýmis afbrot.
Ný íslensk leikin þátta-
röð hefur göngu sína annað
kvöld þegar fyrsti þátt-
ur Hlemmavídeós verður
sýndur á Stöð 2. Leikstjóri
er Styrmir Sigurðsson sem
gerði fyrstu Fóstbræðra-
þættina, sællar minninga.
Hlemmavídeó skartar þeim Pétri
Jóhanni Sigfússyni, Ágústu Evu
Erlendsdóttur og Vigni Rafni Val-
þórssyni í aðalhlutverkum. Þætt-
irnir fjalla um hinn fráskilda Sig-
urð Hermannsson, sem oftast er
kallaður Siggi, sem erfði vídeó-
leigu eftir föður sinn. Hann rekur
hana með hálfum huga enda á
hann sér þann draum heitastan að
verða alvöru einkaspæjari. Með
önnur hlutverk í þáttunum fara
þau Gunnar Hansson og Sólveig
Arnarsdóttir.
Það var mikill erill þegar Frétta-
blaðið bar að garði á tökustað, enda
verið að taka upp síðustu þættina
á meðan fyrsti þátturinn er í eftir-
vinnslu og klippingu. Þorsteinn
Bachmann og Pétur Jóhann komu
sér makindalega fyrir í sófa, komu
sér í „karakter“ eins og það heitir
á leikaramálinu og tökuvélarnar
byrjuðu að rúlla.
„Þorsteinn leikur Kalla Kennedy,
verktaka sem rak strippbúllu en
segist nú vera réttu megin í lífinu.
Enda búið að banna stripp í Reykja-
vík,“ segir Styrmir Sigurðsson leik-
stjóri. Uppi um alla veggi má sjá
gamlar og nýjar vídeó- og DVD-
spólur sem Styrmir upplýsir að séu
flestar í eigu Páls Óskars Hjálmtýs-
sonar, poppstjörnu Íslands. „Palli
hringdi eiginlega bara í okkur um
leið og hann frétti af þessum þátt-
um og bauð okkur afnot af safn-
inu. Þetta var algjörlega skilyrðis-
laust af hans hálfu, ekkert hlutverk
eða neitt þannig, við skyldum bara
fara vel með þær,“ segir Styrmir en
bætir því við um leið að starfsfólk
leikmunadeildarinnar hafi einnig
haft í nægu að snúast við að finna
hulstur og spólur.
Styrmir er enginn nýgræðingur
á sviði gamanþáttaraða þótt hann
hafi kannski ekki haft sig mikið í
frammi undanfarin ár. Hann leik-
stýrði fyrstu Fóstbræðraþáttun-
um sem slógu eftirminnilega í
gegn hjá áhorfendum Stöðvar 2.
„Ég hef aðallega verið að leikstýra
auglýsingum, hef örugglega gert
yfir hundrað síðustu ár. Og svo
hefur maður bara verið að sýsla
við hitt og þetta. Ég, Jón Gnarr
og Þorsteinn Guðmundsson erum
með kvikmyndahandrit í smíðum
þannig að þessi hópur hefur allt-
af verið að brölta eitthvað saman.“
Styrmir varar hins vegar fólk við
því að vera með hláturtaugarnar
þandar fyrir þátt sunnudagsins,
hann sé svolítið í dramatískari
kantinum. „En svo byrjar ruglið
fljótlega upp úr því.“
freyrgigja@frettabladid.is
Spólusafn Páls Óskars í Hlemmavídeói
SIGGI OG KALLI KENNEDY Pétur Jóhann og Þorsteinn Bachmann í hlutverkum sínum í Hlemmavídeói. Pétur Jóhann leikur fráskil-
inn mann sem erfir vídeóleigu, Þorsteinn er Kalli Kennedy, verktaki sem eitt sinn rak strippbúllu. FRÉTTABLAÐIÐ/VALLI
SVONA VERÐUR ÞETTA GERT Styrmir, fyrir miðju, gefur Bergsteini Björgúlfssyni töku-
manni leiðbeiningar. Pétur Jóhann og Þorsteinn Bachmann hlusta á fyrirmælin.
Starfsfólk við tökur á framhaldi
gamanmyndarinnar Hangover
gerði uppreisn í vikunni þegar
til stóð að taka upp atriði með
Mel Gibson. Mikla athygli vakti
þegar leikstjórinn Todd Phillips
réð Gibson til að leika húðflúrara
í myndinni, en ferill þess síðar-
nefnda er í mikilli hættu eftir
að fyrrverandi kærasta hans
lak upptökum í fjölmiðla þar
sem hann heyrist hóta henni
öllu illu.
Eftir að það fréttist
að Gibson væri vænt-
anlegur á tökustað
gerðu nokkrir starfs-
menn uppreisn og
kröfðust þess að hann
myndi ekki taka þátt
í gerð myndarinnar.
Leikstjórinn var afar
óánægður með viðbrögð starfs-
manna sinna. Samkvæmt frétta-
miðlinum TMZ var hinn hrikalega
fyndni Zach Galifianakis í forsvari
fyrir hópnum sem vildi ekki sjá
Gibson. Aðrir leikarar voru í hópn-
um, en ekki Bradley Cooper, einn
af aðalleikurunum.
Phillips hætti við að fá
Gib son í myndina degi áður en
hann átti að mæta á tökustað.
Heimildarmaður TMZ, sem er
tengdur Gibson, segir mikla
hræsni einkenna ákvörð-
unina, enda var dæmdi
nauðg arinn Mike Tyson
í litlu hlutverki í fyrri
myndinni.
Gibson óvelkominn
í Timburmenn 2
ÓVELKOMINN Gibson er
ekki velkominn á tökustað
The Hangover 2.
Lesbíski plötusnúðurinn Sam-
antha Ronson sást yfirgefa
heimili söngkonunnar Christ-
inu Aguilera undir morgun,
skömmu eftir að sú síðar-
nefnda skildi við eiginmann
sinn.
Ronson er þekktust fyrir að
hafa átt í ástarsambandi við vand-
ræðagemlinginn Lindsay Lohan,
en Aguilera gaf þarna sögum
um meinta samkynhneigð sína
byr undir báða vængi.
Erlendir fjölmiðlar velta
nú fyrir sér hvort fyrrver-
andi eiginmaður Aguil-
era, Jordan Bratman, hafi
sótt um skilnað vegna óseiðandi hung-
urs hennar í samneyti við konur. Fjöl-
miðlar sögðu í vikunni sögu konu sem
hafði neitað Aguilera um einnar nætur
gaman eftir að þær hittust á skemmti-
stað. Þá hefur hún lýst því yfir í viðtöl-
um að hún sé einnig gefin fyrir konur.
Samantha Ronson sást yfirgefa heim-
ili Aguilera klukkan sjö um morgun og
náðist af því mynd. Talsmaður Aguilera
neitar að eitthvað sé á milli þeirra og
segir þær einfaldlega vera góðar vin-
konur – og hafa verið lengi. Aðrir tala
um að það segi ýmislegt um Christinu
Aguilera að hún hafi valið Samönthu
Ronson til að hugga sig þessa örlaga-
ríku nótt, eftir að veröld hennar hrundi.
Sparkað vegna samkynhneigðar
LESBÍA?
Christina
Aguilera grét
á öxl hinnar
lesbísku
Samönthu
Ronson eftir
að hún
skildi við
eiginmann
sinn.
Talið er að gömlu kempurn-
ar Robert De Niro og Sylvest-
er Stallone ætli að smeygja sér í
boxhanskana á nýjan leik fyrir
myndina Grudge Match sem er
væntanleg í bíó árið 2012. Báðir
eru þeir þekktir fyrir að leika
hnefaleikakappa. De Niro hlaut
Óskarinn fyrir hlutverk sitt sem
Jake La Motta í Raging Bull sem
kom út 1980 og Stallone er auð-
vitað frægastur fyrir Rocky-
myndirnar. Grudge
Match fjallar
um tvo fyrr-
verandi box-
ara, Billy „The
Kid“ McGuig-
an og Henry
„Razor“ Sharp,
sem ákveða að
snúa aftur til
að lumbra
hvor á
öðrum í
síðasta
sinn.
Smeygja sér í
boxhanskana
AFTUR Í HRINGINN Sylvester Stallone er
á leiðinni aftur í hringinn.