Fréttablaðið - 29.10.2010, Page 32

4 föstudagur 29. október
Rakaðar rauðsokkur
Um daginn var ég á biðstofu þar sem við mér blasti tímarit fyrir ungl-inga. Ég blaðaði í hálfkæringi í gegnum það þar til orðið „kynfæra-
rakstur“ fangaði athygli mína. Ung stúlka hafði sent blaðinu fyrirspurn
um hvernig væri best að framkvæma háreyðingu hjá kynfærum. Svarið
var að gera það alls ekki enda væri fjarlæging kynfærahára óþörf. Þetta
fannst mér athyglisvert þar sem ég er mikil áhugamanneskja um kynfæri,
og þá skiptir engu hvort þau séu snyrt eða ósnyrt. Fólk skiptist iðulega í
fylkingarnar „með“ og „á móti“ þegar kemur að háreyðingu. „Hinir hár-
lausu“ tala oft um aukið hreinlæti og kynferðislega aðlöðun (sex appeal)
og gera oft strangar kröfur um að konur jafnt sem karlar snyrti sig. „Hinir
snyrtu“ ganga oft út frá allsherjar hárleysi líkamans; handarkrikar, legg-
ir, kynfæri, og stundum líka bringa og bak, eftir því hver á í hlut. „Hinir
loðnu“ hins vegar leyfa, að flestu leyti, óheftan líkamshárvöxt. Samkvæmt
staðalímyndinni þá eru þeirra rök fyrir náttúrulegum hárvexti þau að það
sé hið eðlilega ástand líkamans.
Eflaust má rekja „normalíseringu“ kynfæraháreyðingar til klámsins og
því spyr ég, þarf þetta að vera svona? Mætti vera loðin á leggjunum en
með vel snyrtan munaðarhól? Eða loðin í dag og hárlaus á morgun? Oft
er ég spurð hvort ég sé „með“ eða „á móti“ háreyðingu. Ef ég játast öðrum
hvorum hópnum virðist ég hafa sett mig í þann hóp og fylgi viðhorfum
hans. Þessu er ég hreinlega ósammála. Mér finnst að kynfærahárvöxtur
og eyðing eigi að vera persónulegt val hvers og eins og þeirra einkamál.
Vinkona mín framkvæmdi óformlega rannsókn á kynfærahárvexti
kvenna í sundlaugum víðsvegar um höfuðborgina og komst að því að
hárvöxtur var oft bundinn ákveðnum hverfum borgarinnar. Þessar
niðurstöður segja ekkert til um skoðanir né kynlífshegðun fólks sem bú-
sett er í þessum tilteknu hverfum, heldur er ákveðinn stökkpallur fyrir
frekari umræðu á fyrirbærinu. Ef háreyðing er skoðuð í sögulegu sam-
hengi má rekja hina útbreiddu hugmynd um að allar konur skulu vera
„vel snyrtar“ til markaðsátaks snyrtivörufyrirtækja í byrjun tuttugustu
aldarinnar. Hins vegar er háreyðing sem slík, á kynfærum og annars stað-
ar, töluvert eldra fyrirbæri sem framkvæmt er af báðum kynjum í sumum
menningarheimum.
Í mínum útópíska heimi er kynfærahárvöxtur einkamál en ekki yfir-
lýsing um lífsviðhorf, kynlífshegðun og bólfélagastöðu. Hár er jú bara
hár og eins og með flest allt í þessum heimi þá má finna kosti og galla
í báðum tilfellum. Mér er alveg sama hvernig þú hagar þínum hárvexti
svo lengi sem þú sért sátt en sért ekki að haga þér samkvæmt samfélags-
legri pressu. Rauðsokkur geta skartað suðuramerískri klippingu rétt eins
og Beðmálsstúlkur geta hvílt rakvélina.
Á RÚMSTOKKNUM
Sigga Dögg kynfræðingur
Sendu Siggu Dögg póst með spurningum eða óskum um umfjöllunarefni.
Netfangið er kynlif@frettabladid.is
Brenndir litir hafa verið áber-
andi í haustlínum tískuhús-
anna þetta árið. Hunangslitað-
ir bolir, sinnepsgulir kjólar og
aðrar brúnleitar flíkur verða mjög
ráðandi í vetur. Litirnir klæða ef til
vill ekki alla, en þeir sem komast
upp með það ættu svo sannarlega
að láta til leiðast, enda eru brenndu
litirnir skemmtileg tilbreyting frá svarta
litnum sem hefur hingað til verið helsti
tískulitur vetrarmánuðinna. - sm
Bolur úr
Topshop,
5.990 kr.
Chloé
Þægilegar buxur
úr Zöru, 6.995 kr.
Viltu verða naglafræðingur?
- Fyrirtækið Professionails er einn virtasti naglavöruframleiðandi í Evrópu.
- Ásamt því að framleiða naglavörur rekur Professionails naglaskóla víða um heim.
- Naglaskóli Professionails hefur verið starfræktur á Íslandi í 13 ár.
- Allir leiðbeinendur sækja námskeið og þjálfun til Professionails, a.m.k. einu sinni á ári.
- Naglavörurnar sem notaðar eru við kennsluna koma eingöngu frá Professionails.
- Allir nemendur fá diploma frá Professionails sem nýtist þeim um allan heim að námi loknu.
- Kennt er einu sinni í viku, á miðvikudögum, kl. 18-22 í 6-12 mánuði.
- Skólagjöldin eru frá 336.000 kr. Hægt er að dreifa greiðslum á allt að 36 mánuði.
- Innifalið í skólagjöldum er veglegur vörupakki frá Professionails.
Naglaskóli Professionails
SNYRTISKÓLI - naglaskóli - förðunarskóli - fótaaðgerðaskóli
S N Y R T I -
Fjölbreytt nám - Glæsileg aðstaða
Nánari upplýsingar á snak.is
Snyrtiakademían | Hjallabrekku 1 | 200 Kópavogur | S.553-7900 | www.snak.is
1. Kjóll úr Spúútnik, 15.900 kr. 2. Loðskór
úr Zöru, 17.995 kr. 3. Hlébarðahúfa úr
Accessorize, 3.999 kr. 4. Afrískt hálsmen
úr Spúútnik, 11.900 kr. 5. Brúnt háls-
men úr Topshop, 3.990 kr. 6. Síður tref-
ill úr Zöru, 3.495 kr. 7. Brúnt leðurbelti úr
Zöru, 7.995 kr. 8. Taska með kögri úr Friis
og Company, 9.990 kr.
FRÉTTABLAÐIÐ/VILHELM
Bolur úr Vero
Moda, 9.900 kr.
Tískustraumarnir í vetur:
BRENNDIR
LITIR
Hermes