Fréttablaðið - 29.10.2010, Page 45

2005
Drabet (Morðið), leikstjóri Per Fly,
handritshöfundar Kim Leona,
Dorte Høgh, Mogens Rukov og
Per Fly, og framleiðandi Ib Tardini
fyrir Zentropa, Danmörku.
Kvikmyndaverðlaunin hafa verið veitt árlega frá árinu 2005, verðlaunamyndir síðan þá eru:
MIESTEN VUORO
(STEAM OF LIFE)
//SÁLNASÁNA
Fafla – efniskjarni atburðarásar
Heimildamynd um nakta finnska karlmenn í sánum. Við
fylgjumst með þeim hreinsa sig líkamlega og andlega og
tala beint frá hjartanu. Í myndinni er farið vítt og breitt um
Finnland, heimsóttar fjölmargar sánur og rætt við
karlmenn úr öllum stigum þjóðfélagsins. Við heyrum
sögur af ást, dauða, fæðingu og vinskap. Í örstuttu máli,
um lífið.
Um myndina
Hugmyndin að myndinni, að kvikmynda finnska
karlmenn í sánum, kviknaði þegar Joonas Berghäll vandi
komur sínar í eina af elstu sánum Tampere/Tammerfors
til að hreinsa hugann á erfiðum tímum. Hann hjó eftir
innilegum samtölum manna í sánunni, en berskjaldaðir í
þessu umhverfi tókst þeim að finna sérstaka nánd og
gátu deilt tilfinningum sínum. Þegar upptökurnar áttu sér
stað voru leikstjórinn og tökuliðið einnig án fata svo
viðfangsefnin ættu auðveldara með að opna sig. Frá
tæknilegu sjónarhorni þurfti að hita tækjabúnað upp að
hita sánunnar (75-85 gráður á Celsíus) til að forðast
móðumyndun á tökuvélinni.
Myndin var frumsýnd í Finnlandi þann 26. mars
síðastliðinn og hlaut miklar vinsældir sem og góðar
umsagnir gagnrýnenda. Myndin vekur ámóta viðbrögð
hjá áhorfendum og dómnefndum hvert sem hún fer.
Hún hlaut Risto Jarva verðlaunin og
áhorfendaverðlaunin á kvikmyndahátíðinni í
Tampere/Tammerfors í Finnlandi, dómnefndarverðlaun
á Visions du Reel í Nyon í Swiss ásamt því að skipa
efstu sætin á kvikmyndahátíðunum DocAviv í Tel Aviv í
Ísrael og Planeta Doc Review í Varsjá í Póllandi.
Aðstandendur
Leikstjórn og handrit: Joonas Berghäll og Mika
Hotakainen
Framleiðandi: Joonas Berghäll
Framleitt af Oktober Oy
Lengd 84 mínútur
UPPERDOG
//YFIRHÖNDIN
Fafla – efniskjarni atburðarásar
Ung að árum voru hálfsystkinin Axel og Yanne ættleidd
til Noregs. Drengurinn fór á hástéttarheimili í vesturhluta
Oslóborgar á meðan stúlkan fór heimili
miðstéttarfjölskyldu í austurhluta borgarinnar. Ólíkt
bróður sínum man Yanne vel eftir ferð þeirra til Noregs
þó hún viti ekki hvar bróðir hennar er niðurkominn. En
skjótt skipast veður í lofti og þegar pólsk vinkona Yanne
hefur störf sem þerna á heimili foreldra Axels, fara hjólin
að snúast. Á heimili þeirra uppgötvar hún ljósmynd af
ungum dreng, þeim sama og er á ljósmynd sem Yanne
hefur uppi á vegg hjá sér.
Um myndina
Myndin er marglaga frásögn af hópi ungmenna í Osló
okkar daga. Myndin snýst um það að sjá annað fólk,
ekki bara sjálfan sig, til að sættast við fortíðina. Kjarni
myndarinnar er fólginn í þeirri frelsun sem fyrirfinnst í ást
milli tveggja einstaklinga.
Myndinni gekk firnavel eftir að hún var heimsfrumsýnd á
alþjóðlegu kvikmyndahátíðinni í Haugasundi í Noregi og
trekkti að meiri en 110,000 áhorfendur þar í landi. Síðan í
október síðastliðnum hefur myndin farið vítt og breitt um
heiminn og hlotið ýmis verðlaun s.s.
Dómnefndarverðlaunin á Nordic Film
kvikmyndahátíðinni í Rouen í Frakklandi 2010 ásamt því
að vera kosin besta norræna kvikmyndin 2009 af
samtökum Norænna kvikmyndagagnrýnenda.
Aðstandendur
Leikstjórn og handrit: Sara Johnsen
Framleiðendur: Christian Frederik Martin og Asle Vatn
Aðalhlutverk: Mads Sjøbård Pettersen, Agnieszka
Grochowska, Hermann Sabado og Bang Chau
Framleitt af Friland AS
Lengd 95 mínútur
METROPIA
Fafla – efniskjarni atburðarásar
Myndin gerist í ekki alltof fjarlægri framtíð. Olía heimsins
er að verða uppurin og risastórt neðanjarðarlestarkerfi
tengir saman alla Evrópu. Í hvert skipti þegar Roger,
sem er frá Stokkhólmi, fer inn í neðanjarðarlestarkerfið
heyrir hann ókunnuga rödd í höfðinu. Hann leitar til Ninu
til að fá hjálp við að losa sig úr flóknum vef
neðanjarðalestakerfisins, en því lengra sem þau fara,
þeim mun dýpra sökkva þau í ansi skuggalegt samsæri.
Um myndina
Myndin er stafræn samsuða á milli þess að vera
teiknimynd og leikin mynd, sú fyrsta sinnar tegundar í
Svíþjóð. Leikstjórinn var innblásinn af klassískum
bókmenntum þeirra Franz Kafka (The Trial) og George
Orwell (1984) þegar hann þróaði hugmyndina um
samfélag þar sem hugsunum og gjörðum fólks er
stjórnað af „Stóra bróður.“
Tarik Saleh, leikstjóri myndarinnar, segir sjálfur myndina
fjalla um „menningarlega byltingu okkar tíma, eftirlit,
úrkynjaða forvitni og ofsóknarbrjálæði.“
Myndin var heimsfrumsýnd á kvikmyndahátíðinni í
Feneyjum 2009 þar sem hún hlaut Future Film Digital
verðlaunin. Síðan þá hefur henni verið boðið á tæplega
50 alþjóðlegar kvikmyndahátíðir. Myndin var frumsýnd í
Svíþjóð í októbermánuði 2009 og hefur verið keypt til
dreifingar í Bandaríkjum Norður-Ameríku, Danmörku
og Noregi.
Aðstandendur
Leikstjóri:Tarik Saleh
Handrit: Stig Larsson, Frederik Edin og Tarik Saleh
Framleiðandi: Kristina Åberg
Leikraddir: Vincent Gallo, Juliette Lewis, Udo Kier,
Stellan Skarsgård, Alexander Skarsgård og Sofia Helin
Framleitt af Atmo Metro AB
Lengd 86 mínútur
NINGAR 2010
FINNLAND NOREGUR SVÍÞJÓÐ
2006
Zozo, handritshöfundur og
leikstjóri Josef Fares og
framleiðandi Anna Anthony
fyrir Memfis Film, Svíþjóð.
2007
Kunsten at græde i kor (Listin að
gráta í kór), leikstjóri Peter Schønau
Fog, handritshöfundur Bo hr.
Hansen og framleiðandi er Thomas
Stenderup fyrir Final Cut,
Danmörku.
2008
Du levande (Þið sem lifið),
handritshöfundur og leikstjóri
Roy Andersson og framleiðandi
Pernilla Sandström fyrir Studio
24, Svíþjóð.
2009
Antichrist (Andkristur),
handritshöfundur og leikstjóri Lars
von Trier og framleiðandi Meta
Louise Foldager fyrir Zentropa,
Danmörku.